1. විභඞ්ගවාරො

හෙතුපච්චයො

102. සවිතක්කං ධම්මං පටිච්ච සවිතක්කො ධම්මො උප්පජ්ජති හෙතුපච්චයා – සවිතක්කං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. සවිතක්කං ධම්මං පටිච්ච අවිතක්කො ධම්මො උප්පජ්ජති හෙතුපච්චයා – සවිතක්කෙ ඛන්ධෙ පටිච්ච විතක්කො චිත්තසමුට්ඨානඤ්ච රූපං; පටිසන්ධික්ඛණෙ…පෙ…. සවිතක්කං ධම්මං පටිච්ච සවිතක්කො ච අවිතක්කො ච ධම්මා උප්පජ්ජන්ති හෙතුපච්චයා – සවිතක්කං එකං ඛන්ධං පටිච්ච තයො ඛන්ධා විතක්කො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

103. අවිතක්කං ධම්මං පටිච්ච අවිතක්කො ධම්මො උප්පජ්ජති හෙතුපච්චයා – අවිතක්කං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… විතක්කං පටිච්ච චිත්තසමුට්ඨානං රූපං; පටිසන්ධික්ඛණෙ අවිතක්කං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… විතක්කං පටිච්ච කටත්තාරූපං, ඛන්ධෙ පටිච්ච වත්ථු, වත්ථුං පටිච්ච ඛන්ධා, විතක්කං පටිච්ච වත්ථු, වත්ථුං පටිච්ච විතක්කො, එකං මහාභූතං…පෙ…. (1)

අවිතක්කං ධම්මං පටිච්ච සවිතක්කො ධම්මො උප්පජ්ජති හෙතුපච්චයා – විතක්කං පටිච්ච සම්පයුත්තකා ඛන්ධා; පටිසන්ධික්ඛණෙ විතක්කං පටිච්ච සම්පයුත්තකා ඛන්ධා, පටිසන්ධික්ඛණෙ වත්ථුං පටිච්ච සවිතක්කා ඛන්ධා. (2)

අවිතක්කං ධම්මං පටිච්ච සවිතක්කො ච අවිතක්කො ච ධම්මා උප්පජ්ජන්ති හෙතුපච්චයා – විතක්කං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං, විතක්කං පටිච්ච සවිතක්කා ඛන්ධා, මහාභූතෙ පටිච්ච චිත්තසමුට්ඨානං රූපං; පටිසන්ධික්ඛණෙ විතක්කං පටිච්ච සම්පයුත්තකා ඛන්ධා කටත්තා ච රූපං, පටිසන්ධික්ඛණෙ විතක්කං පටිච්ච සවිතක්කා ඛන්ධා, මහාභූතෙ පටිච්ච කටත්තාරූපං, පටිසන්ධික්ඛණෙ වත්ථුං පටිච්ච සවිතක්කා ඛන්ධා, මහාභූතෙ පටිච්ච කටත්තාරූපං, පටිසන්ධික්ඛණෙ වත්ථුං පටිච්ච විතක්කො සම්පයුත්තකා ච ඛන්ධා. (3)

104. සවිතක්කඤ්ච අවිතක්කඤ්ච ධම්මං පටිච්ච සවිතක්කො ධම්මො උප්පජ්ජති හෙතුපච්චයා – සවිතක්කං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ …පෙ… පටිසන්ධික්ඛණෙ සවිතක්කං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ සවිතක්කං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

සවිතක්කඤ්ච අවිතක්කඤ්ච ධම්මං පටිච්ච අවිතක්කො ධම්මො උප්පජ්ජති හෙතුපච්චයා – සවිතක්කෙ ඛන්ධෙ ච විතක්කඤ්ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ සවිතක්කෙ ඛන්ධෙ ච විතක්කඤ්ච මහාභූතෙ ච පටිච්ච කටත්තාරූපං, පටිසන්ධික්ඛණෙ සවිතක්කෙ ඛන්ධෙ ච වත්ථුඤ්ච පටිච්ච විතක්කො. (2)

සවිතක්කඤ්ච අවිතක්කඤ්ච ධම්මං පටිච්ච සවිතක්කො ච අවිතක්කො ච ධම්මා උප්පජ්ජන්ති හෙතුපච්චයා – සවිතක්කං එකං ඛන්ධඤ්ච විතක්කඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… සවිතක්කං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… සවිතක්කෙ ඛන්ධෙ ච විතක්කඤ්ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ සවිතක්කං එකං ඛන්ධඤ්ච විතක්කඤ්ච පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ සවිතක්කං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… සවිතක්කෙ ඛන්ධෙ ච විතක්කඤ්ච මහාභූතෙ ච පටිච්ච කටත්තාරූපං, පටිසන්ධික්ඛණෙ සවිතක්කං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච…පෙ… ද්වෙ ඛන්ධෙ…පෙ…. (3) (සංඛිත්තං.)