1. විභඞ්ගවාරො

නහෙතුපච්චයො

240. නරූපාවචරං ධම්මං පච්චයා නරූපාවචරො ධම්මො උප්පජ්ජති නහෙතුපච්චයා – අහෙතුකං නරූපාවචරං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව අසඤ්ඤසත්තා) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා නරූපාවචරා ඛන්ධා, විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1) (සංඛිත්තං.)

නඅධිපතිපච්චයො

241. රූපාවචරං ධම්මං පච්චයා රූපාවචරො ධම්මො උප්පජ්ජති නඅධිපතිපච්චයා… තීණි (පටිච්චවාරසදිසං).

නරූපාවචරං ධම්මං පච්චයා නරූපාවචරො ධම්මො උප්පජ්ජති නඅධිපතිපච්චයා (පටිච්චවාරසදිසං). නරූපාවචරං ධම්මං පච්චයා රූපාවචරො ධම්මො උප්පජ්ජති නඅධිපතිපච්චයා – වත්ථුං පච්චයා රූපාවචරාධිපති, වත්ථුං පච්චයා විපාකා රූපාවචරා ඛන්ධා; පටිසන්ධික්ඛණෙ…පෙ…. නරූපාවචරං ධම්මං පච්චයා රූපාවචරො ච නරූපාවචරො ච ධම්මා උප්පජ්ජන්ති නඅධිපතිපච්චයා – වත්ථුං පච්චයා විපාකා රූපාවචරා ඛන්ධා, මහාභූතෙ පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. (3)

242. රූපාවචරඤ්ච නරූපාවචරඤ්ච ධම්මං පච්චයා රූපාවචරො ධම්මො උප්පජ්ජති නඅධිපතිපච්චයා – රූපාවචරෙ ඛන්ධෙ ච වත්ථුඤ්ච පච්චයා රූපාවචරාධිපති, විපාකං රූපාවචරං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… පටිසන්ධික්ඛණෙ රූපාවචරං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. රූපාවචරඤ්ච නරූපාවචරඤ්ච ධම්මං පච්චයා නරූපාවචරො ධම්මො උප්පජ්ජති නඅධිපතිපච්චයා – විපාකෙ රූපාවචරෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. රූපාවචරඤ්ච නරූපාවචරඤ්ච ධම්මං පච්චයා රූපාවචරො ච නරූපාවචරො ච ධම්මා උප්පජ්ජන්ති නඅධිපතිපච්චයා – විපාකං රූපාවචරං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… විපාකෙ රූපාවචරෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. (3) (සංඛිත්තං.)