1-4. පච්චයානුලොමාදි
147. සප්පීතිකං ධම්මං පච්චයා සප්පීතිකො ධම්මො උප්පජ්ජති හෙතුපච්චයා. (සංඛිත්තං. යථා සවිතක්කදුකෙ අනුලොමපච්චයවාරං, එවං පවත්තිපටිසන්ධි නව පඤ්හා පරිපුණ්ණා පීති නින්නානාකරණා.)
හෙතුයා නව, ආරම්මණෙ නව, අධිපතියා නව…පෙ… අවිගතෙ නව.
අනුලොමං.
සප්පීතිකං ධම්මං පච්චයා සප්පීතිකො ධම්මො උප්පජ්ජති නහෙතුපච්චයා… තීණි (පටිච්චසදිසා).
අප්පීතිකං ධම්මං පච්චයා අප්පීතිකො ධම්මො උප්පජ්ජති නහෙතුපච්චයා. (පවත්තිපටිසන්ධි කාතබ්බා පටිච්චවාරසදිසා, යාව අසඤ්ඤසත්තා.) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා අප්පීතිකා ඛන්ධා පීති ච, විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (අනුලොමසදිසා නව පඤ්හා, පවත්තියෙව පටිසන්ධි නත්ථි, එකොයෙව මොහො.)
නහෙතුයා නව, නආරම්මණෙ තීණි, නඅධිපතියා නව, නඅනන්තරෙ තීණි…පෙ… නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ නව, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ නව, නසම්පයුත්තෙ තීණි, නවිප්පයුත්තෙ ඡ, නොනත්ථියා තීණි, නොවිගතෙ තීණි.