1. විභඞ්ගවාරො

හෙතුපච්චයො

5. දස්සනෙන පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති හෙතුපච්චයා… තීණි (පටිච්චසදිසා).

6. නදස්සනෙන පහාතබ්බං ධම්මං පච්චයා නදස්සනෙන පහාතබ්බො ධම්මො උප්පජ්ජති හෙතුපච්චයා – නදස්සනෙන පහාතබ්බං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (යාව අජ්ඣත්තිකා මහාභූතා) වත්ථුං පච්චයා නදස්සනෙන පහාතබ්බා ඛන්ධා. (1)

නදස්සනෙන පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති හෙතුපච්චයා – වත්ථුං පච්චයා දස්සනෙන පහාතබ්බා ඛන්ධා. (2)

නදස්සනෙන පහාතබ්බං ධම්මං පච්චයා දස්සනෙන පහාතබ්බො ච නදස්සනෙන පහාතබ්බො ච ධම්මා උප්පජ්ජන්ති හෙතුපච්චයා – වත්ථුං පච්චයා දස්සනෙන පහාතබ්බා ඛන්ධා, මහාභූතෙ පච්චයා චිත්තසමුට්ඨානං. (3)

7. දස්සනෙන පහාතබ්බඤ්ච නදස්සනෙන පහාතබ්බඤ්ච ධම්මං පච්චයා දස්සනෙන පහාතබ්බො ධම්මො උප්පජ්ජති හෙතුපච්චයා – දස්සනෙන පහාතබ්බං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. (1)

දස්සනෙන පහාතබ්බඤ්ච නදස්සනෙන පහාතබ්බඤ්ච ධම්මං පච්චයා නදස්සනෙන පහාතබ්බො ධම්මො උප්පජ්ජති හෙතුපච්චයා – දස්සනෙන පහාතබ්බෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)

දස්සනෙන පහාතබ්බඤ්ච නදස්සනෙන පහාතබ්බඤ්ච ධම්මං පච්චයා දස්සනෙන පහාතබ්බො ච නදස්සනෙන පහාතබ්බො ච ධම්මා උප්පජ්ජන්ති හෙතුපච්චයා – දස්සනෙන පහාතබ්බං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… දස්සනෙන පහාතබ්බෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)