1. විභඞ්ගවාරො

හෙතුපච්චයො

116. සවිතක්කො ධම්මො සවිතක්කස්ස ධම්මස්ස හෙතුපච්චයෙන පච්චයො – සවිතක්කා හෙතූ සම්පයුත්තකානං ඛන්ධානං හෙතුපච්චයෙන පච්චයො; පටිසන්ධික්ඛණෙ…පෙ…. සවිතක්කො ධම්මො අවිතක්කස්ස ධම්මස්ස හෙතුපච්චයෙන පච්චයො – සවිතක්කා හෙතූ විතක්කස්ස චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (මූලං කාතබ්බං.) සවිතක්කා හෙතූ සම්පයුත්තකානං ඛන්ධානං විතක්කස්ස ච චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ… (3)

අවිතක්කො ධම්මො අවිතක්කස්ස ධම්මස්ස හෙතුපච්චයෙන පච්චයො – අවිතක්කා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

ආරම්මණපච්චයො

117. සවිතක්කො ධම්මො සවිතක්කස්ස ධම්මස්ස ආරම්මණපච්චයෙන පච්චයො – සවිතක්කෙ ඛන්ධෙ ආරබ්භ සවිතක්කා ඛන්ධා උප්පජ්ජන්ති. (මූලං කාතබ්බං.) සවිතක්කෙ ඛන්ධෙ ආරබ්භ අවිතක්කා ඛන්ධා ච විතක්කො ච උප්පජ්ජන්ති. (මූලං කාතබ්බං.) සවිතක්කෙ ඛන්ධෙ ආරබ්භ සවිතක්කා ඛන්ධා ච විතක්කො ච උප්පජ්ජන්ති. (3)

118. අවිතක්කො ධම්මො අවිතක්කස්ස ධම්මස්ස ආරම්මණපච්චයෙන පච්චයො – අරියා අවිතක්කා ඣානා වුට්ඨහිත්වා අවිතක්කං ඣානං පච්චවෙක්ඛන්ති, මග්ගා වුට්ඨහිත්වා මග්ගං පච්චවෙක්ඛන්ති, ඵලා වුට්ඨහිත්වා ඵලං පච්චවෙක්ඛන්ති, නිබ්බානං පච්චවෙක්ඛන්ති, නිබ්බානං අවිතක්කස්ස මග්ගස්ස, ඵලස්ස, විතක්කස්ස ච ආරම්මණපච්චයෙන පච්චයො; චක්ඛුං…පෙ… වත්ථුං අවිතක්කෙ ඛන්ධෙ ච විතක්කඤ්ච අනිච්චතො…පෙ… විපස්සති අස්සාදෙති අභිනන්දති, තං ආරබ්භ විතක්කො උප්පජ්ජති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන අවිතක්කචිත්තසමඞ්ගිස්ස චිත්තං ජානාති, ආකාසානඤ්චායතනං…පෙ… ආකිඤ්චඤ්ඤායතනං…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං…පෙ… අවිතක්කා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස යථාකම්මූපගඤාණස්ස, අනාගතංසඤාණස්ස, විතක්කස්ස ච ආරම්මණපච්චයෙන පච්චයො; අවිතක්කෙ ඛන්ධෙ ච විතක්කඤ්ච ආරබ්භ අවිතක්කා ඛන්ධා ච විතක්කො ච උප්පජ්ජන්ති. (1)

අවිතක්කො ධම්මො සවිතක්කස්ස ධම්මස්ස ආරම්මණපච්චයෙන පච්චයො – අරියා අවිතක්කා ඣානා වුට්ඨහිත්වා…පෙ… මග්ගා වුට්ඨහිත්වා…පෙ… ඵලා වුට්ඨහිත්වා ඵලං පච්චවෙක්ඛන්ති, නිබ්බානං පච්චවෙක්ඛන්ති, නිබ්බානං ගොත්‍රභුස්ස, වොදානස්ස, සවිතක්කස්ස මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; චක්ඛුං…පෙ… වත්ථුං අවිතක්කෙ ඛන්ධෙ ච විතක්කඤ්ච අනිච්චතො…පෙ… විපස්සති අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති; අවිතක්කෙ ඛන්ධෙ ච විතක්කඤ්ච ආරබ්භ සවිතක්කා ඛන්ධා උප්පජ්ජන්ති. (2)

