1. විභඞ්ගවාරො

හෙතුපච්චයො

149. සප්පීතිකො ධම්මො සප්පීතිකස්ස ධම්මස්ස හෙතුපච්චයෙන පච්චයො – සප්පීතිකා හෙතූ සම්පයුත්තකානං ඛන්ධානං හෙතුපච්චයෙන පච්චයො; පටිසන්ධික්ඛණෙ…පෙ…. සප්පීතිකො ධම්මො අප්පීතිකස්ස ධම්මස්ස හෙතුපච්චයෙන පච්චයො – සප්පීතිකා හෙතූ පීතියා ච චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (මූලං කාතබ්බං.) සප්පීතිකා හෙතූ සම්පයුත්තකානං ඛන්ධානං පීතියා ච චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (3)

අප්පීතිකො ධම්මො අප්පීතිකස්ස ධම්මස්ස හෙතුපච්චයෙන පච්චයො – අප්පීතිකා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

ආරම්මණපච්චයො

150. සප්පීතිකො ධම්මො සප්පීතිකස්ස ධම්මස්ස ආරම්මණපච්චයෙන පච්චයො – සප්පීතිකෙ ඛන්ධෙ ආරබ්භ සප්පීතිකා ඛන්ධා උප්පජ්ජන්ති. (මූලං කාතබ්බං.) සප්පීතිකෙ ඛන්ධෙ ආරබ්භ අප්පීතිකා ඛන්ධා ච පීති ච උප්පජ්ජන්ති. (මූලං කාතබ්බං.) සප්පීතිකෙ ඛන්ධෙ ආරබ්භ සප්පීතිකා ඛන්ධා ච පීති ච උප්පජ්ජන්ති. (3)

151. අප්පීතිකො ධම්මො අප්පීතිකස්ස ධම්මස්ස ආරම්මණපච්චයෙන පච්චයො – අප්පීතිකෙන චිත්තෙන දානං දත්වා සීලං…පෙ… උපොසථකම්මං කත්වා අප්පීතිකෙන චිත්තෙන පච්චවෙක්ඛති, අස්සාදෙති අභිනන්දති, තං ආරබ්භ අප්පීතිකො රාගො උප්පජ්ජති, දිට්ඨි උප්පජ්ජති, විචිකිච්ඡා උප්පජ්ජති, උද්ධච්චං උප්පජ්ජති, දොමනස්සං උප්පජ්ජති; අප්පීතිකා ඣානා වුට්ඨහිත්වා…පෙ… මග්ගා වුට්ඨහිත්වා…පෙ… ඵලා වුට්ඨහිත්වා අප්පීතිකෙන චිත්තෙන ඵලං පච්චවෙක්ඛති, අරියා අප්පීතිකෙන චිත්තෙන නිබ්බානං පච්චවෙක්ඛන්ති, නිබ්බානං අප්පීතිකස්ස ගොත්‍රභුස්ස, වොදානස්ස, මග්ගස්ස, ඵලස්ස, ආවජ්ජනාය පීතියා ච ආරම්මණපච්චයෙන පච්චයො; අරියා අප්පීතිකෙන චිත්තෙන අප්පීතිකෙ පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ…පෙ… චක්ඛුං…පෙ… වත්ථුං අප්පීතිකෙ ඛන්ධෙ ච පීතිඤ්ච අප්පීතිකෙන චිත්තෙන අනිච්චතො…පෙ… විපස්සති අස්සාදෙති අභිනන්දති, තං ආරබ්භ අප්පීතිකො රාගො උප්පජ්ජති…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති…පෙ… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො; අප්පීතිකා ඛන්ධා ඉද්ධිවිධඤාණස්ස චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය පීතියා ච ආරම්මණපච්චයෙන පච්චයො; අප්පීතිකෙ ඛන්ධෙ ච පීතිඤ්ච ආරබ්භ අප්පීතිකා ඛන්ධා ච පීති ච උප්පජ්ජන්ති. (1)

