1. විභඞ්ගවාරො

හෙතුපච්චයො

57. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා… තීණි.

නදස්සනෙන පහාතබ්බහෙතුකං ධම්මං පච්චයා නදස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – නදස්සනෙන පහාතබ්බහෙතුකං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (යාව අජ්ඣත්තිකා මහාභූතා) වත්ථුං පච්චයා නදස්සනෙන පහාතබ්බහෙතුකා ඛන්ධා. (1)

නදස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා, විචිකිච්ඡාසහගතං මොහං පච්චයා සම්පයුත්තකා ඛන්ධා. (2)

නදස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා උප්පජ්ජන්ති හෙතුපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා, මහාභූතෙ පච්චයා චිත්තසමුට්ඨානං රූපං, විචිකිච්ඡාසහගතං මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං. (3)

58. දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… විචිකිච්ඡාසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. (1)

දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පච්චයා නදස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, විචිකිච්ඡාසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං. (2)

දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා උප්පජ්ජන්ති හෙතුපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, විචිකිච්ඡාසහගතං එකං ඛන්ධඤ්ච මොහඤ්ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ…. (3)

ආරම්මණපච්චයො

59. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා… තීණි (පටිච්චසදිසා).

නදස්සනෙන පහාතබ්බහෙතුකං ධම්මං පච්චයා නදස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – නදස්සනෙන පහාතබ්බහෙතුකං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… චක්ඛායතනං පච්චයා චක්ඛුවිඤ්ඤාණං…පෙ… වත්ථුං පච්චයා නදස්සනෙන පහාතබ්බහෙතුකා ඛන්ධා, වත්ථුං පච්චයා විචිකිච්ඡාසහගතො මොහො. නදස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා, විචිකිච්ඡාසහගතං මොහං පච්චයා සම්පයුත්තකා ඛන්ධා. නදස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා උප්පජ්ජන්ති ආරම්මණපච්චයා – වත්ථුං පච්චයා විචිකිච්ඡාසහගතා ඛන්ධා ච මොහො ච. (3)

60. දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… විචිකිච්ඡාසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. (1)

දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පච්චයා නදස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො මොහො. (2)

දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා උප්පජ්ජන්ති ආරම්මණපච්චයා – විචිකිච්ඡාසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ච…පෙ… ද්වෙ ඛන්ධෙ ච…පෙ…. (3)