1-7. පටිච්චවාරාදි

පච්චයචතුක්කං

1. කුසලං සාරම්මණං ධම්මං පටිච්ච කුසලො සාරම්මණො ධම්මො උප්පජ්ජති හෙතුපච්චයා. (1)

අකුසලං සාරම්මණං ධම්මං පටිච්ච අකුසලො සාරම්මණො ධම්මො උප්පජ්ජති හෙතුපච්චයා. (1)

අබ්‍යාකතං සාරම්මණං ධම්මං පටිච්ච අබ්‍යාකතො සාරම්මණො ධම්මො උප්පජ්ජති හෙතුපච්චයා. (1) (සංඛිත්තං.)

2. හෙතුයා තීණි, ආරම්මණෙ තීණි…පෙ… අවිගතෙ තීණි (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).

හෙතු-ආරම්මණපච්චයා

3. කුසලො සාරම්මණො ධම්මො කුසලස්ස සාරම්මණස්ස ධම්මස්ස හෙතුපච්චයෙන පච්චයො. (1)

අකුසලො සාරම්මණො ධම්මො අකුසලස්ස සාරම්මණස්ස ධම්මස්ස හෙතුපච්චයෙන පච්චයො. (1)

අබ්‍යාකතො සාරම්මණො ධම්මො අබ්‍යාකතස්ස සාරම්මණස්ස ධම්මස්ස හෙතුපච්චයෙන පච්චයො. (1)

කුසලො සාරම්මණො ධම්මො කුසලස්ස සාරම්මණස්ස ධම්මස්ස ආරම්මණපච්චයෙන පච්චයො (සංඛිත්තං).

4. හෙතුයා තීණි, ආරම්මණෙ නව, අධිපතියා සත්ත…පෙ… අවිගතෙ තීණි (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

හෙතුසහජාතපච්චයාදි

5. අබ්‍යාකතං අනාරම්මණං ධම්මං පටිච්ච අබ්‍යාකතො අනාරම්මණො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං…පෙ… අවිගතෙ එකං (සංඛිත්තං).

නහෙතුයා එකං…පෙ… (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

6. අබ්‍යාකතො අනාරම්මණො ධම්මො අබ්‍යාකතස්ස අනාරම්මණස්ස ධම්මස්ස සහජාතපච්චයෙන පච්චයො… අඤ්ඤමඤ්ඤපච්චයෙන පච්චයො… නිස්සයපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො… අත්ථිපච්චයෙන පච්චයො… අවිගතපච්චයෙන පච්චයො (සබ්බත්ථ එකං. සංඛිත්තං.)