1-4. පච්චයානුලොමාදි

හෙතුපච්චයො

168. සුඛසහගතං ධම්මං පටිච්ච සුඛසහගතො ධම්මො උප්පජ්ජති හෙතුපච්චයා – සුඛසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ…පෙ…. සුඛසහගතං ධම්මං පටිච්ච නසුඛසහගතො ධම්මො උප්පජ්ජති හෙතුපච්චයා – සුඛසහගතෙ ඛන්ධෙ පටිච්ච සුඛං චිත්තසමුට්ඨානඤ්ච රූපං. (එවං සුඛසහගතදුකං විත්ථාරෙතබ්බං, යථා සප්පීතිකදුකස්ස අනුලොමපටිච්චවාරො.)

හෙතුයා නව, ආරම්මණෙ නව…පෙ… පුරෙජාතෙ ඡ, ආසෙවනෙ ඡ, කම්මෙ නව…පෙ… අවිගතෙ නව.

අනුලොමං.

169. සුඛසහගතං ධම්මං පටිච්ච සුඛසහගතො ධම්මො උප්පජ්ජති නහෙතුපච්චයා – අහෙතුකං සුඛසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ…පෙ… (මූලං කාතබ්බං.) අහෙතුකෙ සුඛසහගතෙ ඛන්ධෙ පටිච්ච සුඛඤ්ච චිත්තසමුට්ඨානඤ්ච රූපං. සුඛසහගතං ධම්මං පටිච්ච සුඛසහගතො ච නසුඛසහගතො ච ධම්මා උප්පජ්ජන්ති නහෙතුපච්චයා – අහෙතුකං සුඛසහගතං එකං ඛන්ධං පටිච්ච ද්වෙ ඛන්ධා සුඛඤ්ච චිත්තසමුට්ඨානඤ්ච රූපං, ද්වෙ ඛන්ධෙ…පෙ…. (3)

නසුඛසහගතං ධම්මං පටිච්ච නසුඛසහගතො ධම්මො උප්පජ්ජති නහෙතුපච්චයා – අහෙතුකං නසුඛසහගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකං සුඛං පටිච්ච චිත්තසමුට්ඨානං රූපං; අහෙතුකපටිසන්ධික්ඛණෙ නසුඛසහගතං එකං ඛන්ධං පටිච්ච තයො ඛන්ධා කටත්තා ච රූපං …පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ…. (යාව අසඤ්ඤසත්තා) විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (යථා සප්පීතිකෙ නහෙතුපච්චයසදිසං, නින්නානං සබ්බත්ථමෙව නව පඤ්හා.)

නහෙතුයා නව, නආරම්මණෙ තීණි…පෙ… නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ චත්තාරි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ ඡ, නමග්ගෙ නව, නසම්පයුත්තෙ තීණි, නවිප්පයුත්තෙ ඡ, නොනත්ථියා තීණි, නොවිගතෙ තීණි.

පච්චනීයං.

(එවං ඉතරෙ ද්වෙ ගණනාපි සහජාතවාරොපි පටිච්චවාරසදිසා. පච්චයවාරෙ පවත්තිපි පටිසන්ධිපි විත්ථාරෙතබ්බා, යථා සප්පීතිකදුකපච්චයවාරපච්චනීයෙපි පවත්තෙ වත්ථු ච විත්ථාරෙතබ්බං, යථා සප්පීතිකදුකෙ එකොයෙව මොහො, එවං ඉතරෙ ද්වෙ ගණනාපි නිස්සයවාරොපි සංසට්ඨවාරොපි සම්පයුත්තවාරොපි යථා සප්පීතිකදුකං, එවං කාතබ්බං.)