1. විභඞ්ගවාරො

හෙතුපච්චයො

36. භාවනාය පහාතබ්බො ධම්මො භාවනාය පහාතබ්බස්ස ධම්මස්ස හෙතුපච්චයෙන පච්චයො – භාවනාය පහාතබ්බා හෙතූ සම්පයුත්තකානං ඛන්ධානං හෙතුපච්චයෙන පච්චයො… තීණි.

නභාවනාය පහාතබ්බො ධම්මො නභාවනාය පහාතබ්බස්ස ධම්මස්ස හෙතුපච්චයෙන පච්චයො (සංඛිත්තං). (1)

ආරම්මණපච්චයො

37. භාවනාය පහාතබ්බො ධම්මො භාවනාය පහාතබ්බස්ස ධම්මස්ස ආරම්මණපච්චයෙන පච්චයො – භාවනාය පහාතබ්බං රාගං අස්සාදෙති අභිනන්දති, තං ආරබ්භ භාවනාය පහාතබ්බො රාගො උප්පජ්ජති, උද්ධච්චං උප්පජ්ජති; භාවනාය පහාතබ්බං දොමනස්සං උප්පජ්ජති; උද්ධච්චං ආරබ්භ උද්ධච්චං උප්පජ්ජති, භාවනාය පහාතබ්බං දොමනස්සං උප්පජ්ජති; භාවනාය පහාතබ්බං දොමනස්සං ආරබ්භ භාවනාය පහාතබ්බං දොමනස්සං උප්පජ්ජති, උද්ධච්චං උප්පජ්ජති. (1)

භාවනාය පහාතබ්බො ධම්මො නභාවනාය පහාතබ්බස්ස ධම්මස්ස ආරම්මණපච්චයෙන පච්චයො – අරියා භාවනාය පහාතබ්බෙ පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ සමුදාචිණ්ණෙ…පෙ… භාවනාය පහාතබ්බෙ ඛන්ධෙ අනිච්චතො…පෙ… විපස්සති අස්සාදෙති අභිනන්දති, තං ආරබ්භ නභාවනාය පහාතබ්බො රාගො උප්පජ්ජති, දිට්ඨි…පෙ… විචිකිච්ඡා…පෙ… නභාවනාය පහාතබ්බං දොමනස්සං උප්පජ්ජති; චෙතොපරියඤාණෙන භාවනාය පහාතබ්බචිත්තසමඞ්ගිස්ස චිත්තං ජානාති, භාවනාය පහාතබ්බා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

38. නභාවනාය පහාතබ්බො ධම්මො නභාවනාය පහාතබ්බස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති අස්සාදෙති අභිනන්දති, තං ආරබ්භ නභාවනාය පහාතබ්බො රාගො උප්පජ්ජති, දිට්ඨි…පෙ… විචිකිච්ඡා…පෙ… නභාවනාය පහාතබ්බං දොමනස්සං උප්පජ්ජති, පුබ්බෙ…පෙ… ඣානා…පෙ… අරියා මග්ගා වුට්ඨහිත්වා…පෙ… ඵලස්ස, ආවජ්ජනාය ආරම්මණපච්චයෙන පච්චයො; අරියා නභාවනාය පහාතබ්බෙ පහීනෙ කිලෙසෙ…පෙ… චක්ඛුං…පෙ… වත්ථුං නභාවනාය පහාතබ්බෙ ඛන්ධෙ අනිච්චතො…පෙ… විපස්සති අස්සාදෙති අභිනන්දති, තං ආරබ්භ නභාවනාය පහාතබ්බො රාගො උප්පජ්ජති, දිට්ඨි…පෙ… විචිකිච්ඡා…පෙ… නභාවනාය පහාතබ්බං දොමනස්සං උප්පජ්ජති; දිබ්බෙන චක්ඛුනා රූපං පස්සති…පෙ… යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