අප්පීතිකො ධම්මො සප්පීතිකස්ස ධම්මස්ස ආරම්මණපච්චයෙන පච්චයො – අප්පීතිකෙන චිත්තෙන දානං දත්වා සීලං…පෙ… උපොසථකම්මං…පෙ… සප්පීතිකෙන චිත්තෙන පච්චවෙක්ඛති අස්සාදෙති අභිනන්දති, තං ආරබ්භ සප්පීතිකො රාගො උප්පජ්ජති, දිට්ඨි උප්පජ්ජති; අප්පීතිකා ඣානා වුට්ඨහිත්වා…පෙ… මග්ගා වුට්ඨහිත්වා…පෙ… ඵලා වුට්ඨහිත්වා සප්පීතිකෙන චිත්තෙන ඵලං පච්චවෙක්ඛති, අරියා සප්පීතිකෙන චිත්තෙන නිබ්බානං පච්චවෙක්ඛන්ති, නිබ්බානං සප්පීතිකස්ස ගොත්‍රභුස්ස, වොදානස්ස, මග්ගස්ස, ඵලස්ස ආරම්මණපච්චයෙන පච්චයො; අරියා සප්පීතිකෙන චිත්තෙන අප්පීතිකෙ පහීනෙ කිලෙසෙ…පෙ… වික්ඛම්භිතෙ කිලෙසෙ …පෙ… පුබ්බෙ…පෙ… චක්ඛුං…පෙ… වත්ථුං අප්පීතිකෙ ඛන්ධෙ ච පීතිඤ්ච සප්පීතිකෙන චිත්තෙන අනිච්චතො…පෙ… විපස්සති අස්සාදෙති අභිනන්දති, තං ආරබ්භ සප්පීතිකො රාගො උප්පජ්ජති, දිට්ඨි උප්පජ්ජති; අප්පීතිකෙ ඛන්ධෙ ච පීතිඤ්ච ආරබ්භ සප්පීතිකා ඛන්ධා උප්පජ්ජන්ති. (2)

අප්පීතිකො ධම්මො සප්පීතිකස්ස ච අප්පීතිකස්ස ච ධම්මස්ස ආරම්මණපච්චයෙන පච්චයො – අප්පීතිකෙන චිත්තෙන දානං දත්වා සීලං…පෙ… උපොසථකම්මං…පෙ… සප්පීතිකෙන චිත්තෙන පච්චවෙක්ඛති අස්සාදෙති අභිනන්දති, තං ආරබ්භ සප්පීතිකා ඛන්ධා ච පීති ච උප්පජ්ජන්ති, අප්පීතිකා ඣානා…පෙ… මග්ගා…පෙ… ඵලා වුට්ඨහිත්වා සප්පීතිකෙන චිත්තෙන ඵලං පච්චවෙක්ඛති, අරියා සප්පීතිකෙන චිත්තෙන නිබ්බානං පච්චවෙක්ඛන්ති, නිබ්බානං සප්පීතිකස්ස ගොත්‍රභුස්ස, වොදානස්ස, මග්ගස්ස, ඵලස්ස, පීතියා ච ආරම්මණපච්චයෙන පච්චයො; අරියා සප්පීතිකෙන චිත්තෙන අප්පීතිකෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ…පෙ… පුබ්බෙ…පෙ… චක්ඛුං…පෙ… වත්ථුං අප්පීතිකෙ ඛන්ධෙ ච පීතිඤ්ච සප්පීතිකෙන චිත්තෙන අනිච්චතො…පෙ… විපස්සති අස්සාදෙති අභිනන්දති, තං ආරබ්භ සප්පීතිකා ඛන්ධා ච පීති ච උප්පජ්ජන්ති, අප්පීතිකෙ ඛන්ධෙ ච පීතිඤ්ච ආරබ්භ සප්පීතිකා ඛන්ධා ච පීති ච උප්පජ්ජන්ති. (3)

152. සප්පීතිකො ච අප්පීතිකො ච ධම්මා සප්පීතිකස්ස ධම්මස්ස ආරම්මණපච්චයෙන පච්චයො – සප්පීතිකෙ ඛන්ධෙ ච පීතිඤ්ච ආරබ්භ සප්පීතිකා ඛන්ධා උප්පජ්ජන්ති. (මූලං කාතබ්බං.) සප්පීතිකෙ ඛන්ධෙ ච පීතිඤ්ච ආරබ්භ අප්පීතිකා ඛන්ධා ච පීති ච උප්පජ්ජන්ති.