අවිතක්කො ධම්මො සවිතක්කස්ස ච අවිතක්කස්ස ච ධම්මස්ස ආරම්මණපච්චයෙන පච්චයො – අරියා අවිතක්කා ඣානා වුට්ඨහිත්වා…පෙ… මග්ගා වුට්ඨහිත්වා…පෙ… ඵලා වුට්ඨහිත්වා ඵලං පච්චවෙක්ඛන්ති, නිබ්බානං පච්චවෙක්ඛන්ති, නිබ්බානං ගොත්‍රභුස්ස, වොදානස්ස, සවිතක්කස්ස මග්ගස්ස, ඵලස්ස, ආවජ්ජනාය, විතක්කස්ස ච ආරම්මණපච්චයෙන පච්චයො; චක්ඛුං…පෙ… වත්ථුං අවිතක්කෙ ඛන්ධෙ ච විතක්කඤ්ච අනිච්චතො…පෙ… විපස්සති අස්සාදෙති අභිනන්දති, තං ආරබ්භ සවිතක්කා ඛන්ධා ච විතක්කො ච උප්පජ්ජන්ති, අවිතක්කෙ ඛන්ධෙ ච විතක්කඤ්ච ආරබ්භ සවිතක්කා ඛන්ධා ච විතක්කො ච උප්පජ්ජන්ති. (3)

119. සවිතක්කො ච අවිතක්කො ච ධම්මා සවිතක්කස්ස ධම්මස්ස ආරම්මණපච්චයෙන පච්චයො – සවිතක්කෙ ඛන්ධෙ ච විතක්කඤ්ච ආරබ්භ සවිතක්කා ඛන්ධා උප්පජ්ජන්ති. (මූලං කාතබ්බං.) සවිතක්කෙ ඛන්ධෙ ච විතක්කඤ්ච ආරබ්භ අවිතක්කා ඛන්ධා ච විතක්කො ච උප්පජ්ජන්ති. (මූලං කාතබ්බං.) සවිතක්කෙ ඛන්ධෙ ච විතක්කඤ්ච ආරබ්භ සවිතක්කා ඛන්ධා ච විතක්කො ච උප්පජ්ජන්ති. (3)

අධිපතිපච්චයො

120. සවිතක්කො ධම්මො සවිතක්කස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – සවිතක්කෙ ඛන්ධෙ ගරුං කත්වා සවිතක්කා ඛන්ධා උප්පජ්ජන්ති. සහජාතාධිපති – සවිතක්කාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

සවිතක්කො ධම්මො අවිතක්කස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – සවිතක්කෙ ඛන්ධෙ ගරුං කත්වා විතක්කො උප්පජ්ජති. සහජාතාධිපති – සවිතක්කාධිපති විතක්කස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (2)

සවිතක්කො ධම්මො සවිතක්කස්ස ච අවිතක්කස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – සවිතක්කෙ ඛන්ධෙ ගරුං කත්වා සවිතක්කා ඛන්ධා ච විතක්කො ච උප්පජ්ජන්ති. සහජාතාධිපති – සවිතක්කාධිපති සම්පයුත්තකානං ඛන්ධානං විතක්කස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

121. අවිතක්කො ධම්මො අවිතක්කස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා අවිතක්කා ඣානා වුට්ඨහිත්වා…පෙ… මග්ගා වුට්ඨහිත්වා…පෙ… ඵලා වුට්ඨහිත්වා ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති, නිබ්බානං අවිතක්කස්ස මග්ගස්ස, ඵලස්ස, විතක්කස්ස ච අධිපතිපච්චයෙන පච්චයො; චක්ඛුං…පෙ… වත්ථුං අවිතක්කෙ ඛන්ධෙ ච විතක්කඤ්ච ගරුං කත්වා අස්සාදෙති අභිනන්දති, තං ගරුං කත්වා විතක්කො උප්පජ්ජති. සහජාතාධිපති – අවිතක්කාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

