1-7. පටිච්චවාරාදි
හෙතුපච්චයො
21. අකුසලං කිලෙසඤ්චෙව සංකිලෙසිකඤ්ච ධම්මං පටිච්ච අකුසලො කිලෙසො චෙව සංකිලෙසිකො ච ධම්මො උප්පජ්ජති හෙතුපච්චයා (සංඛිත්තං).
හෙතුයා එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
22. කුසලං සංකිලෙසිකඤ්චෙව නො ච කිලෙසං ධම්මං පටිච්ච කුසලො සංකිලෙසිකො චෙව නො ච කිලෙසො ධම්මො උප්පජ්ජති හෙතුපච්චයා… තීණි.
අකුසලං සංකිලෙසිකඤ්චෙව නො ච කිලෙසං ධම්මං පටිච්ච අකුසලො සංකිලෙසිකො චෙව නො ච කිලෙසො ධම්මො උප්පජ්ජති හෙතුපච්චයා… තීණි.
අබ්‍යාකතං සංකිලෙසිකඤ්චෙව නො ච කිලෙසං ධම්මං පටිච්ච අබ්‍යාකතො සංකිලෙසිකො චෙව නො ච කිලෙසො ධම්මො උප්පජ්ජති හෙතුපච්චයා.
කුසලං සංකිලෙසිකඤ්චෙව නො ච කිලෙසඤ්ච අබ්‍යාකතං සංකිලෙසිකඤ්චෙව නො ච කිලෙසඤ්ච ධම්මං පටිච්ච අබ්‍යාකතො සංකිලෙසිකො චෙව නො ච කිලෙසො ධම්මො උප්පජ්ජති හෙතුපච්චයා. (1)
අකුසලං සංකිලෙසිකඤ්චෙව නො ච කිලෙසඤ්ච අබ්‍යාකතං සංකිලෙසිකඤ්චෙව නො ච කිලෙසඤ්ච ධම්මං පටිච්ච අබ්‍යාකතො සංකිලෙසිකො චෙව නො ච කිලෙසො ධම්මො උප්පජ්ජති හෙතුපච්චයා (සංඛිත්තං).
23. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
24. කුසලො සංකිලෙසිකො චෙව නො ච කිලෙසො ධම්මො කුසලස්ස සංකිලෙසිකස්ස චෙව නො ච කිලෙසස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො සංකිලෙසිකො චෙව නො ච කිලෙසො ධම්මො අබ්‍යාකතස්ස සංකිලෙසිකස්ස චෙව නො ච කිලෙසස්ස ධම්මස්ස හෙතුපච්චයෙන පච්චයො. (1) (සංඛිත්තං.)
25. හෙතුයා චත්තාරි, ආරම්මණෙ නව, අධිපතියා නව…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).