1-7. පටිච්චවාරාදි

පච්චයචතුක්කං

හෙතුපච්චයො

235. අජ්ඣත්තාරම්මණං නහෙතුං ධම්මං පටිච්ච අජ්ඣත්තාරම්මණො නහෙතු ධම්මො උප්පජ්ජති හෙතුපච්චයා. (1)

බහිද්ධාරම්මණං නහෙතුං ධම්මං පටිච්ච බහිද්ධාරම්මණො නහෙතු ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)

ආරම්මණපච්චයො

236. අජ්ඣත්තාරම්මණො නහෙතු ධම්මො අජ්ඣත්තාරම්මණස්ස නහෙතුස්ස ධම්මස්ස ආරම්මණපච්චයෙන පච්චයො (සංඛිත්තං).

ආරම්මණෙ චත්තාරි, අධිපතියා තීණි, අනන්තරෙ චත්තාරි, උපනිස්සයෙ චත්තාරි…පෙ… අවිගතෙ ද්වෙ (සංඛිත්තං).

නහෙතුයා චත්තාරි, නආරම්මණෙ චත්තාරි (සංඛිත්තං).

ආරම්මණපච්චයා නහෙතුයා චත්තාරි (සංඛිත්තං).

නහෙතුපච්චයා ආරම්මණෙ චත්තාරි (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)