අවිතක්කො ධම්මො සවිතක්කස්ස ධම්මස්ස අධිපතිපච්චයෙන පච්චයො. ආරම්මණාධිපති – අරියා අවිතක්කා ඣානා වුට්ඨහිත්වා…පෙ… මග්ගා වුට්ඨහිත්වා…පෙ… ඵලා වුට්ඨහිත්වා ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති, නිබ්බානං ගොත්‍රභුස්ස, වොදානස්ස, සවිතක්කස්ස මග්ගස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං අවිතක්කෙ ඛන්ධෙ ච විතක්කඤ්ච ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, අවිතක්කෙ ඛන්ධෙ ච විතක්කඤ්ච ගරුං කත්වා සවිතක්කා ඛන්ධා උප්පජ්ජන්ති. (2)

අවිතක්කො ධම්මො සවිතක්කස්ස ච අවිතක්කස්ස ච ධම්මස්ස අධිපතිපච්චයෙන පච්චයො. ආරම්මණාධිපති – අරියා අවිතක්කා ඣානා වුට්ඨහිත්වා…පෙ… මග්ගා වුට්ඨහිත්වා…පෙ… ඵලා වුට්ඨහිත්වා ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති, නිබ්බානං ගොත්‍රභුස්ස, වොදානස්ස, සවිතක්කස්ස මග්ගස්ස, ඵලස්ස, විතක්කස්ස ච අධිපතිපච්චයෙන පච්චයො; චක්ඛුං…පෙ… වත්ථුං අවිතක්කෙ ඛන්ධෙ ච විතක්කඤ්ච ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති; අවිතක්කෙ ඛන්ධෙ ච විතක්කඤ්ච ගරුං කත්වා සවිතක්කා ඛන්ධා ච විතක්කො ච උප්පජ්ජන්ති. (3)

සවිතක්කො ච අවිතක්කො ච ධම්මා සවිතක්කස්ස ධම්මස්ස අධිපතිපච්චයෙන පච්චයො. ආරම්මණාධිපති – සවිතක්කෙ ඛන්ධෙ ච විතක්කඤ්ච ගරුං කත්වා සවිතක්කා ඛන්ධා උප්පජ්ජන්ති. (මූලං කාතබ්බං.) සවිතක්කෙ ඛන්ධෙ ච විතක්කඤ්ච ගරුං කත්වා විතක්කො උප්පජ්ජති. (මූලං කාතබ්බං.) සවිතක්කෙ ඛන්ධෙ ච විතක්කඤ්ච ගරුං කත්වා සවිතක්කා ඛන්ධා ච විතක්කො ච උප්පජ්ජන්ති. (3)

අනන්තරපච්චයාදි

122. සවිතක්කො ධම්මො සවිතක්කස්ස ධම්මස්ස අනන්තරපච්චයෙන පච්චයො – පුරිමා පුරිමා සවිතක්කා ඛන්ධා පච්ඡිමානං පච්ඡිමානං සවිතක්කානං ඛන්ධානං අනන්තරපච්චයෙන පච්චයො. (1)

සවිතක්කො ධම්මො අවිතක්කස්ස ධම්මස්ස අනන්තරපච්චයෙන පච්චයො – පුරිමා පුරිමා සවිතක්කා ඛන්ධා පච්ඡිමස්ස පච්ඡිමස්ස විතක්කස්ස අනන්තරපච්චයෙන පච්චයො; සවිතක්කං චුතිචිත්තං අවිතක්කස්ස උපපත්තිචිත්තස්ස අනන්තරපච්චයෙන පච්චයො; ආවජ්ජනා පඤ්චන්නං විඤ්ඤාණානං අනන්තරපච්චයෙන පච්චයො; සවිතක්කා ඛන්ධා අවිතක්කස්ස වුට්ඨානස්ස අනන්තරපච්චයෙන පච්චයො; දුතියස්ස ඣානස්ස පරිකම්මං දුතියස්ස ඣානස්ස අනන්තරපච්චයෙන පච්චයො; තතියස්ස ඣානස්ස පරිකම්මං…පෙ… නෙවසඤ්ඤානාසඤ්ඤායතනස්ස පරිකම්මං නෙවසඤ්ඤානාසඤ්ඤායතනස්ස…පෙ… දිබ්බස්ස චක්ඛුස්ස පරිකම්මං…පෙ… දිබ්බාය සොතධාතුයා පරිකම්මං…පෙ… ඉද්ධිවිධඤාණස්ස පරිකම්මං…පෙ… චෙතොපරියඤාණස්ස පරිකම්මං…පෙ… පුබ්බෙනිවාසානුස්සතිඤාණස්ස පරිකම්මං…පෙ… යථාකම්මූපගඤාණස්ස පරිකම්මං යථාකම්මූපගඤාණස්ස…පෙ… අනාගතංසඤාණස්ස පරිකම්මං අනාගතංසඤාණස්ස අනන්තරපච්චයෙන පච්චයො. ගොත්‍රභු අවිතක්කස්ස මග්ගස්ස… වොදානං අවිතක්කස්ස මග්ගස්ස… අනුලොමං අවිතක්කාය ඵලසමාපත්තියා අනන්තරපච්චයෙන පච්චයො. (2)

