1. විභඞ්ගවාරො

නහෙතුපච්චයො

144. සප්පීතිකං ධම්මං පටිච්ච සප්පීතිකො ධම්මො උප්පජ්ජති නහෙතුපච්චයා – අහෙතුකං සප්පීතිකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. සප්පීතිකං ධම්මං පටිච්ච අප්පීතිකො ධම්මො උප්පජ්ජති නහෙතුපච්චයා – අහෙතුකෙ සප්පීතිකෙ ඛන්ධෙ පටිච්ච පීති ච චිත්තසමුට්ඨානඤ්ච රූපං. සප්පීතිකං ධම්මං පටිච්ච සප්පීතිකො ච අප්පීතිකො ච ධම්මා උප්පජ්ජන්ති නහෙතුපච්චයා – අහෙතුකං සප්පීතිකං එකං ඛන්ධං පටිච්ච තයො ඛන්ධා පීති ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

අප්පීතිකං ධම්මං පටිච්ච අප්පීතිකො ධම්මො උප්පජ්ජති නහෙතුපච්චයා – අහෙතුකං අප්පීතිකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පීතිං පටිච්ච චිත්තසමුට්ඨානං රූපං; අහෙතුකපටිසන්ධික්ඛණෙ අප්පීතිකං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං, ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… (යාව අසඤ්ඤසත්තාපි) විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. අප්පීතිකං ධම්මං පටිච්ච සප්පීතිකො ධම්මො උප්පජ්ජති නහෙතුපච්චයා – අහෙතුකං පීතිං පටිච්ච සප්පීතිකා ඛන්ධා. (මූලං කාතබ්බං.) පීතිං පටිච්ච සප්පීතිකා ඛන්ධා චිත්තසමුට්ඨානඤ්ච රූපං. (3)

145. සප්පීතිකඤ්ච අප්පීතිකඤ්ච ධම්මං පටිච්ච සප්පීතිකො ධම්මො උප්පජ්ජති නහෙතුපච්චයා – අහෙතුකං සප්පීතිකං එකං ඛන්ධඤ්ච පීතිඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. සප්පීතිකඤ්ච අප්පීතිකඤ්ච ධම්මං පටිච්ච අප්පීතිකො ධම්මො උප්පජ්ජති නහෙතුපච්චයා – අහෙතුකෙ සප්පීතිකෙ ඛන්ධෙ ච පීතිඤ්ච පටිච්ච චිත්තසමුට්ඨානං රූපං, අහෙතුකෙ සප්පීතිකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. සප්පීතිකඤ්ච අප්පීතිකඤ්ච ධම්මං පටිච්ච සප්පීතිකො ච අප්පීතිකො ච ධම්මා උප්පජ්ජන්ති නහෙතුපච්චයා – අහෙතුකං සප්පීතිකං එකං ඛන්ධඤ්ච පීතිඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ… අහෙතුකං සප්පීතිකං එකං ඛන්ධඤ්ච පීතිඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… අහෙතුකෙ සප්පීතිකෙ ඛන්ධෙ ච පීතිඤ්ච මහාභූතෙ ච පටිච්ච චිත්තසමුට්ඨානං රූපං. (3)