1-6. පටිච්චවාරාදි

පච්චයචතුක්කං

25. සුඛාය වෙදනාය සම්පයුත්තං හෙතුං ධම්මං පටිච්ච සුඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා. (1)

දුක්ඛාය වෙදනාය සම්පයුත්තං හෙතුං ධම්මං පටිච්ච දුක්ඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා. (1)

අදුක්ඛමසුඛාය වෙදනාය සම්පයුත්තං හෙතුං ධම්මං පටිච්ච අදුක්ඛමසුඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා. (1) (සංඛිත්තං.)

26. හෙතුයා තීණි, ආරම්මණෙ තීණි, අධිපතියා තීණි…පෙ… විපාකෙ ද්වෙ…පෙ… අවිගතෙ තීණි (සංඛිත්තං).

නඅධිපතියා තීණි, නපුරෙජාතෙ ද්වෙ, නපච්ඡාජාතෙ තීණි, නආසෙවනෙ තීණි, නවිපාකෙ තීණි, නවිප්පයුත්තෙ ද්වෙ (සංඛිත්තං).

හෙතුපච්චයා නඅධිපතියා තීණි (සංඛිත්තං).

නඅධිපතිපච්චයා හෙතුයා තීණි (සංඛිත්තං).

(සහජාතවාරම්පි…පෙ… සම්පයුත්තවාරම්පි විත්ථාරෙතබ්බං.)

හෙතු-ආරම්මණපච්චයා

27. සුඛාය වෙදනාය සම්පයුත්තො හෙතු ධම්මො සුඛාය වෙදනාය සම්පයුත්තස්ස හෙතුස්ස ධම්මස්ස හෙතුපච්චයෙන පච්චයො. (1)

දුක්ඛාය වෙදනාය සම්පයුත්තො හෙතු ධම්මො දුක්ඛාය වෙදනාය සම්පයුත්තස්ස හෙතුස්ස ධම්මස්ස හෙතුපච්චයෙන පච්චයො. (1)

අදුක්ඛමසුඛාය වෙදනාය සම්පයුත්තො හෙතු ධම්මො අදුක්ඛමසුඛාය වෙදනාය සම්පයුත්තස්ස හෙතුස්ස ධම්මස්ස හෙතුපච්චයෙන පච්චයො. (1)

28. සුඛාය වෙදනාය සම්පයුත්තො හෙතු ධම්මො සුඛාය වෙදනාය සම්පයුත්තස්ස හෙතුස්ස ධම්මස්ස ආරම්මණපච්චයෙන පච්චයො… තීණි.

දුක්ඛාය වෙදනාය සම්පයුත්තො හෙතු ධම්මො දුක්ඛාය වෙදනාය සම්පයුත්තස්ස හෙතුස්ස ධම්මස්ස ආරම්මණපච්චයෙන පච්චයො… තීණි.

අදුක්ඛමසුඛාය වෙදනාය සම්පයුත්තො හෙතු ධම්මො අදුක්ඛමසුඛාය වෙදනාය සම්පයුත්තස්ස හෙතුස්ස ධම්මස්ස ආරම්මණපච්චයෙන පච්චයො… තීණි (සංඛිත්තං).

29. හෙතුයා තීණි, ආරම්මණෙ නව, අධිපතියා චත්තාරි, අනන්තරෙ ඡ, සමනන්තරෙ ඡ, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, ආසෙවනෙ තීණි, විපාකෙ ද්වෙ, ඉන්ද්‍රියෙ ද්වෙ, මග්ගෙ ද්වෙ, සම්පයුත්තෙ තීණි, අත්ථියා තීණි, නත්ථියා ඡ, විගතෙ ඡ, අවිගතෙ තීණි (සංඛිත්තං).

නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)