සවිතක්කො ධම්මො සවිතක්කස්ස ච අවිතක්කස්ස ච ධම්මස්ස අනන්තරපච්චයෙන පච්චයො – පුරිමා පුරිමා සවිතක්කා ඛන්ධා පච්ඡිමානං පච්ඡිමානං සවිතක්කානං ඛන්ධානං විතක්කස්ස ච අනන්තරපච්චයෙන පච්චයො. (3)

123. අවිතක්කො ධම්මො අවිතක්කස්ස ධම්මස්ස අනන්තරපච්චයෙන පච්චයො – පුරිමො පුරිමො විතක්කො පච්ඡිමස්ස පච්ඡිමස්ස විතක්කස්ස අනන්තරපච්චයෙන පච්චයො; පුරිමා පුරිමා අවිතක්කා ඛන්ධා පච්ඡිමානං පච්ඡිමානං අවිතක්කානං ඛන්ධානං අනන්තරපච්චයෙන පච්චයො; අවිතක්කො මග්ගො අවිතක්කස්ස ඵලස්ස…පෙ… අවිතක්කං ඵලං අවිතක්කස්ස ඵලස්ස …පෙ… නිරොධා වුට්ඨහන්තස්ස නෙවසඤ්ඤානාසඤ්ඤායතනං අවිතක්කාය ඵලසමාපත්තියා අනන්තරපච්චයෙන පච්චයො. (1)

අවිතක්කො ධම්මො සවිතක්කස්ස ධම්මස්ස අනන්තරපච්චයෙන පච්චයො – පුරිමො පුරිමො විතක්කො පච්ඡිමානං පච්ඡිමානං සවිතක්කානං ඛන්ධානං අනන්තරපච්චයෙන පච්චයො; අවිතක්කං චුතිචිත්තං සවිතක්කස්ස උපපත්තිචිත්තස්ස, අවිතක්කං භවඞ්ගං ආවජ්ජනාය, අවිතක්කා ඛන්ධා සවිතක්කස්ස වුට්ඨානස්ස අනන්තරපච්චයෙන පච්චයො. (2)

අවිතක්කො ධම්මො සවිතක්කස්ස ච අවිතක්කස්ස ච ධම්මස්ස අනන්තරපච්චයෙන පච්චයො – පුරිමො පුරිමො විතක්කො පච්ඡිමානං පච්ඡිමානං සවිතක්කානං ඛන්ධානං විතක්කස්ස ච අනන්තරපච්චයෙන පච්චයො. (3)

124. සවිතක්කො ච අවිතක්කො ච ධම්මා සවිතක්කස්ස ධම්මස්ස අනන්තරපච්චයෙන පච්චයො – පුරිමා පුරිමා සවිතක්කා ඛන්ධා ච විතක්කො ච පච්ඡිමානං පච්ඡිමානං සවිතක්කානං ඛන්ධානං අනන්තරපච්චයෙන පච්චයො. (1)

