1. විභඞ්ගවාරො
හෙතුපච්චයාදි
186. උපෙක්ඛාසහගතො ධම්මො උපෙක්ඛාසහගතස්ස ධම්මස්ස හෙතුපච්චයෙන පච්චයො – උපෙක්ඛාසහගතා හෙතූ සම්පයුත්තකානං ඛන්ධානං හෙතුපච්චයෙන පච්චයො; පටිසන්ධික්ඛණෙ…පෙ…. (එවං චත්තාරි පඤ්හා යථා සවිතක්කදුකස්ස.)
උපෙක්ඛාසහගතො ධම්මො උපෙක්ඛාසහගතස්ස ධම්මස්ස ආරම්මණපච්චයෙන පච්චයො… අධිපතිපච්චයෙන පච්චයො. (යථා සප්පීතිකදුකං එවං ආරම්මණම්පි අධිපතිපි විත්ථාරෙතබ්බා, ‘‘උපෙක්ඛා’’ති නානං.)
අනන්තරපච්චයාදි
187. උපෙක්ඛාසහගතො ධම්මො උපෙක්ඛාසහගතස්ස ධම්මස්ස අනන්තරපච්චයෙන පච්චයො – පුරිමා පුරිමා උපෙක්ඛාසහගතා ඛන්ධා පච්ඡිමානං පච්ඡිමානං උපෙක්ඛාසහගතානං ඛන්ධානං අනන්තරපච්චයෙන පච්චයො. (1)
උපෙක්ඛාසහගතො ධම්මො නඋපෙක්ඛාසහගතස්ස ධම්මස්ස අනන්තරපච්චයෙන පච්චයො – පුරිමා පුරිමා උපෙක්ඛාසහගතා ඛන්ධා පච්ඡිමාය පච්ඡිමාය උපෙක්ඛාය අනන්තරපච්චයෙන පච්චයො; උපෙක්ඛාසහගතං චුතිචිත්තං නඋපෙක්ඛාසහගතස්ස උපපත්තිචිත්තස්ස… ආවජ්ජනා නඋපෙක්ඛාසහගතානං ඛන්ධානං… විපාකමනොධාතු නඋපෙක්ඛාසහගතාය විපාකමනොවිඤ්ඤාණධාතුයා… උපෙක්ඛාසහගතං භවඞ්ගං නඋපෙක්ඛාසහගතස්ස භවඞ්ගස්ස… උපෙක්ඛාසහගතං කුසලාකුසලං නඋපෙක්ඛාසහගතස්ස වුට්ඨානස්ස… කිරියං වුට්ඨානස්ස… ඵලං වුට්ඨානස්ස… නිරොධා වුට්ඨහන්තස්ස නෙවසඤ්ඤානාසඤ්ඤායතනං නඋපෙක්ඛාසහගතාය ඵලසමාපත්තියා අනන්තරපච්චයෙන පච්චයො. (2)
උපෙක්ඛාසහගතො ධම්මො උපෙක්ඛාසහගතස්ස ච නඋපෙක්ඛාසහගතස්ස ච ධම්මස්ස අනන්තරපච්චයෙන පච්චයො – පුරිමා පුරිමා උපෙක්ඛාසහගතා ඛන්ධා පච්ඡිමානං පච්ඡිමානං උපෙක්ඛාසහගතානං ඛන්ධානං උපෙක්ඛාය ච අනන්තරපච්චයෙන පච්චයො. (3)
188. නඋපෙක්ඛාසහගතො ධම්මො නඋපෙක්ඛාසහගතස්ස ධම්මස්ස අනන්තරපච්චයෙන පච්චයො – පුරිමා පුරිමා උපෙක්ඛා පච්ඡිමාය පච්ඡිමාය උපෙක්ඛාය අනන්තරපච්චයෙන පච්චයො; පුරිමා පුරිමා නඋපෙක්ඛාසහගතා ඛන්ධා පච්ඡිමානං පච්ඡිමානං නඋපෙක්ඛාසහගතානං ඛන්ධානං අනන්තරපච්චයෙන පච්චයො; අනුලොමං ගොත්‍රභුස්ස…පෙ… අනුලොමං ඵලසමාපත්තියා අනන්තරපච්චයෙන පච්චයො. (මූලං කාතබ්බං.) පුරිමා පුරිමා උපෙක්ඛා පච්ඡිමානං පච්ඡිමානං උපෙක්ඛාසහගතානං