1-7. පටිච්චවාරාදි
හෙතුපච්චයො
30. කුසලං කිලෙසවිප්පයුත්තං සංකිලෙසිකං ධම්මං පටිච්ච කුසලො කිලෙසවිප්පයුත්තො සංකිලෙසිකො ධම්මො උප්පජ්ජති හෙතුපච්චයා. කුසලං කිලෙසවිප්පයුත්තං සංකිලෙසිකං ධම්මං පටිච්ච අබ්‍යාකතො කිලෙසවිප්පයුත්තො සංකිලෙසිකො ධම්මො උප්පජ්ජති හෙතුපච්චයා. කුසලං කිලෙසවිප්පයුත්තං සංකිලෙසිකං ධම්මං පටිච්ච කුසලො කිලෙසවිප්පයුත්තො සංකිලෙසිකො ච අබ්‍යාකතො කිලෙසවිප්පයුත්තො සංකිලෙසිකො ච ධම්මා උප්පජ්ජන්ති හෙතුපච්චයා. (3)
අබ්‍යාකතං කිලෙසවිප්පයුත්තං සංකිලෙසිකං ධම්මං පටිච්ච අබ්‍යාකතො කිලෙසවිප්පයුත්තො සංකිලෙසිකො ධම්මො උප්පජ්ජති හෙතුපච්චයා. (1)
කුසලං කිලෙසවිප්පයුත්තං සංකිලෙසිකඤ්ච අබ්‍යාකතං කිලෙසවිප්පයුත්තං සංකිලෙසිකඤ්ච ධම්මං පටිච්ච අබ්‍යාකතො කිලෙසවිප්පයුත්තො සංකිලෙසිකො ධම්මො උප්පජ්ජති හෙතුපච්චයා. (1) (සංඛිත්තං.)
31. හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
32. කුසලො කිලෙසවිප්පයුත්තො සංකිලෙසිකො ධම්මො කුසලස්ස කිලෙසවිප්පයුත්තස්ස සංකිලෙසිකස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො කිලෙසවිප්පයුත්තො සංකිලෙසිකො ධම්මො අබ්‍යාකතස්ස කිලෙසවිප්පයුත්තස්ස සංකිලෙසිකස්ස ධම්මස්ස හෙතුපච්චයෙන පච්චයො. (1) (සංඛිත්තං.)
33. හෙතුයා චත්තාරි, ආරම්මණෙ චත්තාරි…පෙ… අවිගතෙ සත්ත (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).
34. කුසලං කිලෙසවිප්පයුත්තං අසංකිලෙසිකං ධම්මං පටිච්ච කුසලො කිලෙසවිප්පයුත්තො අසංකිලෙසිකො ධම්මො උප්පජ්ජති හෙතුපච්චයා.
අබ්‍යාකතං කිලෙසවිප්පයුත්තං අසංකිලෙසිකං ධම්මං පටිච්ච අබ්‍යාකතො කිලෙසවිප්පයුත්තො අසංකිලෙසිකො ධම්මො උප්පජ්ජති හෙතුපච්චයා.
හෙතුයා ද්වෙ…පෙ… අවිගතෙ ද්වෙ (සංඛිත්තං. සහජාතවාරම්පි …පෙ… සම්පයුත්තවාරම්පි පටිච්චවාරසදිසං).
35. කුසලො කිලෙසවිප්පයුත්තො අසංකිලෙසිකො ධම්මො කුසලස්ස කිලෙසවිප්පයුත්තස්ස අසංකිලෙසිකස්ස ධම්මස්ස හෙතුපච්චයෙන පච්චයො. (1)
අබ්‍යාකතො කිලෙසවිප්පයුත්තො අසංකිලෙසිකො ධම්මො අබ්‍යාකතස්ස කිලෙසවිප්පයුත්තස්ස අසංකිලෙසිකස්ස ධම්මස්ස හෙතුපච්චයෙන පච්චයො. (1) (සංඛිත්තං.)
36. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ…පෙ… උපනිස්සයෙ චත්තාරි…පෙ… අවිගතෙ ද්වෙ (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).
කුසලත්තිකකිලෙසගොච්ඡකං නිට්ඨිතං.