සවිතක්කො ච අවිතක්කො ච ධම්මා අවිතක්කස්ස ධම්මස්ස අනන්තරපච්චයෙන පච්චයො – පුරිමා පුරිමා සවිතක්කා ඛන්ධා ච විතක්කො ච පච්ඡිමස්ස පච්ඡිමස්ස විතක්කස්ස අනන්තරපච්චයෙන පච්චයො; සවිතක්කං චුතිචිත්තඤ්ච විතක්කො ච අවිතක්කස්ස උපපත්තිචිත්තස්ස…පෙ… ආවජ්ජනා ච විතක්කො ච පඤ්චන්නං විඤ්ඤාණානං…පෙ… සවිතක්කා ඛන්ධා ච විතක්කො ච අවිතක්කස්ස වුට්ඨානස්ස අනන්තරපච්චයෙන පච්චයො; දුතියස්ස ඣානස්ස පරිකම්මඤ්ච විතක්කො ච…පෙ… (හෙට්ඨා ලිඛිතං ලෙඛං ඉමිනා කාරණෙන දට්ඨබ්බං); අනුලොමඤ්ච විතක්කො ච අවිතක්කාය ඵලසමාපත්තියා අනන්තරපච්චයෙන පච්චයො. (2)

සවිතක්කො ච අවිතක්කො ච ධම්මා සවිතක්කස්ස ච අවිතක්කස්ස ච ධම්මස්ස අනන්තරපච්චයෙන පච්චයො – පුරිමා පුරිමා සවිතක්කා ඛන්ධා ච විතක්කො ච පච්ඡිමානං පච්ඡිමානං සවිතක්කානං ඛන්ධානං විතක්කස්ස ච අනන්තරපච්චයෙන පච්චයො. (3)

සමනන්තරපච්චයෙන පච්චයො… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… නව… නිස්සයපච්චයෙන පච්චයො… නව.

උපනිස්සයපච්චයො

125. සවිතක්කො ධම්මො සවිතක්කස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කා ඛන්ධා සවිතක්කානං ඛන්ධානං උපනිස්සයපච්චයෙන පච්චයො. (මූලං කාතබ්බං.) සවිතක්කා ඛන්ධා අවිතක්කානං ඛන්ධානං විතක්කස්ස ච උපනිස්සයපච්චයෙන පච්චයො. (මූලං කාතබ්බං.) සවිතක්කා ඛන්ධා සවිතක්කානං ඛන්ධානං විතක්කස්ස ච උපනිස්සයපච්චයෙන පච්චයො. (3)

126. අවිතක්කො ධම්මො අවිතක්කස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කං සද්ධං උපනිස්සාය අවිතක්කං ඣානං උප්පාදෙති, මග්ගං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති; අවිතක්කං සීලං…පෙ… පඤ්ඤං… කායිකං සුඛං… කායිකං දුක්ඛං… උතුං… භොජනං… සෙනාසනං විතක්කං උපනිස්සාය අවිතක්කං ඣානං උප්පාදෙති, මග්ගං…පෙ… අභිඤ්ඤං…පෙ… සමාපත්තිං උප්පාදෙති; අවිතක්කා සද්ධා…පෙ… සෙනාසනං විතක්කො ච අවිතක්කාය සද්ධාය…පෙ… පඤ්ඤාය… කායිකස්ස සුඛස්ස… කායිකස්ස දුක්ඛස්ස… අවිතක්කස්ස මග්ගස්ස… ඵලසමාපත්තියා උපනිස්සයපච්චයෙන පච්චයො. (1)

අවිතක්කො ධම්මො සවිතක්කස්ස ධම්මස්ස උපනිස්සයපච්චයෙන පච්චයො (තීණිපි උපනිස්සයා සබ්බත්ථ කාතබ්බා). අවිතක්කං සද්ධං උපනිස්සාය දානං දෙති, සීලං සමාදියති, උපොසථකම්මං කරොති; සවිතක්කං ඣානං උප්පාදෙති, විපස්සනං…පෙ… මග්ගං…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති; අවිතක්කං සීලං…පෙ… සෙනාසනං විතක්කං උපනිස්සාය දානං දෙති…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති; අවිතක්කා සද්ධා…පෙ… සෙනාසනං විතක්කො ච සවිතක්කාය සද්ධාය…පෙ… පඤ්ඤාය… රාගස්ස…පෙ… පත්ථනාය සවිතක්කස්ස මග්ගස්ස, ඵලසමාපත්තියා උපනිස්සයපච්චයෙන පච්චයො. (2)

