1-4. පච්චයානුලොමාදි

හෙතුපච්චයො

205. කාමාවචරං ධම්මං සංසට්ඨො කාමාවචරො ධම්මො උප්පජ්ජති හෙතුපච්චයා – කාමාවචරං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

නකාමාවචරං ධම්මං සංසට්ඨො නකාමාවචරො ධම්මො උප්පජ්ජති හෙතුපච්චයා – නකාමාවචරං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

හෙතුයා ද්වෙ, ආරම්මණෙ ද්වෙ, අධිපතියා ද්වෙ (සබ්බත්ථ ද්වෙ), අවිගතෙ ද්වෙ.

අනුලොමං.

කාමාවචරං ධම්මං සංසට්ඨො කාමාවචරො ධම්මො උප්පජ්ජති නහෙතුපච්චයා – අහෙතුකං කාමාවචරං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො.

නහෙතුයා එකං, නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ ද්වෙ, නආසෙවනෙ ද්වෙ, නකම්මෙ ද්වෙ, නවිපාකෙ ද්වෙ, නඣානෙ එකං, නමග්ගෙ එකං, නවිප්පයුත්තෙ ද්වෙ.

පච්චනීයං.