1. විභඞ්ගවාරො

නහෙතුපච්චයො

179. උපෙක්ඛාසහගතං ධම්මං පටිච්ච උපෙක්ඛාසහගතො ධම්මො උප්පජ්ජති නහෙතුපච්චයා – අහෙතුකං උපෙක්ඛාසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. උපෙක්ඛාසහගතං ධම්මං පටිච්ච නඋපෙක්ඛාසහගතො ධම්මො උප්පජ්ජති නහෙතුපච්චයා – අහෙතුකෙ උපෙක්ඛාසහගතෙ ඛන්ධෙ පටිච්ච උපෙක්ඛා චිත්තසමුට්ඨානඤ්ච රූපං; අහෙතුකපටිසන්ධික්ඛණෙ…පෙ…. උපෙක්ඛාසහගතං ධම්මං පටිච්ච උපෙක්ඛාසහගතො ච නඋපෙක්ඛාසහගතො ච ධම්මා උප්පජ්ජන්ති නහෙතුපච්චයා – අහෙතුකං උපෙක්ඛාසහගතං එකං ඛන්ධං පටිච්ච ද්වෙ ඛන්ධා උපෙක්ඛා ච චිත්තසමුට්ඨානඤ්ච රූපං, ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ…. (3)

180. නඋපෙක්ඛාසහගතං ධම්මං පටිච්ච නඋපෙක්ඛාසහගතො ධම්මො උප්පජ්ජති නහෙතුපච්චයා – අහෙතුකං නඋපෙක්ඛාසහගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකං උපෙක්ඛං පටිච්ච චිත්තසමුට්ඨානං රූපං; අහෙතුකපටිසන්ධික්ඛණෙ…පෙ… උපෙක්ඛං පටිච්ච වත්ථු, වත්ථුං පටිච්ච උපෙක්ඛා, එකං මහාභූතං…පෙ… (යාව අසඤ්ඤසත්තා).

නඋපෙක්ඛාසහගතං ධම්මං පටිච්ච උපෙක්ඛාසහගතො ධම්මො උප්පජ්ජති නහෙතුපච්චයා – අහෙතුකං උපෙක්ඛං පටිච්ච සම්පයුත්තකා ඛන්ධා; අහෙතුකපටිසන්ධික්ඛණෙ උපෙක්ඛං පටිච්ච සම්පයුත්තකා ඛන්ධා; අහෙතුකපටිසන්ධික්ඛණෙ වත්ථුං පටිච්ච උපෙක්ඛාසහගතා ඛන්ධා; විචිකිච්ඡාසහගතං උද්ධච්චසහගතං උපෙක්ඛං පටිච්ච විචිකිච්ඡාසහගතො උද්ධච්චසහගතො මොහො.

නඋපෙක්ඛාසහගතං ධම්මං පටිච්ච උපෙක්ඛාසහගතො ච නඋපෙක්ඛාසහගතො ච ධම්මා උප්පජ්ජන්ති නහෙතුපච්චයා – අහෙතුකං උපෙක්ඛං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං, අහෙතුකං උපෙක්ඛං පටිච්ච සම්පයුත්තකා ඛන්ධා, මහාභූතෙ පටිච්ච චිත්තසමුට්ඨානං රූපං; අහෙතුකපටිසන්ධික්ඛණෙ උපෙක්ඛං පටිච්ච සම්පයුත්තකා ඛන්ධා කටත්තා ච රූපං, අහෙතුකපටිසන්ධික්ඛණෙ උපෙක්ඛං පටිච්ච සම්පයුත්තකා ඛන්ධා, මහාභූතෙ පටිච්ච කටත්තාරූපං, අහෙතුකපටිසන්ධික්ඛණෙ වත්ථුං පටිච්ච උපෙක්ඛාසහගතා ඛන්ධා, මහාභූතෙ පටිච්ච කටත්තාරූපං, අහෙතුකපටිසන්ධික්ඛණෙ වත්ථුං පටිච්ච උපෙක්ඛා ච සම්පයුත්තකා ච ඛන්ධා. (3)