(මූලං කාතබ්බං.) සප්පීතිකෙ ඛන්ධෙ ච පීතිඤ්ච ආරබ්භ සප්පීතිකා ඛන්ධා ච පීති ච උප්පජ්ජන්ති. (3)

අධිපතිපච්චයො

153. සප්පීතිකො ධම්මො සප්පීතිකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – සප්පීතිකෙ ඛන්ධෙ ගරුං කත්වා සප්පීතිකා ඛන්ධා උප්පජ්ජන්ති. සහජාතාධිපති – සප්පීතිකාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

සප්පීතිකො ධම්මො අප්පීතිකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – සප්පීතිකෙ ඛන්ධෙ ගරුං කත්වා අප්පීතිකා ඛන්ධා ච පීති ච උප්පජ්ජන්ති. සහජාතාධිපති – සප්පීතිකාධිපති පීතියා ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (2)

සප්පීතිකො ධම්මො සප්පීතිකස්ස ච අප්පීතිකස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – සප්පීතිකෙ ඛන්ධෙ ගරුං කත්වා සප්පීතිකා ඛන්ධා ච පීති ච උප්පජ්ජන්ති. සහජාතාධිපති – සප්පීතිකාධිපති සම්පයුත්තකානං ඛන්ධානං පීතියා ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

154. අප්පීතිකො ධම්මො අප්පීතිකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අප්පීතිකෙන චිත්තෙන දානං…පෙ… සීලං…පෙ… උපොසථකම්මං…පෙ… අප්පීතිකෙන චිත්තෙන තං ගරුං කත්වා පච්චවෙක්ඛති අස්සාදෙති අභිනන්දති, තං ගරුං කත්වා අප්පීතිකො රාගො උප්පජ්ජති, දිට්ඨි උප්පජ්ජති; අප්පීතිකා ඣානා…පෙ… මග්ගා…පෙ… ඵලා වුට්ඨහිත්වා අප්පීතිකෙන චිත්තෙන ඵලං ගරුං කත්වා පච්චවෙක්ඛති; අරියා අප්පීතිකෙන චිත්තෙන නිබ්බානං ගරුං කත්වා පච්චවෙක්ඛන්ති, නිබ්බානං අප්පීතිකස්ස ගොත්‍රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං අප්පීතිකෙ ඛන්ධෙ ච පීතිඤ්ච අප්පීතිකෙන චිත්තෙන ගරුං කත්වා අස්සාදෙති අභිනන්දති, තං ගරුං කත්වා අප්පීතිකො රාගො උප්පජ්ජති, දිට්ඨි උප්පජ්ජති, අප්පීතිකෙ ඛන්ධෙ ච පීතිඤ්ච ගරුං කත්වා අප්පීතිකා ඛන්ධා ච පීති ච උප්පජ්ජන්ති. සහජාතාධිපති – අප්පීතිකාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

අප්පීතිකො ධම්මො සප්පීතිකස්ස ධම්මස්ස අධිපතිපච්චයෙන පච්චයො. ආරම්මණාධිපති – අප්පීතිකෙන චිත්තෙන දානං…පෙ… සීලං…පෙ… උපොසථකම්මං…පෙ… (සංඛිත්තං) නිබ්බානං සප්පීතිකස්ස ගොත්‍රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං අප්පීතිකෙ ඛන්ධෙ ච පීතිඤ්ච සප්පීතිකෙන චිත්තෙන ගරුං කත්වා අස්සාදෙති අභිනන්දති, තං ගරුං කත්වා සප්පීතිකො රාගො උප්පජ්ජති, දිට්ඨි උප්පජ්ජති; අප්පීතිකෙ ඛන්ධෙ ච පීතිඤ්ච ගරුං කත්වා සප්පීතිකා ඛන්ධා උප්පජ්ජන්ති. (2)

