2. සඞ්ඛ්‍යාවාරො

86. හෙතුයා ඡ, ආරම්මණෙ නව, අධිපතියා පඤ්ච, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ චත්තාරි, විපාකෙ එකං, ආහාරෙ චත්තාරි, ඉන්ද්‍රියෙ චත්තාරි, ඣානෙ චත්තාරි, මග්ගෙ චත්තාරි, සම්පයුත්තෙ ඡ, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

පච්චනීයුද්ධාරො

87. දස්සනෙන පහාතබ්බහෙතුකො ධම්මො දස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. දස්සනෙන පහාතබ්බහෙතුකො ධම්මො නදස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. දස්සනෙන පහාතබ්බහෙතුකො ධම්මො දස්සනෙන පහාතබ්බහෙතුකස්ස ච නදස්සනෙන පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

88. නදස්සනෙන පහාතබ්බහෙතුකො ධම්මො නදස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. නදස්සනෙන පහාතබ්බහෙතුකො ධම්මො දස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. නදස්සනෙන පහාතබ්බහෙතුකො ධම්මො දස්සනෙන පහාතබ්බහෙතුකස්ස ච නදස්සනෙන පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

89. දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා දස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා නදස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා දස්සනෙන පහාතබ්බහෙතුකස්ස ච නදස්සනෙන පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)