අවිතක්කො ධම්මො සවිතක්කස්ස ච අවිතක්කස්ස ච ධම්මස්ස උපනිස්සයපච්චයෙන පච්චයො – අවිතක්කං සද්ධං උපනිස්සාය දානං දෙති…පෙ… (දුතියවාරෙ ලිඛිතපදා සබ්බෙ කාතබ්බා) සමාපත්තිං උප්පාදෙති, මානං ජප්පෙති, දිට්ඨිං ගණ්හාති; සීලං…පෙ… පඤ්ඤං…පෙ… සෙනාසනං විතක්කං උපනිස්සාය දානං දෙති…පෙ… පාණං හනති…පෙ… සඞ්ඝං භින්දති; අවිතක්කා සද්ධා…පෙ… සෙනාසනං විතක්කො ච සවිතක්කාය සද්ධාය…පෙ… පඤ්ඤාය… රාගස්ස …පෙ… පත්ථනාය සවිතක්කස්ස මග්ගස්ස, ඵලසමාපත්තියා විතක්කස්ස ච උපනිස්සයපච්චයෙන පච්චයො. (3)

127. සවිතක්කො ච අවිතක්කො ච ධම්මා සවිතක්කස්ස ධම්මස්ස උපනිස්සයපච්චයෙන පච්චයො – සවිතක්කා ඛන්ධා ච විතක්කො ච සවිතක්කානං ඛන්ධානං උපනිස්සයපච්චයෙන පච්චයො. (මූලං කාතබ්බං.) සවිතක්කා ඛන්ධා ච විතක්කො ච අවිතක්කානං ඛන්ධානං විතක්කස්ස ච උපනිස්සයපච්චයෙන පච්චයො. (මූලං කාතබ්බං.) සවිතක්කා ඛන්ධා ච විතක්කො ච සවිතක්කානං ඛන්ධානං විතක්කස්ස ච උපනිස්සයපච්චයෙන පච්චයො. (3)

පුරෙජාතපච්චයො

128. අවිතක්කො ධම්මො අවිතක්කස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… විපස්සති අස්සාදෙති අභිනන්දති, තං ආරබ්භ විතක්කො උප්පජ්ජති, දිබ්බෙන චක්ඛුනා රූපං පස්සති…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු අවිතක්කානං ඛන්ධානං විතක්කස්ස ච පුරෙජාතපච්චයෙන පච්චයො.

අවිතක්කො ධම්මො සවිතක්කස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… විපස්සති අස්සාදෙති අභිනන්දති, තං ආරබ්භ සවිතක්කා ඛන්ධා උප්පජ්ජන්ති. වත්ථුපුරෙජාතං – වත්ථු සවිතක්කානං ඛන්ධානං පුරෙජාතපච්චයෙන පච්චයො.

අවිතක්කො ධම්මො සවිතක්කස්ස ච අවිතක්කස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… විපස්සති, අස්සාදෙති අභිනන්දති, තං ආරබ්භ සවිතක්කා ඛන්ධා ච විතක්කො ච උප්පජ්ජන්ති. වත්ථුපුරෙජාතං – වත්ථු සවිතක්කානං ඛන්ධානං විතක්කස්ස ච පුරෙජාතපච්චයෙන පච්චයො. (3)

පච්ඡාජාතාසෙවනපච්චයා

129. සවිතක්කො ධම්මො අවිතක්කස්ස ධම්මස්ස පච්ඡාජාතපච්චයෙන පච්චයො (තීණි, පච්ඡාජාතා)… ආසෙවනපච්චයෙන පච්චයො… නව.

කම්මපච්චයාදි

130. සවිතක්කො ධම්මො සවිතක්කස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සවිතක්කා චෙතනා සම්පයුත්තකානං ඛන්ධානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – සවිතක්කා චෙතනා විපාකානං සවිතක්කානං ඛන්ධානං කම්මපච්චයෙන පච්චයො. (එවං චත්තාරි, සහජාතාපි නානාක්ඛණිකාපි කාතබ්බා.)

