1. විභඞ්ගවාරො

නහෙතු-නආරම්මණපච්චයා

268. නඅරූපාවචරං ධම්මං පටිච්ච නඅරූපාවචරො ධම්මො උප්පජ්ජති නහෙතුපච්චයා – අහෙතුකං නඅරූපාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං …පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව අසඤ්ඤසත්තා) විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1) නආරම්මණපච්චයා… තීණි.

නඅධිපතිපච්චයාදි

269. අරූපාවචරං ධම්මං පටිච්ච අරූපාවචරො ධම්මො උප්පජ්ජති නඅධිපතිපච්චයා – අරූපාවචරෙ ඛන්ධෙ පටිච්ච අරූපාවචරාධිපති, විපාකං අරූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

නඅරූපාවචරං ධම්මං පටිච්ච නඅරූපාවචරො ධම්මො උප්පජ්ජති නඅධිපතිපච්චයා – නඅරූපාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ …පෙ… පටිසන්ධික්ඛණෙ…පෙ… (යාව අසඤ්ඤසත්තා). (1) නඅනන්තරපච්චයා…පෙ… නඋපනිස්සයපච්චයා.

නපුරෙජාතපච්චයාදි

270. අරූපාවචරං ධම්මං පටිච්ච අරූපාවචරො ධම්මො උප්පජ්ජති නපුරෙජාතපච්චයා – අරූපෙ අරූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (මූලං කාතබ්බං.) අරූපාවචරෙ ඛන්ධෙ පටිච්ච චිත්තසමුට්ඨානං රූපං. (2)

නඅරූපාවචරං ධම්මං පටිච්ච නඅරූපාවචරො ධම්මො උප්පජ්ජති නපුරෙජාතපච්චයා – අරූපෙ නඅරූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (යාව අසඤ්ඤසත්තා). (1)

අරූපාවචරඤ්ච නඅරූපාවචරඤ්ච ධම්මං පටිච්ච නඅරූපාවචරො ධම්මො උප්පජ්ජති නපුරෙජාතපච්චයා – අරූපාවචරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1) නපච්ඡාජාතපච්චයා….

නආසෙවනපච්චයො

271. අරූපාවචරං ධම්මං පටිච්ච අරූපාවචරො ධම්මො උප්පජ්ජති නආසෙවනපච්චයා – විපාකං අරූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. අරූපාවචරං ධම්මං පටිච්ච නඅරූපාවචරො ධම්මො උප්පජ්ජති නආසෙවනපච්චයා – අරූපාවචරෙ ඛන්ධෙ පටිච්ච චිත්තසමුට්ඨානං රූපං. (2)

නඅරූපාවචරං ධම්මං පටිච්ච නඅරූපාවචරො ධම්මො උප්පජ්ජති නආසෙවනපච්චයා – නඅරූපාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… (යාව අසඤ්ඤසත්තා). (1)

අරූපාවචරඤ්ච නඅරූපාවචරඤ්ච ධම්මං පටිච්ච නඅරූපාවචරො ධම්මො උප්පජ්ජති නආසෙවනපච්චයා – අරූපාවචරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1) (සංඛිත්තං.)