ඛන්ධානං අනන්තරපච්චයෙන පච්චයො; නඋපෙක්ඛාසහගතං චුතිචිත්තං උපෙක්ඛාසහගතස්ස උපපත්තිචිත්තස්ස… නඋපෙක්ඛාසහගතං භවඞ්ගං ආවජ්ජනාය… කායවිඤ්ඤාණධාතු විපාකමනොධාතුයා… නඋපෙක්ඛාසහගතා විපාකමනොවිඤ්ඤාණධාතු කිරියමනොවිඤ්ඤාණධාතුයා… නඋපෙක්ඛාසහගතං භවඞ්ගං උපෙක්ඛාසහගතස්ස භවඞ්ගස්ස… නඋපෙක්ඛාසහගතං කුසලාකුසලං උපෙක්ඛාසහගතස්ස වුට්ඨානස්ස… කිරියං වුට්ඨානස්ස… ඵලං වුට්ඨානස්ස අනන්තරපච්චයෙන පච්චයො. (2)
නඋපෙක්ඛාසහගතො ධම්මො උපෙක්ඛාසහගතස්ස ච නඋපෙක්ඛාසහගතස්ස ච ධම්මස්ස අනන්තරපච්චයෙන පච්චයො – පුරිමා පුරිමා උපෙක්ඛා පච්ඡිමානං පච්ඡිමානං උපෙක්ඛාසහගතානං ඛන්ධානං උපෙක්ඛාය ච අනන්තරපච්චයෙන පච්චයො. (3)
189. උපෙක්ඛාසහගතො ච නඋපෙක්ඛාසහගතො ච ධම්මා උපෙක්ඛාසහගතස්ස ධම්මස්ස අනන්තරපච්චයෙන පච්චයො – පුරිමා පුරිමා උපෙක්ඛාසහගතා ඛන්ධා ච උපෙක්ඛා ච පච්ඡිමානං පච්ඡිමානං උපෙක්ඛාසහගතානං ඛන්ධානං අනන්තරපච්චයෙන පච්චයො. (මූලං කාතබ්බං.) පුරිමා පුරිමා උපෙක්ඛාසහගතා ඛන්ධා ච උපෙක්ඛා ච පච්ඡිමාය පච්ඡිමාය උපෙක්ඛාය අනන්තරපච්චයෙන පච්චයො; උපෙක්ඛාසහගතං චුතිචිත්තඤ්ච උපෙක්ඛා ච නඋපෙක්ඛාසහගතස්ස උපපත්තිචිත්තස්ස… ආවජ්ජනා ච උපෙක්ඛා ච නඋපෙක්ඛාසහගතානං ඛන්ධානං… විපාකමනොධාතු ච උපෙක්ඛා ච නඋපෙක්ඛාසහගතාය විපාකමනොවිඤ්ඤාණධාතුයා… උපෙක්ඛාසහගතං භවඞ්ගඤ්ච උපෙක්ඛා ච නඋපෙක්ඛාසහගතස්ස භවඞ්ගස්ස… උපෙක්ඛාසහගතං කුසලාකුසලඤ්ච උපෙක්ඛා ච නඋපෙක්ඛාසහගතස්ස වුට්ඨානස්ස… කිරියඤ්ච උපෙක්ඛා ච වුට්ඨානස්ස… ඵලඤ්ච උපෙක්ඛා ච වුට්ඨානස්ස… නිරොධා වුට්ඨහන්තස්ස නෙවසඤ්ඤානාසඤ්ඤායතනඤ්ච උපෙක්ඛා ච නඋපෙක්ඛාසහගතාය ඵලසමාපත්තියා අනන්තරපච්චයෙන පච්චයො. (මූලං කාතබ්බං.) පුරිමා පුරිමා උපෙක්ඛාසහගතා ඛන්ධා ච උපෙක්ඛා ච පච්ඡිමානං පච්ඡිමානං උපෙක්ඛාසහගතානං ඛන්ධානං උපෙක්ඛාය ච අනන්තරපච්චයෙන පච්චයො. (3)
සමනන්තරපච්චයෙන පච්චයො… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… නව… නිස්සයපච්චයෙන පච්චයො… නව.
උපනිස්සයපච්චයො
190. උපෙක්ඛාසහගතො ධම්මො උපෙක්ඛාසහගතස්ස ධම්මස්ස උපනිස්සයපච්චයෙන පච්චයො… තීණි.
