1. විභඞ්ගවාරො

හෙතුපච්චයො

226. රූපාවචරං ධම්මං පටිච්ච රූපාවචරො ධම්මො උප්පජ්ජති හෙතුපච්චයා – රූපාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. රූපාවචරං ධම්මං පටිච්ච නරූපාවචරො ධම්මො උප්පජ්ජති හෙතුපච්චයා – රූපාවචරෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. රූපාවචරං ධම්මං පටිච්ච රූපාවචරො ච නරූපාවචරො ච ධම්මා උප්පජ්ජන්ති හෙතුපච්චයා – රූපාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

227. නරූපාවචරං ධම්මං පටිච්ච නරූපාවචරො ධම්මො උප්පජ්ජති හෙතුපච්චයා – නරූපාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ …පෙ… එකං මහාභූතං…පෙ…. නරූපාවචරං ධම්මං පටිච්ච රූපාවචරො ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච රූපාවචරා ඛන්ධා. නරූපාවචරං ධම්මං පටිච්ච රූපාවචරො ච නරූපාවචරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච රූපාවචරා ඛන්ධා, මහාභූතෙ පටිච්ච කටත්තාරූපං. (3)

228. රූපාවචරඤ්ච නරූපාවචරඤ්ච ධම්මං පටිච්ච රූපාවචරො ධම්මො උප්පජ්ජති හෙතුපච්චයා – පටිසන්ධික්ඛණෙ රූපාවචරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. රූපාවචරඤ්ච නරූපාවචරඤ්ච ධම්මං පටිච්ච නරූපාවචරො ධම්මො උප්පජ්ජති හෙතුපච්චයා – රූපාවචරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ රූපාවචරෙ ඛන්ධෙ ච මහාභූතෙ ච පටිච්ච කටත්තාරූපං. රූපාවචරඤ්ච නරූපාවචරඤ්ච ධම්මං පටිච්ච රූපාවචරො ච නරූපාවචරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ රූපාවචරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… රූපාවචරෙ ඛන්ධෙ ච මහාභූතෙ ච පටිච්ච කටත්තාරූපං (සංඛිත්තං). (3)