1-7. පටිච්චවාරාදි
පච්චයචතුක්කං
24. අකුසලං ආසවඤ්චෙව ආසවසම්පයුත්තඤ්ච ධම්මං පටිච්ච අකුසලො ආසවො චෙව ආසවසම්පයුත්තො ච ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… සම්පයුත්තවාරෙපි පඤ්හාවාරෙපි සබ්බත්ථ එකං).
25. අකුසලං ආසවසම්පයුත්තඤ්චෙව නො ච ආසවං ධම්මං පටිච්ච අකුසලො ආසවසම්පයුත්තො චෙව නො ච ආසවො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… සම්පයුත්තවාරෙපි පඤ්හාවාරෙපි සබ්බත්ථ එකං.)
26. කුසලං ආසවවිප්පයුත්තං සාසවං ධම්මං පටිච්ච කුසලො ආසවවිප්පයුත්තො සාසවො ධම්මො උප්පජ්ජති හෙතුපච්චයා… තීණි.
අකුසලං ආසවවිප්පයුත්තං සාසවං ධම්මං පටිච්ච අබ්‍යාකතො ආසවවිප්පයුත්තො සාසවො ධම්මො උප්පජ්ජති හෙතුපච්චයා. (1)
අබ්‍යාකතං ආසවවිප්පයුත්තං සාසවං ධම්මං පටිච්ච අබ්‍යාකතො ආසවවිප්පයුත්තො සාසවො ධම්මො උප්පජ්ජති හෙතුපච්චයා. (1)
කුසලං ආසවවිප්පයුත්තං සාසවඤ්ච අබ්‍යාකතං ආසවවිප්පයුත්තං සාසවඤ්ච ධම්මං පටිච්ච අබ්‍යාකතො ආසවවිප්පයුත්තො සාසවො ධම්මො උප්පජ්ජති හෙතුපච්චයා. (1)
අකුසලං ආසවවිප්පයුත්තං සාසවඤ්ච අබ්‍යාකතං ආසවවිප්පයුත්තං සාසවඤ්ච ධම්මං පටිච්ච අබ්‍යාකතො ආසවවිප්පයුත්තො සාසවො ධම්මො උප්පජ්ජති හෙතුපච්චයා. (1) (සංඛිත්තං.)
27. හෙතුයා සත්ත, ආරම්මණෙ ද්වෙ…පෙ… අවිගතෙ සත්ත (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
28. කුසලො ආසවවිප්පයුත්තො සාසවො ධම්මො කුසලස්ස ආසවවිප්පයුත්තස්ස සාසවස්ස ධම්මස්ස හෙතුපච්චයෙන පච්චයො… තීණි.
අකුසලො ආසවවිප්පයුත්තො සාසවො ධම්මො අබ්‍යාකතස්ස ආසවවිප්පයුත්තස්ස සාසවස්ස ධම්මස්ස හෙතුපච්චයෙන පච්චයො. (1)
අබ්‍යාකතො ආසවවිප්පයුත්තො සාසවො ධම්මො අබ්‍යාකතස්ස ආසවවිප්පයුත්තස්ස සාසවස්ස ධම්මස්ස හෙතුපච්චයෙන පච්චයො (සංඛිත්තං).
29. හෙතුයා පඤ්ච, ආරම්මණෙ නව, අධිපතියා චත්තාරි…පෙ… අවිගතෙ දස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).