1. විභඞ්ගවාරො

හෙතුපච්චයො

237. රූපාවචරං ධම්මං පච්චයා රූපාවචරො ධම්මො උප්පජ්ජති හෙතුපච්චයා… තීණි (පටිච්චසදිසං).

නරූපාවචරං ධම්මං පච්චයා නරූපාවචරො ධම්මො උප්පජ්ජති හෙතුපච්චයා – නරූපාවචරං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… (යාව අජ්ඣත්තිකං මහාභූතං) වත්ථුං පච්චයා නරූපාවචරා ඛන්ධා. නරූපාවචරං ධම්මං පච්චයා රූපාවචරො ධම්මො උප්පජ්ජති හෙතුපච්චයා – වත්ථුං පච්චයා රූපාවචරා ඛන්ධා; පටිසන්ධික්ඛණෙ…පෙ…. නරූපාවචරං ධම්මං පච්චයා රූපාවචරො ච නරූපාවචරො ච ධම්මා උප්පජ්ජන්ති හෙතුපච්චයා – වත්ථුං පච්චයා රූපාවචරා ඛන්ධා, මහාභූතෙ පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. (3)

238. රූපාවචරඤ්ච නරූපාවචරඤ්ච ධම්මං පච්චයා රූපාවචරො ධම්මො උප්පජ්ජති හෙතුපච්චයා – රූපාවචරං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… පටිසන්ධික්ඛණෙ…පෙ…. රූපාවචරඤ්ච නරූපාවචරඤ්ච ධම්මං පච්චයා නරූපාවචරො ධම්මො උප්පජ්ජති හෙතුපච්චයා – රූපාවචරෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. රූපාවචරඤ්ච නරූපාවචරඤ්ච ධම්මං පච්චයා රූපාවචරො ච නරූපාවචරො ච ධම්මා උප්පජ්ජන්ති හෙතුපච්චයා – රූපාවචරං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… රූපාවචරෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. (3) (සංඛිත්තං.)