අප්පීතිකො ධම්මො සප්පීතිකස්ස ච අප්පීතිකස්ස ච ධම්මස්ස අධිපතිපච්චයෙන පච්චයො. ආරම්මණාධිපති – දානං…පෙ… (සංඛිත්තං) නිබ්බානං සප්පීතිකස්ස ගොත්‍රභුස්ස, වොදානස්ස, මග්ගස්ස, ඵලස්ස, පීතියා ච අධිපතිපච්චයෙන පච්චයො; චක්ඛුං…පෙ… වත්ථුං අප්පීතිකෙ ඛන්ධෙ ච පීතිඤ්ච සප්පීතිකෙන චිත්තෙන ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති අප්පීතිකෙ ඛන්ධෙ ච පීතිඤ්ච ගරුං කත්වා සප්පීතිකා ඛන්ධා ච පීති ච උප්පජ්ජන්ති. (3)

155. සප්පීතිකො ච අප්පීතිකො ච ධම්මා සප්පීතිකස්ස ධම්මස්ස අධිපතිපච්චයෙන පච්චයො. ආරම්මණාධිපති – සප්පීතිකෙ ඛන්ධෙ ච පීතිඤ්ච ගරුං කත්වා සප්පීතිකා ඛන්ධා උප්පජ්ජන්ති. (මූලං කාතබ්බං.) සප්පීතිකෙ ඛන්ධෙ ච පීතිඤ්ච ගරුං කත්වා අප්පීතිකා ඛන්ධා ච පීති ච උප්පජ්ජන්ති. (මූලං කාතබ්බං.) සප්පීතිකෙ ඛන්ධෙ ච පීතිඤ්ච ගරුං කත්වා සප්පීතිකා ඛන්ධා ච පීති ච උප්පජ්ජන්ති. (3)

අනන්තරපච්චයාදි

156. සප්පීතිකො ධම්මො සප්පීතිකස්ස ධම්මස්ස අනන්තරපච්චයෙන පච්චයො – පුරිමා පුරිමා සප්පීතිකා ඛන්ධා පච්ඡිමානං පච්ඡිමානං සප්පීතිකානං ඛන්ධානං අනන්තරපච්චයෙන පච්චයො. (මූලං කාතබ්බං.) පුරිමා පුරිමා සප්පීතිකා ඛන්ධා පච්ඡිමාය පච්ඡිමාය පීතියා අනන්තරපච්චයෙන පච්චයො – සප්පීතිකං චුතිචිත්තං අප්පීතිකස්ස උපපත්තිචිත්තස්ස, සප්පීතිකං භවඞ්ගං ආවජ්ජනාය, සප්පීතිකා ඛන්ධා අප්පීතිකස්ස වුට්ඨානස්ස, පීතිසහගතා විපාකමනොවිඤ්ඤාණධාතු කිරියමනොවිඤ්ඤාණධාතුයා, සප්පීතිකං භවඞ්ගං අප්පීතිකස්ස භවඞ්ගස්ස, සප්පීතිකං කුසලාකුසලං අප්පීතිකස්ස වුට්ඨානස්ස, කිරියං වුට්ඨානස්ස, ඵලං වුට්ඨානස්ස අනන්තරපච්චයෙන පච්චයො. (මූලං කාතබ්බං.) පුරිමා පුරිමා සප්පීතිකා ඛන්ධා පච්ඡිමානං පච්ඡිමානං සප්පීතිකානං ඛන්ධානං පීතියා ච අනන්තරපච්චයෙන පච්චයො. (3)