විපාකපච්චයෙන පච්චයො… නව… ආහාරපච්චයෙන පච්චයො… චත්තාරි… ඉන්ද්‍රියපච්චයෙන පච්චයො… චත්තාරි… ඣානපච්චයෙන පච්චයො… නව… මග්ගපච්චයෙන පච්චයො… නව… සම්පයුත්තපච්චයෙන පච්චයො… ඡ.

131. සවිතක්කො ධම්මො සවිතක්කස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං). (1)

අවිතක්කො ධම්මො අවිතක්කස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං (සංඛිත්තං). අවිතක්කො ධම්මො සවිතක්කස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං (සංඛිත්තං). අවිතක්කො ධම්මො සවිතක්කස්ස ච අවිතක්කස්ස ච ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු විතක්කස්ස සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. පුරෙජාතං – වත්ථු විතක්කස්ස සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. (3)

සවිතක්කො ච අවිතක්කො ච ධම්මා අවිතක්කස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං).

අත්ථිපච්චයාදි

132. සවිතක්කො ධම්මො සවිතක්කස්ස ධම්මස්ස අත්ථිපච්චයෙන පච්චයො (එකං, පටිච්චසදිසං). සවිතක්කො ධම්මො අවිතක්කස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං (සංඛිත්තං). සවිතක්කො ධම්මො සවිතක්කස්ස ච අවිතක්කස්ස ච ධම්මස්ස අත්ථිපච්චයෙන පච්චයො (පටිච්චසදිසං). (3)

අවිතක්කො ධම්මො අවිතක්කස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සංඛිත්තං). අවිතක්කො ධම්මො සවිතක්කස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං (සංඛිත්තං). අවිතක්කො ධම්මො සවිතක්කස්ස ච අවිතක්කස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – විතක්කො සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො; පටිසන්ධික්ඛණෙ විතක්කො සම්පයුත්තකානං ඛන්ධානං කටත්තා ච රූපානං අත්ථිපච්චයෙන පච්චයො, පටිසන්ධික්ඛණෙ වත්ථු විතක්කස්ස සම්පයුත්තකානඤ්ච ඛන්ධානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අනිච්චතො…පෙ… විපස්සති අස්සාදෙති අභිනන්දති, තං ආරබ්භ විතක්කො ච සම්පයුත්තකා ච ඛන්ධා උප්පජ්ජන්ති, වත්ථු විතක්කස්ස සම්පයුත්තකානඤ්ච ඛන්ධානං අත්ථිපච්චයෙන පච්චයො. (3)

133. සවිතක්කො ච අවිතක්කො ච ධම්මා සවිතක්කස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – සවිතක්කො එකො ඛන්ධො ච විතක්කො ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. සහජාතො – සවිතක්කො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ… (පටිසන්ධික්ඛණෙ සහජාතාපි ද්වෙපි කාතබ්බා). (1)

සවිතක්කො ච අවිතක්කො ච ධම්මා අවිතක්කස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතා – සවිතක්කා ඛන්ධා ච විතක්කො ච චිත්තසමුට්ඨානානං රූපානං අත්ථිපච්චයෙන පච්චයො. සහජාතා – සවිතක්කා ඛන්ධා ච වත්ථු ච විතක්කස්ස අත්ථිපච්චයෙන පච්චයො (පටිසන්ධික්ඛණෙ, තීණි). පච්ඡාජාතා – සවිතක්කා ඛන්ධා ච විතක්කො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා – සවිතක්කා ඛන්ධා ච විතක්කො ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – සවිතක්කා ඛන්ධා ච විතක්කො ච රූපජීවිතින්ද්‍රියඤ්ච කටත්තාරූපානං අත්ථිපච්චයෙන පච්චයො. (3)

සවිතක්කො ච අවිතක්කො ච ධම්මා සවිතක්කස්ස ච අවිතක්කස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – සවිතක්කො එකො ඛන්ධො ච විතක්කො ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. සහජාතො – සවිතක්කො එකො ඛන්ධො ච වත්ථු ච තිණ්ණන්නං ඛන්ධානං විතක්කස්ස ච අත්ථිපච්චයෙන පච්චයො…පෙ… ද්වෙ ඛන්ධා ච…පෙ… (පටිසන්ධියාපි ද්වෙ). (3)

නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො.