1-7. පටිච්චවාරාදි
පච්චයචතුක්කං
හෙතුපච්චයො
30. කුසලං ආසවවිප්පයුත්තං අනාසවං ධම්මං පටිච්ච කුසලො ආසවවිප්පයුත්තො අනාසවො ධම්මො උප්පජ්ජති හෙතුපච්චයා. (1)
අබ්‍යාකතං ආසවවිප්පයුත්තං අනාසවං ධම්මං පටිච්ච අබ්‍යාකතො ආසවවිප්පයුත්තො අනාසවො ධම්මො උප්පජ්ජති හෙතුපච්චයා (සංඛිත්තං).
31. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
හෙතුආරම්මණපච්චයාදි
32. කුසලො ආසවවිප්පයුත්තො අනාසවො ධම්මො කුසලස්ස ආසවවිප්පයුත්තස්ස අනාසවස්ස ධම්මස්ස හෙතුපච්චයෙන පච්චයො. (1)
අබ්‍යාකතො ආසවවිප්පයුත්තො අනාසවො ධම්මො අබ්‍යාකතස්ස ආසවවිප්පයුත්තස්ස අනාසවස්ස ධම්මස්ස හෙතුපච්චයෙන පච්චයො. (1)
අබ්‍යාකතො ආසවවිප්පයුත්තො අනාසවො ධම්මො අබ්‍යාකතස්ස ආසවවිප්පයුත්තස්ස අනාසවස්ස ධම්මස්ස ආරම්මණපච්චයෙන පච්චයො. (1)
අබ්‍යාකතො ආසවවිප්පයුත්තො අනාසවො ධම්මො කුසලස්ස ආසවවිප්පයුත්තස්ස අනාසවස්ස ධම්මස්ස ආරම්මණපච්චයෙන පච්චයො. (1)
කුසලො ආසවවිප්පයුත්තො අනාසවො ධම්මො කුසලස්ස ආසවවිප්පයුත්තස්ස අනාසවස්ස ධම්මස්ස අධිපතිපච්චයෙන පච්චයො. (1)
අබ්‍යාකතො ආසවවිප්පයුත්තො අනාසවො ධම්මො අබ්‍යාකතස්ස ආසවවිප්පයුත්තස්ස අනාසවස්ස ධම්මස්ස අධිපතිපච්චයෙන පච්චයො. (1)
අබ්‍යාකතො ආසවවිප්පයුත්තො අනාසවො ධම්මො කුසලස්ස ආසවවිප්පයුත්තස්ස අනාසවස්ස ධම්මස්ස අධිපතිපච්චයෙන පච්චයො. (1)
කුසලො ආසවවිප්පයුත්තො අනාසවො ධම්මො අබ්‍යාකතස්ස ආසවවිප්පයුත්තස්ස අනාසවස්ස ධම්මස්ස අනන්තරපච්චයෙන පච්චයො. (1)
අබ්‍යාකතො ආසවවිප්පයුත්තො අනාසවො ධම්මො අබ්‍යාකතස්ස ආසවවිප්පයුත්තස්ස අනාසවස්ස ධම්මස්ස අනන්තරපච්චයෙන පච්චයො. (1) (සංඛිත්තං.)
33. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ චත්තාරි…පෙ… අවිගතෙ ද්වෙ (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)
කුසලත්තිකආසවගොච්ඡකං නිට්ඨිතං.
1-20-54. කුසලත්තික-සඤ්ඤොජනාදිදුකානි
34. අකුසලං සඤ්ඤොජනං ධම්මං පටිච්ච…පෙ… අකුසලං ගන්ථං… ඔඝං… යොගං… නීවරණං….
කුසලං නොපරාමාසං ධම්මං පටිච්ච කුසලො නොපරාමාසො ධම්මො උප්පජ්ජති හෙතුපච්චයා. (ආසවගොච්ඡකසදිසං.) දිට්ඨිං පටිච්ච දිට්ඨි න උප්පජ්ජති.
කුසලත්තිකෙ ඡ ගොච්ඡකං නිට්ඨිතං.