1-7. පටිච්චවාරාදි
පච්චයචතුක්කං
හෙතුපච්චයො
14. අකුසලං ආසවසම්පයුත්තං ධම්මං පටිච්ච අකුසලො ආසවසම්පයුත්තො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආමම්මණෙ එකං (සංඛිත්තං).
(සහජාතවාරෙපි…පෙ… සම්පයුත්තවාරෙපි පඤ්හාවාරෙපි සබ්බත්ථ එකං.)
15. කුසලං ආසවවිප්පයුත්තං ධම්මං පටිච්ච කුසලො ආසවවිප්පයුත්තො ධම්මො උප්පජ්ජති හෙතුපච්චයා. කුසලං ආසවවිප්පයුත්තං ධම්මං පටිච්ච අබ්‍යාකතො ආසවවිප්පයුත්තො ධම්මො උප්පජ්ජති හෙතුපච්චයා. කුසලං ආසවවිප්පයුත්තං ධම්මං පටිච්ච කුසලො ආසවවිප්පයුත්තො ච අබ්‍යාකතො ආසවවිප්පයුත්තො ච ධම්මා උප්පජ්ජන්ති හෙතුපච්චයා. (3)
අකුසලං ආසවවිප්පයුත්තං ධම්මං පටිච්ච අබ්‍යාකතො ආසවවිප්පයුත්තො ධම්මො උප්පජ්ජති හෙතුපච්චයා. (1)
අබ්‍යාකතං ආසවවිප්පයුත්තං ධම්මං පටිච්ච අබ්‍යාකතො ආසවවිප්පයුත්තො ධම්මො උප්පජ්ජති හෙතුපච්චයා. (1)
කුසලං ආසවවිප්පයුත්තඤ්ච අබ්‍යාකතං ආසවවිප්පයුත්තඤ්ච ධම්මං පටිච්ච අබ්‍යාකතො ආසවවිප්පයුත්තො ධම්මො උප්පජ්ජති හෙතුපච්චයා. (1)
අකුසලං ආසවවිප්පයුත්තඤ්ච අබ්‍යාකතං ආසවවිප්පයුත්තඤ්ච ධම්මං පටිච්ච අබ්‍යාකතො ආසවවිප්පයුත්තො ධම්මො උප්පජ්ජති හෙතුපච්චයා (සංඛිත්තං).
16. හෙතුයා සත්ත, ආරම්මණෙ ද්වෙ, අධිපතියා සත්ත…පෙ… අවිගතෙ සත්ත (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
17. කුසලො ආසවවිප්පයුත්තො ධම්මො කුසලස්ස ආසවවිප්පයුත්තස්ස ධම්මස්ස හෙතුපච්චයෙන පච්චයො… තීණි.
අකුසලො ආසවවිප්පයුත්තො ධම්මො අබ්‍යාකතස්ස ආසවවිප්පයුත්තස්ස ධම්මස්ස හෙතුපච්චයෙන පච්චයො. (1)
අබ්‍යාකතො ආසවවිප්පයුත්තො ධම්මො අබ්‍යාකතස්ස ආසවවිප්පයුත්තස්ස ධම්මස්ස හෙතුපච්චයෙන පච්චයො. (1) (සංඛිත්තං.)
18. හෙතුයා පඤ්ච, ආරම්මණෙ නව, අධිපතියා පඤ්ච…පෙ… අවිගතෙ දස (සංඛිත්තං.)
(යථා කුසලත්තිකෙ පඤ්හාවාරං, එවං විත්ථාරෙතබ්බං.)