1. විභඞ්ගවාරො

හෙතුපච්චයො

194. කාමාවචරං ධම්මං පටිච්ච කාමාවචරො ධම්මො උප්පජ්ජති හෙතුපච්චයා – කාමාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… එකං මහාභූතං…පෙ… (සංඛිත්තං). කාමාවචරං ධම්මං පටිච්ච නකාමාවචරො ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච නකාමාවචරා ඛන්ධා. කාමාවචරං ධම්මං පටිච්ච කාමාවචරො ච නකාමාවචරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච නකාමාවචරා ඛන්ධා, මහාභූතෙ පටිච්ච කටත්තාරූපං. (3)

195. නකාමාවචරං ධම්මං පටිච්ච නකාමාවචරො ධම්මො උප්පජ්ජති හෙතුපච්චයා – නකාමාවචරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. නකාමාවචරං ධම්මං පටිච්ච කාමාවචරො ධම්මො උප්පජ්ජති හෙතුපච්චයා – නකාමාවචරෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ නකාමාවචරෙ ඛන්ධෙ පටිච්ච කටත්තාරූපං. නකාමාවචරං ධම්මං පටිච්ච කාමාවචරො ච නකාමාවචරො ච ධම්මා උප්පජ්ජන්ති හෙතුපච්චයා – නකාමාවචරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

196. කාමාවචරඤ්ච නකාමාවචරඤ්ච ධම්මං පටිච්ච කාමාවචරො ධම්මො උප්පජ්ජති හෙතුපච්චයා – නකාමාවචරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ නකාමාවචරෙ ඛන්ධෙ ච මහාභූතෙ ච පටිච්ච කටත්තාරූපං. කාමාවචරඤ්ච නකාමාවචරඤ්ච ධම්මං පටිච්ච නකාමාවචරො ධම්මො උප්පජ්ජති හෙතුපච්චයා – පටිසන්ධික්ඛණෙ නකාමාවචරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. කාමාවචරඤ්ච නකාමාවචරඤ්ච ධම්මං පටිච්ච කාමාවචරො ච නකාමාවචරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ නකාමාවචරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… නකාමාවචරෙ ඛන්ධෙ ච මහාභූතෙ ච පටිච්ච කටත්තාරූපං. (3) (සංඛිත්තං.)