1-7. පටිච්චවාරාදි
හෙතු-ආරම්මණපච්චයා
14. අකුසලං සංකිලිට්ඨං ධම්මං පටිච්ච අකුසලො සංකිලිට්ඨො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
15. කුසලං අසංකිලිට්ඨං ධම්මං පටිච්ච කුසලො අසංකිලිට්ඨො ධම්මො උප්පජ්ජති හෙතුපච්චයා. කුසලං අසංකිලිට්ඨං ධම්මං පටිච්ච අබ්‍යාකතො අසංකිලිට්ඨො ධම්මො උප්පජ්ජති හෙතුපච්චයා. කුසලං අසංකිලිට්ඨං ධම්මං පටිච්ච කුසලො අසංකිලිට්ඨො ච අබ්‍යාකතො අසංකිලිට්ඨො ච ධම්මා උප්පජ්ජන්ති හෙතුපච්චයා. (3)
අබ්‍යාකතං අසංකිලිට්ඨං ධම්මං පටිච්ච අබ්‍යාකතො අසංකිලිට්ඨො ධම්මො උප්පජ්ජති හෙතුපච්චයා. කුසලං අසංකිලිට්ඨඤ්ච අබ්‍යාකතං අසංකිලිට්ඨඤ්ච ධම්මං පටිච්ච අබ්‍යාකතො අසංකිලිට්ඨො ධම්මො උප්පජ්ජති හෙතුපච්චයා. (2)
16. කුසලං අසංකිලිට්ඨං ධම්මං පටිච්ච කුසලො අසංකිලිට්ඨො ධම්මො උප්පජ්ජති ආරම්මණපච්චයා. (1)
අබ්‍යාකතං අසංකිලිට්ඨං ධම්මං පටිච්ච අබ්‍යාකතො අසංකිලිට්ඨො ධම්මො උප්පජ්ජති ආරම්මණපච්චයා. (1) (සංඛිත්තං.)
17. හෙතුයා පඤ්ච, ආරම්මණෙ ද්වෙ, අධිපතියා පඤ්ච…පෙ… අවිගතෙ පඤ්ච (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
18. කුසලො අසංකිලිට්ඨො ධම්මො කුසලස්ස අසංකිලිට්ඨස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො අසංකිලිට්ඨො ධම්මො අබ්‍යාකතස්ස අසංකිලිට්ඨස්ස ධම්මස්ස හෙතුපච්චයෙන පච්චයො. (1)
කුසලො අසංකිලිට්ඨො ධම්මො කුසලස්ස අසංකිලිට්ඨස්ස ධම්මස්ස ආරම්මණපච්චයෙන පච්චයො… ද්වෙ.
අබ්‍යාකතො අසංකිලිට්ඨො ධම්මො අබ්‍යාකතස්ස අසංකිලිට්ඨස්ස ධම්මස්ස ආරම්මණපච්චයෙන පච්චයො… ද්වෙ (සංඛිත්තං).
19. හෙතුයා චත්තාරි, ආරම්මණෙ චත්තාරි, අධිපතියා පඤ්ච, අනන්තරෙ චත්තාරි…පෙ… උපනිස්සයෙ චත්තාරි…පෙ… අවිගතෙ සත්ත (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).