1. විභඞ්ගවාරො

හෙතුපච්චයො

94. භාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ධම්මස්ස හෙතුපච්චයෙන පච්චයො… ඡ…පෙ… (දස්සනෙන පහාතබ්බහෙතුකදුකසදිසා).

ආරම්මණපච්චයො

95. භාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ධම්මස්ස ආරම්මණපච්චයෙන පච්චයො… තීණි (ආරබ්භ දස්සනෙන පහාතබ්බහෙතුකදුකසදිසා).

96. නභාවනාය පහාතබ්බහෙතුකො ධම්මො නභාවනාය පහාතබ්බහෙතුකස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති අස්සාදෙති අභිනන්දති, තං ආරබ්භ නභාවනාය පහාතබ්බහෙතුකො රාගො උප්පජ්ජති, දිට්ඨි…පෙ… විචිකිච්ඡා…පෙ… නභාවනාය පහාතබ්බහෙතුකං දොමනස්සං උප්පජ්ජති, පුබ්බෙ සුචිණ්ණානි…පෙ… ඣානා…පෙ… අරියා මග්ගා…පෙ… ඵලස්ස, ආවජ්ජනාය ආරම්මණපච්චයෙන පච්චයො; අරියා නභාවනාය පහාතබ්බහෙතුකෙ පහීනෙ කිලෙසෙ…පෙ… පුබ්බෙ සමුදාචිණ්ණෙ…පෙ… චක්ඛුං…පෙ… වත්ථුං නභාවනාය පහාතබ්බහෙතුකෙ ඛන්ධෙ ච මොහඤ්ච අනිච්චතො…පෙ… විපස්සති අස්සාදෙති අභිනන්දති, තං ආරබ්භ නභාවනාය පහාතබ්බහෙතුකො රාගො උප්පජ්ජති, දිට්ඨි…පෙ… විචිකිච්ඡා…පෙ… නභාවනාය පහාතබ්බහෙතුකං දොමනස්සං උප්පජ්ජති; දිබ්බෙන චක්ඛුනා රූපං පස්සති…පෙ… අනාගතංසඤාණස්ස, ආවජ්ජනාය, මොහස්ස ච ආරම්මණපච්චයෙන පච්චයො. (1)

නභාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… ඣානං…පෙ… චක්ඛුං…පෙ… වත්ථුං නභාවනාය පහාතබ්බහෙතුකෙ ඛන්ධෙ ච මොහඤ්ච අස්සාදෙති අභිනන්දති, තං ආරබ්භ භාවනාය පහාතබ්බහෙතුකො රාගො උප්පජ්ජති, උද්ධච්චං…පෙ… භාවනාය පහාතබ්බහෙතුකං දොමනස්සං උප්පජ්ජති. (2)

නභාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ච නභාවනාය පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො – චක්ඛුං…පෙ… වත්ථුං නභාවනාය පහාතබ්බහෙතුකෙ ඛන්ධෙ ච මොහඤ්ච ආරබ්භ උද්ධච්චසහගතා ඛන්ධා ච මොහො ච උප්පජ්ජන්ති (ඝටනාරම්මණා තීණිපි කාතබ්බා). (3)

අධිපතිපච්චයාදි

97. භාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – භාවනාය පහාතබ්බහෙතුකං රාගං ගරුං කත්වා අස්සාදෙති අභිනන්දති, තං ගරුං කත්වා භාවනාය පහාතබ්බහෙතුකො රාගො උප්පජ්ජති. සහජාතාධිපති – භාවනාය පහාතබ්බහෙතුකාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

භාවනාය පහාතබ්බහෙතුකො ධම්මො නභාවනාය පහාතබ්බහෙතුකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – භාවනාය පහාතබ්බහෙතුකං රාගං ගරුං කත්වා අස්සාදෙති අභිනන්දති, තං ගරුං කත්වා නභාවනාය පහාතබ්බහෙතුකො රාගො උප්පජ්ජති, දිට්ඨි උප්පජ්ජති. සහජාතාධිපති – භාවනාය පහාතබ්බහෙතුකාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

භාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ච නභාවනාය පහාතබ්බහෙතුකස්ස ච ධම්මස්ස අධිපතිපච්චයෙන පච්චයො. සහජාතාධිපති – භාවනාය පහාතබ්බහෙතුකාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

98. නභාවනාය පහාතබ්බහෙතුකො ධම්මො නභාවනාය පහාතබ්බහෙතුකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති අස්සාදෙති අභිනන්දති, තං ගරුං කත්වා නභාවනාය පහාතබ්බහෙතුකො රාගො උප්පජ්ජති, දිට්ඨි උප්පජ්ජති, පුබ්බෙ…පෙ… ඣානා…පෙ… අරියා මග්ගා වුට්ඨහිත්වා…පෙ… ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං නභාවනාය පහාතබ්බහෙතුකෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා නභාවනාය පහාතබ්බහෙතුකො රාගො උප්පජ්ජති, දිට්ඨි උප්පජ්ජති. සහජාතාධිපති – නභාවනාය පහාතබ්බහෙතුකාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

නභාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ධම්මස්ස අධිපතිපච්චයෙන පච්චයො – ආරම්මණාධිපති – දානං…පෙ… ඣානං…පෙ… චක්ඛුං…පෙ… වත්ථුං නභාවනාය පහාතබ්බහෙතුකෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා භාවනාය පහාතබ්බහෙතුකො රාගො උප්පජ්ජති. (2)

(අනන්තරපච්චයෙ නභාවනාය පහාතබ්බහෙතුකකාරණා විචිකිච්ඡාසහගතො මොහො න කාතබ්බො, උද්ධච්චසහගතො මොහො කාතබ්බො.) සමනන්තරපච්චයෙන පච්චයො… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… ඡ… නිස්සයපච්චයෙන පච්චයො… නව.

උපනිස්සයපච්චයො

99. භාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – භාවනාය පහාතබ්බහෙතුකා ඛන්ධා භාවනාය පහාතබ්බහෙතුකානං ඛන්ධානං උපනිස්සයපච්චයෙන පච්චයො. (මූලං කාතබ්බං.) භාවනාය පහාතබ්බහෙතුකා ඛන්ධා නභාවනාය පහාතබ්බහෙතුකානං ඛන්ධානං මොහස්ස ච උපනිස්සයපච්චයෙන පච්චයො; සකභණ්ඩෙ ඡන්දරාගො පරභණ්ඩෙ ඡන්දරාගස්ස උපනිස්සයපච්චයෙන පච්චයො; සකපරිග්ගහෙ ඡන්දරාගො පරපරිග්ගහෙ ඡන්දරාගස්ස උපනිස්සයපච්චයෙන පච්චයො. (මූලං කාතබ්බං.) භාවනාය පහාතබ්බහෙතුකා ඛන්ධා උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (3)

100. නභාවනාය පහාතබ්බහෙතුකො ධම්මො නභාවනාය පහාතබ්බහෙතුකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… සමාපත්තිං උප්පාදෙති, දිට්ඨිං ගණ්හාති; සීලං…පෙ… පඤ්ඤං… නභාවනාය පහාතබ්බහෙතුකං රාගං… දොසං… මොහං… දිට්ඨිං… පත්ථනං… කායිකං සුඛං… කායිකං දුක්ඛං…පෙ… සෙනාසනං උපනිස්සාය දානං දෙති…පෙ… පාණං හනති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… පඤ්ඤාය… නභාවනාය පහාතබ්බහෙතුකස්ස රාගස්ස … දොසස්ස… මොහස්ස… දිට්ඨියා… පත්ථනාය… කායිකස්ස සුඛස්ස…පෙ… ඵලසමාපත්තියා උපනිස්සයපච්චයෙන පච්චයො. (1)

නභාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති…පෙ… සද්ධා …පෙ… සෙනාසනං භාවනාය පහාතබ්බහෙතුකස්ස රාගස්ස… දොසස්ස… මොහස්ස… මානස්ස… පත්ථනාය උපනිස්සයපච්චයෙන පච්චයො. (2)

නභාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ච නභාවනාය පහාතබ්බහෙතුකස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධා…පෙ… පඤ්ඤා… කායිකං සුඛං…පෙ… සෙනාසනං උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො (ඝටනූපනිස්සයාපි තීණිපි කාතබ්බා). (3)

පුරෙජාතපච්චයාදි

101. නභාවනාය පහාතබ්බහෙතුකො ධම්මො නභාවනාය පහාතබ්බහෙතුකස්ස ධම්මස්ස පුරෙජාතපච්චයෙන පච්චයො… තීණි… පච්ඡාජාතපච්චයෙන පච්චයො… තීණි… ආසෙවනපච්චයෙන පච්චයො… නව… කම්මපච්චයෙන පච්චයො (නභාවනාය පහාතබ්බභාජනකාරණෙ නානාක්ඛණිකා ලබ්භති ) …පෙ… නොවිගතපච්චයෙන පච්චයො. (සංඛිත්තං. යථා දස්සනෙන පහාතබ්බහෙතුකදුකං එවං භාවනාය පහාතබ්බහෙතුකපච්චයාපි පච්චනීයාපි විභාගොපි ගණනාපි නින්නානාකරණා.)

නදස්සනෙන පහාතබ්බො ධම්මො නදස්සනෙන පහාතබ්බස්ස ධම්මස්ස…පෙ…. (පරන්තෙන සකභණ්ඩඡන්දරාගොපි කාතබ්බො.)

භාවනාය පහාතබ්බො ධම්මො නභාවනාය පහාතබ්බස්ස ධම්මස්ස…පෙ…. (පරන්තෙන ‘‘සකභණ්ඩඡන්දරාගො’’ති කාතබ්බං.)

භාවනායපහාතබ්බහෙතුකදුකං නිට්ඨිතං.