157. අප්පීතිකො ධම්මො අප්පීතිකස්ස ධම්මස්ස අනන්තරපච්චයෙන පච්චයො – පුරිමා පුරිමා පීති පච්ඡිමාය පච්ඡිමාය පීතියා අනන්තරපච්චයෙන පච්චයො; පුරිමා පුරිමා අප්පීතිකා ඛන්ධා පච්ඡිමානං පච්ඡිමානං අප්පීතිකානං ඛන්ධානං අනන්තරපච්චයෙන පච්චයො; අනුලොමං ගොත්‍රභුස්ස…පෙ… අප්පීතිකාය ඵලසමාපත්තියා පීතියා ච අනන්තරපච්චයෙන පච්චයො. (මූලං කාතබ්බං.) පුරිමා පුරිමා පීති පච්ඡිමානං පච්ඡිමානං සප්පීතිකානං ඛන්ධානං අනන්තරපච්චයෙන පච්චයො; අප්පීතිකං චුතිචිත්තං සප්පීතිකස්ස උපපත්තිචිත්තස්ස, ආවජ්ජනා සප්පීතිකානං ඛන්ධානං, අප්පීතිකා ඛන්ධා සප්පීතිකස්ස වුට්ඨානස්ස, විපාකමනොධාතු සප්පීතිකාය විපාකමනොවිඤ්ඤාණධාතුයා, අප්පීතිකං භවඞ්ගං සප්පීතිකස්ස භවඞ්ගස්ස, අප්පීතිකං කුසලාකුසලං සප්පීතිකස්ස වුට්ඨානස්ස, කිරියං වුට්ඨානස්ස, ඵලං වුට්ඨානස්ස අනන්තරපච්චයෙන පච්චයො; නිරොධා වුට්ඨහන්තස්ස නෙවසඤ්ඤානාසඤ්ඤායතනං සප්පීතිකාය ඵලසමාපත්තියා අනන්තරපච්චයෙන පච්චයො. (2)

අප්පීතිකො ධම්මො සප්පීතිකස්ස ච අප්පීතිකස්ස ච ධම්මස්ස අනන්තරපච්චයෙන පච්චයො – පුරිමා පුරිමා පීති පච්ඡිමානං පච්ඡිමානං සප්පීතිකානං ඛන්ධානං පීතියා ච අනන්තරපච්චයෙන පච්චයො. (3)

158. සප්පීතිකො ච අප්පීතිකො ච ධම්මා සප්පීතිකස්ස ධම්මස්ස අනන්තරපච්චයෙන පච්චයො – පුරිමා පුරිමා සප්පීතිකා ඛන්ධා ච පීති ච පච්ඡිමානං පච්ඡිමානං සප්පීතිකානං ඛන්ධානං අනන්තරපච්චයෙන පච්චයො. (1)

සප්පීතිකො ච අප්පීතිකො ච ධම්මා අප්පීතිකස්ස ධම්මස්ස අනන්තරපච්චයෙන පච්චයො – පුරිමා පුරිමා සප්පීතිකා ඛන්ධා ච පීති ච පච්ඡිමාය පච්ඡිමාය පීතියා අනන්තරපච්චයෙන පච්චයො; සප්පීතිකං චුතිචිත්තඤ්ච පීති ච අප්පීතිකස්ස උපපත්තිචිත්තස්ස… සප්පීතිකං භවඞ්ගඤ්ච පීති ච ආවජ්ජනාය… සප්පීතිකා ඛන්ධා ච පීති ච අප්පීතිකස්ස වුට්ඨානස්ස… සප්පීතිකා විපාකමනොවිඤ්ඤාණධාතු ච පීති ච කිරියමනොවිඤ්ඤාණධාතුයා… සප්පීතිකං භවඞ්ගඤ්ච පීති ච අප්පීතිකස්ස භවඞ්ගස්ස… සප්පීතිකං කුසලාකුසලඤ්ච පීති ච අප්පීතිකස්ස වුට්ඨානස්ස… කිරියඤ්ච පීති ච වුට්ඨානස්ස… ඵලඤ්ච පීති ච වුට්ඨානස්ස අනන්තරපච්චයෙන පච්චයො. (2)

සප්පීතිකො ච අප්පීතිකො ච ධම්මා සප්පීතිකස්ස ච අප්පීතිකස්ස ච ධම්මස්ස අනන්තරපච්චයෙන පච්චයො – පුරිමා පුරිමා සප්පීතිකා ඛන්ධා ච පීති ච පච්ඡිමානං පච්ඡිමානං සප්පීතිකානං ඛන්ධානං පීතියා ච අනන්තරපච්චයෙන පච්චයො. (3)

සමනන්තරපච්චයෙන පච්චයො… නව… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… නව… නිස්සයපච්චයෙන පච්චයො… නව.