නභාවනාය පහාතබ්බො ධම්මො භාවනාය පහාතබ්බස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… ඣානං…පෙ… චක්ඛුං…පෙ… වත්ථුං නභාවනාය පහාතබ්බෙ ඛන්ධෙ අස්සාදෙති අභිනන්දති, තං ආරබ්භ භාවනාය පහාතබ්බො රාගො උප්පජ්ජති, උද්ධච්චං උප්පජ්ජති, භාවනාය පහාතබ්බං දොමනස්සං උප්පජ්ජති. (2)

අධිපතිපච්චයො

39. භාවනාය පහාතබ්බො ධම්මො භාවනාය පහාතබ්බස්ස ධම්මස්ස අධිපතිපච්චයෙන පච්චයො – ආරම්මණාධිපති සහජාතාධිපති. ආරම්මණාධිපති – භාවනාය පහාතබ්බං රාගං ගරුං කත්වා අස්සාදෙති අභිනන්දති, තං ගරුං කත්වා භාවනාය පහාතබ්බො රාගො උප්පජ්ජති. සහජාතාධිපති – භාවනාය පහාතබ්බාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

භාවනාය පහාතබ්බො ධම්මො නභාවනාය පහාතබ්බස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – භාවනාය පහාතබ්බං රාගං ගරුං කත්වා අස්සාදෙති අභිනන්දති, තං ගරුං කත්වා නභාවනාය පහාතබ්බො රාගො උප්පජ්ජති, දිට්ඨි උප්පජ්ජති. සහජාතාධිපති – භාවනාය පහාතබ්බාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

භාවනාය පහාතබ්බො ධම්මො භාවනාය පහාතබ්බස්ස ච නභාවනාය පහාතබ්බස්ස ච ධම්මස්ස අධිපතිපච්චයෙන පච්චයො. සහජාතාධිපති – භාවනාය පහාතබ්බාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

40. නභාවනාය පහාතබ්බො ධම්මො නභාවනාය පහාතබ්බස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති අස්සාදෙති අභිනන්දති, තං ගරුං කත්වා නභාවනාය පහාතබ්බො රාගො උප්පජ්ජති. සහජාතාධිපති – නභාවනාය පහාතබ්බාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

නභාවනාය පහාතබ්බො ධම්මො භාවනාය පහාතබ්බස්ස ධම්මස්ස අධිපතිපච්චයෙන පච්චයො. ආරම්මණාධිපති – දානං…පෙ… ඣානං…පෙ… චක්ඛුං…පෙ… වත්ථුං නභාවනාය පහාතබ්බෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා භාවනාය පහාතබ්බො රාගො උප්පජ්ජති. (2)

අනන්තරපච්චයාදි

41. භාවනාය පහාතබ්බො ධම්මො භාවනාය පහාතබ්බස්ස ධම්මස්ස අනන්තරපච්චයෙන පච්චයො… චත්තාරි (දස්සනදුකසදිසා භාවනා නින්නානාකරණා)… සමනන්තරපච්චයෙන පච්චයො… චත්තාරි… සහජාතපච්චයෙන පච්චයො… පඤ්ච… අඤ්ඤමඤ්ඤපච්චයෙන පච්චයො… ද්වෙ… නිස්සයපච්චයෙන පච්චයො… සත්ත.

උපනිස්සයපච්චයො

42. භාවනාය පහාතබ්බො ධම්මො භාවනාය පහාතබ්බස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – භාවනාය පහාතබ්බො රාගො… දොසො… මොහො… මානො… පත්ථනා භාවනාය පහාතබ්බස්ස රාගස්ස … දොසස්ස… මොහස්ස… මානස්ස… පත්ථනාය උපනිස්සයපච්චයෙන පච්චයො. (1)

භාවනාය පහාතබ්බො ධම්මො නභාවනාය පහාතබ්බස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – භාවනාය පහාතබ්බං රාගං උපනිස්සාය දානං දෙති…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති; භාවනාය පහාතබ්බං දොසං… මොහං… මානං… පත්ථනං උපනිස්සාය දානං දෙති…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති; භාවනාය පහාතබ්බො රාගො…පෙ… පත්ථනා සද්ධාය…පෙ… පඤ්ඤාය නභාවනාය පහාතබ්බස්ස, රාගස්ස… දොසස්ස… මොහස්ස… දිට්ඨියා… පත්ථනාය… කායිකස්ස සුඛස්ස… කායිකස්ස දුක්ඛස්ස… මග්ගස්ස… ඵලසමාපත්තියා උපනිස්සයපච්චයෙන පච්චයො. (2)

