1. විභඞ්ගවාරො

හෙතුපච්චයො

177. උපෙක්ඛාසහගතං ධම්මං පටිච්ච උපෙක්ඛාසහගතො ධම්මො උප්පජ්ජති හෙතුපච්චයා – උපෙක්ඛාසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ …පෙ… පටිසන්ධික්ඛණෙ…පෙ… උපෙක්ඛාසහගතං ධම්මං පටිච්ච නඋපෙක්ඛාසහගතො ධම්මො උප්පජ්ජති හෙතුපච්චයා – උපෙක්ඛාසහගතෙ ඛන්ධෙ පටිච්ච උපෙක්ඛා චිත්තසමුට්ඨානඤ්ච රූපං; පටිසන්ධික්ඛණෙ…පෙ…. උපෙක්ඛාසහගතං ධම්මං පටිච්ච උපෙක්ඛාසහගතො ච නඋපෙක්ඛාසහගතො ච ධම්මා උප්පජ්ජන්ති හෙතුපච්චයා – උපෙක්ඛාසහගතං එකං ඛන්ධං පටිච්ච ද්වෙ ඛන්ධා උපෙක්ඛා ච චිත්තසමුට්ඨානඤ්ච රූපං, ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

නඋපෙක්ඛාසහගතං ධම්මං පටිච්ච නඋපෙක්ඛාසහගතො ධම්මො උප්පජ්ජති හෙතුපච්චයා – නඋපෙක්ඛාසහගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… උපෙක්ඛං පටිච්ච චිත්තසමුට්ඨානං රූපං; පටිසන්ධික්ඛණෙ නඋපෙක්ඛාසහගතං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ උපෙක්ඛං පටිච්ච කටත්තාරූපං, ඛන්ධෙ පටිච්ච වත්ථු, වත්ථුං පටිච්ච ඛන්ධා, උපෙක්ඛං පටිච්ච වත්ථු, වත්ථුං පටිච්ච උපෙක්ඛා, එකං මහාභූතං…පෙ…. (සප්පීතිකදුකසදිසං, අනුලොමෙ නවපි පඤ්හා.)