1-6. පටිච්චවාරාදි

1-4. පච්චයානුලොමාදි

35. භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති හෙතුපච්චයා (යථා දස්සනදුකං, එවං විත්ථාරෙතබ්බං, නින්නානාකරණං).

හෙතුයා පඤ්ච…පෙ… අවිගතෙ පඤ්ච.

අනුලොමං.

භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ පටිච්ච උද්ධච්චසහගතො මොහො.

නභාවනාය පහාතබ්බං ධම්මං පටිච්ච නභාවනාය පහාතබ්බො ධම්මො උප්පජ්ජති නහෙතුපච්චයා – අහෙතුකං නභාවනාය පහාතබ්බං එකං ඛන්ධං…පෙ… (යාව අසඤ්ඤසත්තා) විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො (සංඛිත්තං).

නහෙතුයා ද්වෙ…පෙ… නොවිගතෙ තීණි.

පච්චනීයං.

(පච්චයවාරපච්චනීයෙ නහෙතුපච්චයෙ උද්ධච්චසහගතෙ තීණි, මොහො උද්ධරිතබ්බො. සබ්බෙපි වාරා දස්සනදුකසදිසා, උද්ධච්චපච්චනීයම්පි නානං.)