1-7. පටිච්චවාරාදි
පච්චයචතුක්කං
හෙතුපච්චයො
1. අකුසලං ආසවං ධම්මං පටිච්ච අකුසලො ආසවො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… සම්පයුත්තවාරෙපි පඤ්හාවාරෙපි සබ්බත්ථ එකං).
2. කුසලං නොආසවං ධම්මං පටිච්ච කුසලො නොආසවො ධම්මො උප්පජ්ජති හෙතුපච්චයා. කුසලං නොආසවං ධම්මං පටිච්ච අබ්‍යාකතො නොආසවො ධම්මො උප්පජ්ජති හෙතුපච්චයා. කුසලං නොආසවං ධම්මං පටිච්ච කුසලො නොආසවො ච අබ්‍යාකතො නොආසවො ච ධම්මා උප්පජ්ජන්ති හෙතුපච්චයා. (3)
අකුසලං නොආසවං ධම්මං පටිච්ච අකුසලො නොආසවො ධම්මො උප්පජ්ජති හෙතුපච්චයා… තීණි.
අබ්‍යාකතං නොආසවං ධම්මං පටිච්ච අබ්‍යාකතො නොආසවො ධම්මො උප්පජ්ජති හෙතුපච්චයා. (1)
කුසලං නොආසවඤ්ච අබ්‍යාකතං නොආසවඤ්ච ධම්මං පටිච්ච අබ්‍යාකතො නොආසවො ධම්මො උප්පජ්ජති හෙතුපච්චයා. (1)
අකුසලං නොආසවඤ්ච අබ්‍යාකතං නොආසවඤ්ච ධම්මං පටිච්ච අබ්‍යාකතො නොආසවො ධම්මො උප්පජ්ජති හෙතුපච්චයා. (1)
ආරම්මණපච්චයො
3. කුසලං නොආසවං ධම්මං පටිච්ච කුසලො නොආසවො ධම්මො උප්පජ්ජති ආරම්මණපච්චයා. (1)
අකුසලං නොආසවං ධම්මං පටිච්ච අකුසලො නොආසවො ධම්මො උප්පජ්ජති ආරම්මණපච්චයා. (1)
අබ්‍යාකතං නොආසවං ධම්මං පටිච්ච අබ්‍යාකතො නොආසවො ධම්මො උප්පජ්ජති ආරම්මණපච්චයා. (1) (සංඛිත්තං.)
4. හෙතුයා නව, ආරම්මණෙ තීණි, අධිපතියා නව…පෙ… අවිගතෙ නව (සංඛිත්තං).
නහෙතුයා එකං, නආරම්මණෙ පඤ්ච, නඅධිපතියා නව…පෙ… නොවිගතෙ පඤ්ච (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
හෙතු-ආරම්මණපච්චයා
5. කුසලො නොආසවො ධම්මො කුසලස්ස නොආසවස්ස ධම්මස්ස හෙතුපච්චයෙන පච්චයො… තීණි.
අකුසලො නොආසවො ධම්මො අකුසලස්ස නොආසවස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො නොආසවො ධම්මො අබ්‍යාකතස්ස නොආසවස්ස ධම්මස්ස හෙතුපච්චයෙන පච්චයො. (1)
කුසලො නොආසවො ධම්මො කුසලස්ස නොආසවස්ස ධම්මස්ස ආරම්මණපච්චයෙන පච්චයො (සංඛිත්තං).
6. හෙතුයා සත්ත, ආරම්මණෙ නව, අධිපතියා දස…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).