1. විභඞ්ගවාරො

හෙතුපච්චයො

273. අරූපාවචරං ධම්මං පච්චයා අරූපාවචරො ධම්මො උප්පජ්ජති හෙතුපච්චයා… තීණි (පටිච්චසදිසා).

නඅරූපාවචරං ධම්මං පච්චයා නඅරූපාවචරො ධම්මො උප්පජ්ජති හෙතුපච්චයා – නඅරූපාවචරං එකං ඛන්ධං…පෙ… (යාව අජ්ඣත්තිකා මහාභූතා) වත්ථුං පච්චයා නඅරූපාවචරා ඛන්ධා. නඅරූපාවචරං ධම්මං පච්චයා අරූපාවචරො ධම්මො උප්පජ්ජති හෙතුපච්චයා – වත්ථුං පච්චයා අරූපාවචරා ඛන්ධා. නඅරූපාවචරං ධම්මං පච්චයා අරූපාවචරො ච නඅරූපාවචරො ච ධම්මා උප්පජ්ජන්ති හෙතුපච්චයා – වත්ථුං පච්චයා අරූපාවචරා ඛන්ධා, මහාභූතෙ පච්චයා චිත්තසමුට්ඨානං රූපං. (3)

274. අරූපාවචරඤ්ච නඅරූපාවචරඤ්ච ධම්මං පච්චයා අරූපාවචරො ධම්මො උප්පජ්ජති හෙතුපච්චයා – අරූපාවචරං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. අරූපාවචරඤ්ච නඅරූපාවචරඤ්ච ධම්මං පච්චයා නඅරූපාවචරො ධම්මො උප්පජ්ජති හෙතුපච්චයා – අරූපාවචරෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. අරූපාවචරඤ්ච නඅරූපාවචරඤ්ච ධම්මං පච්චයා අරූපාවචරො ච නඅරූපාවචරො ච ධම්මා උප්පජ්ජන්ති හෙතුපච්චයා – අරූපාවචරං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… අරූපාවචරෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)