43. නභාවනාය පහාතබ්බො ධම්මො නභාවනාය පහාතබ්බස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… සමාපත්තිං උප්පාදෙති, දිට්ඨිං ගණ්හාති; සීලං…පෙ… පඤ්ඤං, නභාවනාය පහාතබ්බං රාගං… දොසං… මොහං… දිට්ඨිං… පත්ථනං… කායිකං සුඛං… කායිකං දුක්ඛං…පෙ… සෙනාසනං උපනිස්සාය දානං දෙති…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… පඤ්ඤාය නභාවනාය පහාතබ්බස්ස රාගස්ස… දොසස්ස… මොහස්ස… දිට්ඨියා… පත්ථනාය… කායිකස්ස සුඛස්ස… කායිකස්ස දුක්ඛස්ස… මග්ගස්ස… ඵලසමාපත්තියා උපනිස්සයපච්චයෙන පච්චයො. (1)

නභාවනාය පහාතබ්බො ධම්මො භාවනාය පහාතබ්බස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති…පෙ… සීලං…පෙ… පඤ්ඤං… රාගං…පෙ… කායිකං සුඛං… කායිකං දුක්ඛං… සෙනාසනං උපනිස්සාය මානං ජප්පෙති; සද්ධා…පෙ… සෙනාසනං භාවනාය පහාතබ්බස්ස රාගස්ස… දොසස්ස… මොහස්ස… මානස්ස… පත්ථනාය උපනිස්සයපච්චයෙන පච්චයො. (2)

පුරෙජාතපච්චයාදි

44. නභාවනාය පහාතබ්බො ධම්මො නභාවනාය පහාතබ්බස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… විපස්සති අස්සාදෙති අභිනන්දති, තං ආරබ්භ නභාවනාය පහාතබ්බො රාගො උප්පජ්ජති, දිට්ඨි උප්පජ්ජති, විචිකිච්ඡා උප්පජ්ජති; නභාවනාය පහාතබ්බං දොමනස්සං උප්පජ්ජති, දිබ්බෙන චක්ඛුනා රූපං පස්සති…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු නභාවනාය පහාතබ්බානං ඛන්ධානං පුරෙජාතපච්චයෙන පච්චයො. (1)

නභාවනාය පහාතබ්බො ධම්මො භාවනාය පහාතබ්බස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ භාවනාය පහාතබ්බො රාගො උප්පජ්ජති, උද්ධච්චං උප්පජ්ජති, භාවනාය පහාතබ්බං දොමනස්සං උප්පජ්ජති. වත්ථුපුරෙජාතං – වත්ථු භාවනාය පහාතබ්බානං ඛන්ධානං පුරෙජාතපච්චයෙන පච්චයො. (2)

45. පච්ඡාජාතපච්චයෙන පච්චයො… ද්වෙ, ආසෙවනපච්චයෙන පච්චයො… ද්වෙ, කම්මපච්චයෙන පච්චයො – භාවනාය පහාතබ්බා චෙතනා සම්පයුත්තකානං ඛන්ධානං කම්මපච්චයෙන පච්චයො. (මූලං කාතබ්බං.) භාවනාය පහාතබ්බා චෙතනා චිත්තසමුට්ඨානානං රූපානං කම්මපච්චයෙන පච්චයො. (මූලං කාතබ්බං.) භාවනාය පහාතබ්බා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

නභාවනාය පහාතබ්බො ධම්මො නභාවනාය පහාතබ්බස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නභාවනාය පහාතබ්බා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නභාවනාය පහාතබ්බා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො… විපාකපච්චයෙන පච්චයො… එකං…පෙ… අවිගතපච්චයෙන පච්චයො. (සබ්බපච්චයා දස්සනදුකසදිසා, භාවනා නින්නානාකරණා.)