1. විභඞ්ගවාරො

නහෙතුපච්චයො

106. සවිතක්කං ධම්මං පටිච්ච සවිතක්කො ධම්මො උප්පජ්ජති නහෙතුපච්චයා – අහෙතුකං සවිතක්කං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (සවිතක්කමූලකා අවසෙසා ද්වෙ පඤ්හා කාතබ්බා, අහෙතුකං නින්නානං.) (3)

අවිතක්කං ධම්මං පටිච්ච අවිතක්කො ධම්මො උප්පජ්ජති නහෙතුපච්චයා – අහෙතුකං අවිතක්කං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අහෙතුකං විතක්කං පටිච්ච චිත්තසමුට්ඨානං රූපං; අහෙතුකපටිසන්ධික්ඛණෙ විතක්කං පටිච්ච කටත්තාරූපං, විතක්කං පටිච්ච වත්ථු, වත්ථුං පටිච්ච විතක්කො, එකං මහාභූතං…පෙ…. (1)

අවිතක්කං ධම්මං පටිච්ච සවිතක්කො ධම්මො උප්පජ්ජති නහෙතුපච්චයා – අහෙතුකං විතක්කං පටිච්ච සම්පයුත්තකා ඛන්ධා, අහෙතුකපටිසන්ධික්ඛණෙ විතක්කං පටිච්ච සම්පයුත්තකා ඛන්ධා; පටිසන්ධික්ඛණෙ වත්ථුං පටිච්ච අහෙතුකා සවිතක්කා ඛන්ධා, විතක්කං පටිච්ච විචිකිච්ඡාසහගතො උද්ධච්චසහගතො මොහො. (2)

අවිතක්කං ධම්මං පටිච්ච සවිතක්කො ච අවිතක්කො ච ධම්මා උප්පජ්ජන්ති නහෙතුපච්චයා. (සංඛිත්තං. හෙතුපච්චයසදිසං. ‘‘අහෙතුක’’න්ති නියාමෙතබ්බං.) (3)

සවිතක්කඤ්ච අවිතක්කඤ්ච ධම්මං පටිච්ච සවිතක්කො ධම්මො උප්පජ්ජති නහෙතුපච්චයා – අහෙතුකං සවිතක්කං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ සවිතක්කං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ සවිතක්කං එකං ඛන්ධඤ්ච වත්ථුඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ ච විතක්කඤ්ච පටිච්ච විචිකිච්ඡාසහගතො උද්ධච්චසහගතො මොහො. (අවසෙසා ද්වෙ පඤ්හා හෙතුපච්චයසදිසා නින්නානා, අහෙතුකන්ති නියාමෙතබ්බං.) (3)