1-7. පටිච්චවාරාදි
පච්චයචතුක්කං
හෙතුපච්චයො
19. අකුසලං ආසවඤ්චෙව සාසවඤ්ච ධම්මං පටිච්ච අකුසලො ආසවො චෙව සාසවො ච ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… සම්පයුත්තවාරෙපි පඤ්හාවාරෙපි සබ්බත්ථ එකං).
20. කුසලං සාසවඤ්චෙව නො ච ආසවං ධම්මං පටිච්ච කුසලො සාසවො චෙව නො ච ආසවො ධම්මො උප්පජ්ජති හෙතුපච්චයා… තීණි.
අකුසලං සාසවඤ්චෙව නො ච ආසවං ධම්මං පටිච්ච අකුසලො සාසවො චෙව නො ච ආසවො ධම්මො උප්පජ්ජති හෙතුපච්චයා… තීණි.
අබ්‍යාකතං සාසවඤ්චෙව නො ච ආසවං ධම්මං පටිච්ච අබ්‍යාකතො සාසවො චෙව නො ච ආසවො ධම්මො උප්පජ්ජති හෙතුපච්චයා. (1)
කුසලං සාසවඤ්චෙව නො ච ආසවඤ්ච අබ්‍යාකතං සාසවඤ්චෙව නො ච ආසවඤ්ච ධම්මං පටිච්ච අබ්‍යාකතො සාසවො චෙව නො ච ආසවො ධම්මො උප්පජ්ජති හෙතුපච්චයා. (1)
අකුසලං සාසවඤ්චෙව නො ච ආසවඤ්ච අබ්‍යාකතං සාසවඤ්චෙව නො ච ආසවඤ්ච ධම්මං පටිච්ච අබ්‍යාකතො සාසවො චෙව නො ච ආසවො ධම්මො උප්පජ්ජති හෙතුපච්චයා. (1) (සංඛිත්තං.)
21. හෙතුයා නව, ආරම්මණෙ තීණි, අධිපතියා නව…පෙ… අවිගතෙ නව (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
22. කුසලො සාසවො චෙව නො ච ආසවො ධම්මො කුසලස්ස සාසවස්ස චෙව නො ච ආසවස්ස ධම්මස්ස හෙතුපච්චයෙන පච්චයො… තීණි.
අකුසලො සාසවො චෙව නො ච ආසවො ධම්මො අකුසලස්ස සාසවස්ස චෙව නො ච ආසවස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො සාසවො චෙව නො ච ආසවො ධම්මො අබ්‍යාකතස්ස සාසවස්ස චෙව නො ච ආසවස්ස ධම්මස්ස හෙතුපච්චයෙන පච්චයො. (1) (සංඛිත්තං.)
23. හෙතුයා සත්ත, ආරම්මණෙ නව, අධිපතියා නව…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).