181. උපෙක්ඛාසහගතඤ්ච නඋපෙක්ඛාසහගතඤ්ච ධම්මං පටිච්ච උපෙක්ඛාසහගතො ධම්මො උප්පජ්ජති නහෙතුපච්චයා – අහෙතුකං උපෙක්ඛාසහගතං එකං ඛන්ධඤ්ච උපෙක්ඛඤ්ච පටිච්ච ද්වෙ ඛන්ධා, ද්වෙ ඛන්ධෙ…පෙ… අහෙතුකපටිසන්ධික්ඛණෙ උපෙක්ඛාසහගතං එකං ඛන්ධඤ්ච උපෙක්ඛඤ්ච පටිච්ච ද්වෙ ඛන්ධා, ද්වෙ ඛන්ධෙ…පෙ… අහෙතුකපටිසන්ධික්ඛණෙ උපෙක්ඛාසහගතං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා; ද්වෙ ඛන්ධෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ ච උපෙක්ඛඤ්ච පටිච්ච විචිකිච්ඡාසහගතො උද්ධච්චසහගතො මොහො.

උපෙක්ඛාසහගතඤ්ච නඋපෙක්ඛාසහගතඤ්ච ධම්මං පටිච්ච නඋපෙක්ඛාසහගතො ධම්මො උප්පජ්ජති නහෙතුපච්චයා – අහෙතුකෙ උපෙක්ඛාසහගතෙ ඛන්ධෙ ච උපෙක්ඛඤ්ච පටිච්ච චිත්තසමුට්ඨානං රූපං, අහෙතුකෙ උපෙක්ඛාසහගතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; අහෙතුකපටිසන්ධික්ඛණෙ උපෙක්ඛාසහගතෙ ඛන්ධෙ ච උපෙක්ඛඤ්ච පටිච්ච කටත්තාරූපං, අහෙතුකපටිසන්ධික්ඛණෙ උපෙක්ඛාසහගතෙ ඛන්ධෙ ච මහාභූතෙ ච පටිච්ච කටත්තාරූපං, අහෙතුකපටිසන්ධික්ඛණෙ උපෙක්ඛාසහගතෙ ඛන්ධෙ ච වත්ථුඤ්ච පටිච්ච උපෙක්ඛා.

උපෙක්ඛාසහගතඤ්ච නඋපෙක්ඛාසහගතඤ්ච ධම්මං පටිච්ච උපෙක්ඛාසහගතො ච නඋපෙක්ඛාසහගතො ච ධම්මා උප්පජ්ජන්ති නහෙතුපච්චයා – අහෙතුකං උපෙක්ඛාසහගතං එකං ඛන්ධඤ්ච උපෙක්ඛඤ්ච පටිච්ච ද්වෙ ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ…පෙ… අහෙතුකං උපෙක්ඛාසහගතං එකං ඛන්ධඤ්ච උපෙක්ඛඤ්ච පටිච්ච ද්වෙ ඛන්ධා, ද්වෙ ඛන්ධෙ…පෙ… අහෙතුකෙ උපෙක්ඛාසහගතෙ ඛන්ධෙ ච උපෙක්ඛඤ්ච මහාභූතෙ ච පටිච්ච චිත්තසමුට්ඨානං රූපං; අහෙතුකපටිසන්ධික්ඛණෙ උපෙක්ඛාසහගතං එකං ඛන්ධඤ්ච උපෙක්ඛඤ්ච පටිච්ච ද්වෙ ඛන්ධා කටත්තා ච රූපං, ද්වෙ ඛන්ධෙ…පෙ… අහෙතුකපටිසන්ධික්ඛණෙ උපෙක්ඛාසහගතං එකං ඛන්ධඤ්ච උපෙක්ඛඤ්ච පටිච්ච ද්වෙ ඛන්ධා, ද්වෙ ඛන්ධෙ…පෙ… අහෙතුකෙ උපෙක්ඛාසහගතෙ ඛන්ධෙ ච උපෙක්ඛඤ්ච මහාභූතෙ ච පටිච්ච කටත්තාරූපං; අහෙතුකපටිසන්ධික්ඛණෙ උපෙක්ඛාසහගතං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා උපෙක්ඛා ච, ද්වෙ ඛන්ධෙ…පෙ… (සංඛිත්තං). (3)