උපනිස්සයපච්චයො

159. සප්පීතිකො ධම්මො සප්පීතිකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සප්පීතිකා ඛන්ධා සප්පීතිකානං ඛන්ධානං උපනිස්සයපච්චයෙන පච්චයො. (මූලං කාතබ්බං.) සප්පීතිකා ඛන්ධා අප්පීතිකානං ඛන්ධානං පීතියා ච උපනිස්සයපච්චයෙන පච්චයො. (මූලං කාතබ්බං.) සප්පීතිකා ඛන්ධා සප්පීතිකානං ඛන්ධානං පීතියා ච උපනිස්සයපච්චයෙන පච්චයො. (3)

160. අප්පීතිකො ධම්මො අප්පීතිකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අප්පීතිකං සද්ධං උපනිස්සාය අප්පීතිකෙන චිත්තෙන දානං දෙති, සීලං සමාදියති, උපොසථකම්මං කරොති; අප්පීතිකං ඣානං…පෙ… විපස්සනං… මග්ගං… අභිඤ්ඤං… සමාපත්තිං උප්පාදෙති, මානං ජප්පෙති, දිට්ඨිං ගණ්හාති; අප්පීතිකං සීලං…පෙ… පඤ්ඤං… රාගං… දොසං… මොහං… මානං… දිට්ඨිං… පත්ථනං… කායිකං සුඛං… කායිකං දුක්ඛං… උතුං… භොජනං… සෙනාසනං… පීතිං උපනිස්සාය අප්පීතිකෙන චිත්තෙන දානං දෙති…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති; අප්පීතිකා සද්ධා…පෙ… සෙනාසනං පීති ච අප්පීතිකාය සද්ධාය…පෙ… පත්ථනාය… කායිකස්ස සුඛස්ස… කායිකස්ස දුක්ඛස්ස… මග්ගස්ස ඵලසමාපත්තියා පීතියා ච උපනිස්සයපච්චයෙන පච්චයො. (1)

අප්පීතිකො ධම්මො සප්පීතිකස්ස ධම්මස්ස උපනිස්සයපච්චයෙන පච්චයො (තීණි උපනිස්සයා). අප්පීතිකං සද්ධං උපනිස්සාය සප්පීතිකෙන චිත්තෙන දානං දෙති…පෙ… අප්පීතිකා ඣානා…පෙ… මානං ජප්පෙති, දිට්ඨිං ගණ්හාති; අප්පීතිකං සීලං…පෙ… සෙනාසනං පීතිං උපනිස්සාය සප්පීතිකෙන චිත්තෙන දානං දෙති…පෙ… සමාපත්තිං උප්පාදෙති; සප්පීතිකෙන චිත්තෙන අදින්නං ආදියති, මුසා…පෙ… පිසුණං…පෙ… සම්ඵං…පෙ… සන්ධිං…පෙ… නිල්ලොපං…පෙ… එකාගාරිකං…පෙ… පරිපන්ථෙ…පෙ… පරදාරං…පෙ… ගාමඝාතං…පෙ… නිගමඝාතං කරොති; අප්පීතිකා සද්ධා…පෙ… සෙනාසනං පීති ච සප්පීතිකාය සද්ධාය…පෙ… පඤ්ඤාය රාගස්ස, මොහස්ස… මානස්ස… දිට්ඨියා… පත්ථනාය… මග්ගස්ස, ඵලසමාපත්තියා උපනිස්සයපච්චයෙන පච්චයො. (2)

අප්පීතිකො ධම්මො සප්පීතිකස්ස ච අප්පීතිකස්ස ච ධම්මස්ස උපනිස්සයපච්චයෙන පච්චයො (තීණි උපනිස්සයා). අප්පීතිකං සද්ධං උපනිස්සාය සප්පීතිකෙන චිත්තෙන දානං දෙති…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති; අප්පීතිකං සීලං…පෙ… සෙනාසනං පීතිං උපනිස්සාය සප්පීතිකෙන චිත්තෙන දානං දෙති…පෙ… සමාපත්තිං උප්පාදෙති; සප්පීතිකෙන චිත්තෙන අදින්නං ආදියති…පෙ… (දුතියවාරසදිසං) නිගමඝාතං කරොති; අප්පීතිකා සද්ධා…පෙ… සෙනාසනං පීති ච සප්පීතිකාය සද්ධාය…පෙ… පඤ්ඤාය… රාගස්ස… මොහස්ස… මානස්ස… දිට්ඨියා… පත්ථනාය… මග්ගස්ස, ඵලසමාපත්තියා පීතියා ච උපනිස්සයපච්චයෙන පච්චයො. (3)

