1-4. පච්චයානුලොමාදි

හෙතුපච්චයො

244. රූපාවචරං ධම්මං සංසට්ඨො රූපාවචරො ධම්මො උප්පජ්ජති හෙතුපච්චයා – රූපාවචරං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

නරූපාවචරං ධම්මං සංසට්ඨො නරූපාවචරො ධම්මො උප්පජ්ජති හෙතුපච්චයා – නරූපාවචරං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

හෙතුයා ද්වෙ, ආරම්මණෙ ද්වෙ (සබ්බත්ථ ද්වෙ), අවිගතෙ ද්වෙ.

අනුලොමං.

නරූපාවචරං ධම්මං සංසට්ඨො නරූපාවචරො ධම්මො උප්පජ්ජති නහෙතුපච්චයා (සංඛිත්තං).

නහෙතුයා එකං, නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ ද්වෙ, නආසෙවනෙ ද්වෙ, නකම්මෙ ද්වෙ, නවිපාකෙ ද්වෙ, නඣානෙ එකං, නමග්ගෙ එකං, නවිප්පයුත්තෙ එකං.

පච්චනීයං.