1-7. පටිච්චවාරාදි
පච්චයචතුක්කං
6. කුසලං සංකිලෙසිකං ධම්මං පටිච්ච කුසලො සංකිලෙසිකො ධම්මො උප්පජ්ජති හෙතුපච්චයා… තීණි.
අකුසලං සංකිලෙසිකං ධම්මං පටිච්ච අකුසලො සංකිලෙසිකො ධම්මො උප්පජ්ජති හෙතුපච්චයා… තීණි.
අබ්‍යාකතං සංකිලෙසිකං ධම්මං පටිච්ච අබ්‍යාකතො සංකිලෙසිකො ධම්මො උප්පජ්ජති හෙතුපච්චයා. (1)
කුසලං සංකිලෙසිකඤ්ච අබ්‍යාකතං සංකිලෙසිකඤ්ච ධම්මං පටිච්ච අබ්‍යාකතො සංකිලෙසිකො ධම්මො උප්පජ්ජති හෙතුපච්චයා. (1)
අකුසලං සංකිලෙසිකඤ්ච අබ්‍යාකතං සංකිලෙසිකඤ්ච ධම්මං පටිච්ච අබ්‍යාකතො සංකිලෙසිකො ධම්මො උප්පජ්ජති හෙතුපච්චයා. (1)
7. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං. සහජාතවාරම්පි…පෙ… සම්පයුත්තවාරම්පි විත්ථාරෙතබ්බං).
8. කුසලො සංකිලෙසිකො ධම්මො අකුසලස්ස සංකිලෙසිකස්ස ධම්මස්ස හෙතුපච්චයෙන පච්චයො… තීණි.
අකුසලො සංකිලෙසිකො ධම්මො අකුසලස්ස සංකිලෙසිකස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො සංකිලෙසිකො ධම්මො අබ්‍යාකතස්ස සංකිලෙසිකස්ස ධම්මස්ස හෙතුපච්චයෙන පච්චයො. (1) (සංඛිත්තං.)
9. හෙතුයා සත්ත, ආරම්මණෙ නව, අධිපතියා නව…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).
10. කුසලං අසංකිලෙසිකං ධම්මං පටිච්ච කුසලො අසංකිලෙසිකො ධම්මො උප්පජ්ජති හෙතුපච්චයා. (1)
අබ්‍යාකතං අසංකිලෙසිකං ධම්මං පටිච්ච අබ්‍යාකතො අසංකිලෙසිකො ධම්මො උප්පජ්ජති හෙතුපච්චයා. (1) (සංඛිත්තං.)
11. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
12. කුසලො අසංකිලෙසිකො ධම්මො කුසලස්ස අසංකිලෙසිකස්ස ධම්මස්ස හෙතුපච්චයෙන පච්චයො. (1)
අබ්‍යාකතො අසංකිලෙසිකො ධම්මො අබ්‍යාකතස්ස අසංකිලෙසිකස්ස ධම්මස්ස හෙතුපච්චයෙන පච්චයො. (1)
අබ්‍යාකතො අසංකිලෙසිකො ධම්මො අබ්‍යාකතස්ස අසංකිලෙසිකස්ස ධම්මස්ස ආරම්මණපච්චයෙන පච්චයො. අබ්‍යාකතො අසංකිලෙසිකො ධම්මො කුසලස්ස අසංකිලෙසිකස්ස ධම්මස්ස ආරම්මණපච්චයෙන පච්චයො. (2) (සංඛිත්තං.)
13. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ…පෙ… උපනිස්සයෙ චත්තාරි…පෙ… අවිගතෙ ද්වෙ (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).