1. විභඞ්ගවාරො

නහෙතු-නආරම්මණපච්චයා

230. නරූපාවචරං ධම්මං පටිච්ච නරූපාවචරො ධම්මො උප්පජ්ජති නහෙතුපච්චයා – අහෙතුකං නරූපාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… (යාව අසඤ්ඤසත්තා) විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

නආරම්මණපච්චයා… තීණි.

නඅධිපතිපච්චයාදි

231. රූපාවචරං ධම්මං පටිච්ච රූපාවචරො ධම්මො උප්පජ්ජති නඅධිපතිපච්චයා – රූපාවචරෙ ඛන්ධෙ පටිච්ච රූපාවචරාධිපති විපාකං, රූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. රූපාවචරං ධම්මං පටිච්ච නරූපාවචරො ධම්මො උප්පජ්ජති නඅධිපතිපච්චයා – විපාකෙ රූපාවචරෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. රූපාවචරං ධම්මං පටිච්ච රූපාවචරො ච නරූපාවචරො ච ධම්මා උප්පජ්ජන්ති නඅධිපතිපච්චයා – විපාකං රූපාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

නරූපාවචරං ධම්මං පටිච්ච නරූපාවචරො ධම්මො උප්පජ්ජති නඅධිපතිපච්චයා – නරූපාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… තීණි. (නකාමාවචරං පටිච්චවාරසදිසං නින්නානං, ඉධ සබ්බෙ මහාභූතා කාතබ්බා.) (3)

232. රූපාවචරඤ්ච නරූපාවචරඤ්ච ධම්මං පටිච්ච රූපාවචරො ධම්මො උප්පජ්ජති නඅධිපතිපච්චයා – පටිසන්ධික්ඛණෙ රූපාවචරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. රූපාවචරඤ්ච නරූපාවචරඤ්ච ධම්මං පටිච්ච නරූපාවචරො ධම්මො උප්පජ්ජති නඅධිපතිපච්චයා – විපාකෙ රූපාවචරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. රූපාවචරඤ්ච නරූපාවචරඤ්ච ධම්මං පටිච්ච රූපාවචරො ච නරූපාවචරො ච ධම්මා උප්පජ්ජන්ති නඅධිපතිපච්චයා – පටිසන්ධික්ඛණෙ රූපාවචරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… රූපාවචරෙ ඛන්ධෙ ච මහාභූතෙ ච පටිච්ච කටත්තාරූපං. (3) නඅනන්තරපච්චයා…පෙ… නඋපනිස්සයපච්චයා.

නපුරෙජාතපච්චයාදි

233. රූපාවචරං ධම්මං පටිච්ච රූපාවචරො ධම්මො උප්පජ්ජති නපුරෙජාතපච්චයා – පටිසන්ධික්ඛණෙ රූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. රූපාවචරං ධම්මං පටිච්ච නරූපාවචරො ධම්මො උප්පජ්ජති නපුරෙජාතපච්චයා – රූපාවචරෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. රූපාවචරං ධම්මං පටිච්ච රූපාවචරො ච නරූපාවචරො ච ධම්මා උප්පජ්ජන්ති නපුරෙජාතපච්චයා – පටිසන්ධික්ඛණෙ රූපාවචරං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ…. (3)

නරූපාවචරං ධම්මං පටිච්ච නරූපාවචරො ධම්මො උප්පජ්ජති නපුරෙජාතපච්චයා – අරූපෙ නරූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… නරූපාවචරෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා, ඉතරෙ පඤ්චපි පඤ්හා, අනුලොමං කාතබ්බං) නපච්ඡාජාතපච්චයා… නව.

නආසෙවනපච්චයාදි

234. රූපාවචරං ධම්මං පටිච්ච රූපාවචරො ධම්මො උප්පජ්ජති නආසෙවනපච්චයා – විපාකං රූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. රූපාවචරං ධම්මං පටිච්ච නරූපාවචරො ධම්මො උප්පජ්ජති නආසෙවනපච්චයා – රූපාවචරෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. රූපාවචරං ධම්මං පටිච්ච රූපාවචරො ච නරූපාවචරො ච ධම්මා උප්පජ්ජන්ති නආසෙවනපච්චයා – විපාකං රූපාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ …පෙ…. (3)

නරූපාවචරං ධම්මං පටිච්ච නරූපාවචරො ධම්මො උප්පජ්ජති නආසෙවනපච්චයා… තීණි.

රූපාවචරඤ්ච නරූපාවචරඤ්ච ධම්මං පටිච්ච රූපාවචරො ධම්මො උප්පජ්ජති නආසෙවනපච්චයා (සංඛිත්තං. මූලං. ඉතරෙපි පඤ්හා කාතබ්බා)… නකම්මපච්චයා… ද්වෙ…පෙ… නසම්පයුත්තපච්චයා.

235. නරූපාවචරං ධම්මං පටිච්ච නරූපාවචරො ධම්මො උප්පජ්ජති නවිප්පයුත්තපච්චයා – අරූපෙ නරූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… (සංඛිත්තං).