1-7. පටිච්චවාරාදි
පච්චයචතුක්කං
හෙතුපච්චයො
244. කුසලං සහෙතුකං ධම්මං පටිච්ච කුසලො සහෙතුකො ධම්මො උප්පජ්ජති හෙතුපච්චයා. (1)
අකුසලං සහෙතුකං ධම්මං පටිච්ච අකුසලො සහෙතුකො ධම්මො උප්පජ්ජති හෙතුපච්චයා. (1)
අබ්‍යාකතං සහෙතුකං ධම්මං පටිච්ච අබ්‍යාකතො සහෙතුකො ධම්මො උප්පජ්ජති හෙතුපච්චයා. (1) (සංඛිත්තං.)
245. හෙතුයා තීණි…පෙ… අවිගතෙ තීණි (සංඛිත්තං).
නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නවිප්පයුත්තෙ තීණි.
හෙතුපච්චයා නඅධිපතියා තීණි (සංඛිත්තං).
නඅධිපතිපච්චයා හෙතුයා තීණි (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
හෙතු-ආරම්මණපච්චයා
246. කුසලො සහෙතුකො ධම්මො කුසලස්ස සහෙතුකස්ස ධම්මස්ස හෙතුපච්චයෙන පච්චයො. (1)
අකුසලො සහෙතුකො ධම්මො අකුසලස්ස සහෙතුකස්ස ධම්මස්ස හෙතුපච්චයෙන පච්චයො. (1)
අබ්‍යාකතො සහෙතුකො ධම්මො අබ්‍යාකතස්ස සහෙතුකස්ස ධම්මස්ස හෙතුපච්චයෙන පච්චයො. (1)
කුසලො සහෙතුකො ධම්මො කුසලස්ස සහෙතුකස්ස ධම්මස්ස ආරම්මණපච්චයෙන පච්චයො. කුසලො සහෙතුකො ධම්මො අකුසලස්ස සහෙතුකස්ස ධම්මස්ස ආරම්මණපච්චයෙන පච්චයො. කුසලො සහෙතුකො ධම්මො අබ්‍යාකතස්ස සහෙතුකස්ස ධම්මස්ස ආරම්මණපච්චයෙන පච්චයො. (3)
අකුසලො සහෙතුකො ධම්මො අකුසලස්ස සහෙතුකස්ස ධම්මස්ස ආරම්මණපච්චයෙන පච්චයො… තීණි. (3)
අබ්‍යාකතො සහෙතුකො ධම්මො අබ්‍යාකතස්ස සහෙතුකස්ස ධම්මස්ස ආරම්මණපච්චයෙන පච්චයො… තීණි. (3)
කුසලො සහෙතුකො ධම්මො කුසලස්ස සහෙතුකස්ස ධම්මස්ස අධිපතිපච්චයෙන පච්චයො (සංඛිත්තං).
247. හෙතුයා තීණි, ආරම්මණෙ නව, අධිපතියා සත්ත, අනන්තරෙ පඤ්ච, සමනන්තරෙ පඤ්ච, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව…පෙ… අවිගතෙ තීණි (සංඛිත්තං).
නහෙතුයා නව, නආරම්මණෙ නව (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)