1. විභඞ්ගවාරො

හෙතුපච්චයො

47. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

දස්සනෙන පහාතබ්බහෙතුකං ධම්මං පටිච්ච නදස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං. (2)

දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා උප්පජ්ජන්ති හෙතුපච්චයා – දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

48. නදස්සනෙන පහාතබ්බහෙතුකං ධම්මං පටිච්ච නදස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – නදස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… විචිකිච්ඡාසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අජ්ඣත්තිකා මහාභූතා). (1)

නදස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – විචිකිච්ඡාසහගතං මොහං පටිච්ච සම්පයුත්තකා ඛන්ධා. (2)

නදස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා උප්පජ්ජන්ති හෙතුපච්චයා – විචිකිච්ඡාසහගතං මොහං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (3)

49. දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – විචිකිච්ඡාසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (1)

දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පටිච්ච නදස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, විචිකිච්ඡාසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (2)

දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පටිච්ච දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා උප්පජ්ජන්ති හෙතුපච්චයා – විචිකිච්ඡාසහගතං එකං ඛන්ධඤ්ච මොහඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ…. (3)

ආරම්මණපච්චයො

50. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

දස්සනෙන පහාතබ්බහෙතුකං ධම්මං පටිච්ච නදස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො. (2)

දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ච නදස්සනෙන පහාතබ්බහෙතුකො ච ධම්මා උප්පජ්ජන්ති ආරම්මණපච්චයා – විචිකිච්ඡාසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

51. නදස්සනෙන පහාතබ්බහෙතුකං ධම්මං පටිච්ච නදස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – නදස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

නදස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතං මොහං පටිච්ච සම්පයුත්තකා ඛන්ධා. (2)

දස්සනෙන පහාතබ්බහෙතුකඤ්ච නදස්සනෙන පහාතබ්බහෙතුකඤ්ච ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (1) (සංඛිත්තං.)

1. පච්චයානුලොමං

2. සඞ්ඛ්‍යාවාරො

52. හෙතුයා නව, ආරම්මණෙ ඡ, අධිපතියා පඤ්ච, අනන්තරෙ ඡ, සමනන්තරෙ ඡ, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ ඡ, පුරෙජාතෙ ඡ, ආසෙවනෙ ඡ, කම්මෙ නව, විපාකෙ එකං, ආහාරෙ නව, ඉන්ද්‍රියෙ නව, ඣානෙ නව, මග්ගෙ නව, සම්පයුත්තෙ ඡ, විප්පයුත්තෙ නව, අත්ථියා නව, නත්ථියා ඡ, විගතෙ ඡ, අවිගතෙ නව.