1-7. පටිච්චවාරාදි
පච්චයචතුක්කං
1. අකුසලං කිලෙසං ධම්මං පටිච්ච අකුසලො කිලෙසො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
2. කුසලං නොකිලෙසං ධම්මං පටිච්ච කුසලො නොකිලෙසො ධම්මො උප්පජ්ජති හෙතුපච්චයා… තීණි.
අකුසලං නොකිලෙසං ධම්මං පටිච්ච අකුසලො නොකිලෙසො ධම්මො උප්පජ්ජති හෙතුපච්චයා… තීණි.
අබ්‍යාකතං නොකිලෙසං ධම්මං පටිච්ච අබ්‍යාකතො නොකිලෙසො ධම්මො උප්පජ්ජති හෙතුපච්චයා. (1)
කුසලං නොකිලෙසඤ්ච අබ්‍යාකතං නොකිලෙසඤ්ච ධම්මං පටිච්ච අබ්‍යාකතො නොකිලෙසො ධම්මො උප්පජ්ජති හෙතුපච්චයා. (1)
අකුසලං නොකිලෙසඤ්ච අබ්‍යාකතං නොකිලෙසඤ්ච ධම්මං පටිච්ච අබ්‍යාකතො නොකිලෙසො ධම්මො උප්පජ්ජති හෙතුපච්චයා. (1) (සංඛිත්තං.)
3. හෙතුයා නව, ආරම්මණෙ තීණි, අධිපතියා නව…පෙ… අවිගතෙ නව (සංඛිත්තං. සහජාතවාරම්පි …පෙ… සම්පයුත්තවාරම්පි පටිච්චවාරසදිසං).
4. කුසලො නොකිලෙසො ධම්මො කුසලස්ස නොකිලෙසස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො නොකිලෙසො ධම්මො අබ්‍යාකතස්ස නොකිලෙසස්ස ධම්මස්ස හෙතුපච්චයෙන පච්චයො. (1) (සංඛිත්තං.)
5. හෙතුයා චත්තාරි, ආරම්මණෙ නව…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).