සප්පීතිකො ච අප්පීතිකො ච ධම්මා සප්පීතිකස්ස ධම්මස්ස උපනිස්සයපච්චයෙන පච්චයො (තීණිපි උපනිස්සයා). සප්පීතිකා ඛන්ධා ච පීති ච සප්පීතිකානං ඛන්ධානං උපනිස්සයපච්චයෙන පච්චයො. (මූලං කාතබ්බං.) සප්පීතිකා ඛන්ධා ච පීති ච අප්පීතිකානං ඛන්ධානං පීතියා ච උපනිස්සයපච්චයෙන පච්චයො. (මූලං කාතබ්බං.) සප්පීතිකා ඛන්ධා ච පීති ච සප්පීතිකානං ඛන්ධානං පීතියා ච උපනිස්සයපච්චයෙන පච්චයො. (3)

පුරෙජාතපච්චයො

161. අප්පීතිකො ධම්මො අප්පීතිකස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අප්පීතිකෙන චිත්තෙන අනිච්චතො…පෙ… විපස්සති, අස්සාදෙති අභිනන්දති, තං ආරබ්භ අප්පීතිකො රාගො…පෙ… දොමනස්සං උප්පජ්ජති, පීති උප්පජ්ජති, දිබ්බෙන චක්ඛුනා රූපං පස්සති…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු අප්පීතිකානං ඛන්ධානං පීතියා ච පුරෙජාතපච්චයෙන පච්චයො. (1)

අප්පීතිකො ධම්මො සප්පීතිකස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං සප්පීතිකෙන චිත්තෙන අනිච්චතො…පෙ… විපස්සති, අස්සාදෙති අභිනන්දති, තං ආරබ්භ සප්පීතිකො රාගො උප්පජ්ජති, දිට්ඨි උප්පජ්ජති. වත්ථුපුරෙජාතං – වත්ථු සප්පීතිකානං ඛන්ධානං පුරෙජාතපච්චයෙන පච්චයො. (2)

අප්පීතිකො ධම්මො සප්පීතිකස්ස ච අප්පීතිකස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං සප්පීතිකෙන චිත්තෙන අනිච්චතො…පෙ… විපස්සති අස්සාදෙති අභිනන්දති, තං ආරබ්භ පීති ච සම්පයුත්තකා ඛන්ධා ච උප්පජ්ජන්ති. වත්ථුපුරෙජාතං – වත්ථු සප්පීතිකානං ඛන්ධානං පීතියා ච පුරෙජාතපච්චයෙන පච්චයො. (3)

පච්ඡාජාතපච්චයාදි

162. සප්පීතිකො ධම්මො අප්පීතිකස්ස ධම්මස්ස පච්ඡාජාතපච්චයෙන පච්චයො… තීණි… ආසෙවනපච්චයෙන පච්චයො… නව… කම්මපච්චයෙන පච්චයො… ඡ (සහජාතාපි නානාක්ඛණිකාපි කාතබ්බා… ද්වෙ නානාක්ඛණිකා)… විපාකපච්චයෙන පච්චයො… නව… ආහාරපච්චයෙන පච්චයො… චත්තාරි… ඉන්ද්‍රියපච්චයෙන පච්චයො… චත්තාරි… ඣානපච්චයෙන පච්චයො… නව… මග්ගපච්චයෙන පච්චයො… චත්තාරි… සම්පයුත්තපච්චයෙන පච්චයො… ඡ… විප්පයුත්තපච්චයෙන පච්චයො… පඤ්ච… අත්ථිපච්චයෙන පච්චයො… නව (සංඛිත්තං. සවිතක්කදුකසදිසං කාතබ්බං.)… නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො… නව.