නඋපෙක්ඛාසහගතො ධම්මො නඋපෙක්ඛාසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – නඋපෙක්ඛාසහගතං සද්ධං උපනිස්සාය නඋපෙක්ඛාසහගතෙන චිත්තෙන දානං දෙති, සීලං…පෙ… උපොසථකම්මං…පෙ… නඋපෙක්ඛාසහගතං ඣානං…පෙ… විපස්සනං…පෙ… මග්ගං…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති; නඋපෙක්ඛාසහගතං සීලං…පෙ… පඤ්ඤං… රාගං… දොසං… මොහං… මානං… දිට්ඨිං… පත්ථනං… කායිකං සුඛං… කායිකං දුක්ඛං… උතුං… භොජනං… සෙනාසනං උපෙක්ඛං උපනිස්සාය නඋපෙක්ඛාසහගතෙන චිත්තෙන දානං දෙති…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති; නඋපෙක්ඛාසහගතා සද්ධා…පෙ… සෙනාසනං උපෙක්ඛා ච නඋපෙක්ඛාසහගතාය සද්ධාය…පෙ… පඤ්ඤාය… රාගස්ස…පෙ… පත්ථනාය… කායිකස්ස සුඛස්ස… කායිකස්ස දුක්ඛස්ස … මග්ගස්ස, ඵලසමාපත්තියා උපෙක්ඛාය ච උපනිස්සයපච්චයෙන පච්චයො. (1)
නඋපෙක්ඛාසහගතො ධම්මො උපෙක්ඛාසහගතස්ස ධම්මස්ස උපනිස්සයපච්චයෙන පච්චයො (තීණිපි උපනිස්සයා). නඋපෙක්ඛාසහගතං සද්ධං උපනිස්සාය උපෙක්ඛාසහගතෙන චිත්තෙන දානං දෙති…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති; නඋපෙක්ඛාසහගතං සීලං…පෙ… සෙනාසනං උපෙක්ඛං උපනිස්සාය උපෙක්ඛාසහගතෙන චිත්තෙන දානං දෙති…පෙ… සමාපත්තිං උප්පාදෙති, උපෙක්ඛාසහගතෙන චිත්තෙන අදින්නං ආදියති, මුසා භණති, පිසුණං…පෙ… සම්ඵං…පෙ… සන්ධිං…පෙ… නිල්ලොපං…පෙ… එකාගාරිකං…පෙ… පරිපන්ථෙ…පෙ… පරදාරං…පෙ… ගාමඝාතං…පෙ… නිගමඝාතං කරොති; නඋපෙක්ඛාසහගතා සද්ධා…පෙ… සෙනාසනං උපෙක්ඛා ච උපෙක්ඛාසහගතාය සද්ධාය…පෙ… පත්ථනාය… මග්ගස්ස, ඵලසමාපත්තියා උපනිස්සයපච්චයෙන පච්චයො.
නඋපෙක්ඛාසහගතො ධම්මො උපෙක්ඛාසහගතස්ස ච නඋපෙක්ඛාසහගතස්ස ච ධම්මස්ස උපනිස්සයපච්චයෙන පච්චයො (තීණි උපනිස්සයා දුතියගමනසදිසා). (3)
උපෙක්ඛාසහගතො ච නඋපෙක්ඛාසහගතො ච ධම්මා උපෙක්ඛාසහගතස්ස ධම්මස්ස උපනිස්සයපච්චයෙන පච්චයො… තීණි.
පුරෙජාතපච්චයො
191. නඋපෙක්ඛාසහගතො ධම්මො නඋපෙක්ඛාසහගතස්ස ධම්මස්ස පුරෙජාතපච්චයෙන පච්චයො… තීණි (සප්පීතිකදුකසදිසා).
පච්ඡාජාතපච්චයාදි
192. උපෙක්ඛාසහගතො ධම්මො නඋපෙක්ඛාසහගතස්ස ධම්මස්ස පච්ඡාජාතපච්චයෙන පච්චයො… තීණි… ආසෙවනපච්චයෙන පච්චයො… නව… කම්මපච්චයෙන පච්චයො… ඡ. (චත්තාරි සහජාතා නානාක්ඛණිකා කාතබ්බා, ද්වෙ නානාක්ඛණිකා ච.)… විපාකපච්චයෙන පච්චයො… නව… ආහාරපච්චයෙන පච්චයො… චත්තාරි… ඉන්ද්‍රියපච්චයෙන පච්චයො… නව… ඣානපච්චයෙන පච්චයො… නව… මග්ගපච්චයෙන පච්චයො… චත්තාරි… සම්පයුත්තපච්චයෙන පච්චයො… ඡ… විප්පයුත්තපච්චයෙන පච්චයො… පඤ්ච… අත්ථිපච්චයෙන පච්චයො… නව… නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො. (ඉමානි පච්චයානි සප්පීතිකකරණෙන විභජිතබ්බානි.)