1-7. පටිච්චවාරාදි
පච්චයචතුක්කං
හෙතුපච්චයො
214. අතීතාරම්මණං හෙතුං ධම්මං පටිච්ච අතීතාරම්මණො හෙතු ධම්මො උප්පජ්ජති හෙතුපච්චයා. (1)
අනාගතාරම්මණං හෙතුං ධම්මං පටිච්ච අනාගතාරම්මණො හෙතු ධම්මො උප්පජ්ජති හෙතුපච්චයා. (1)
පච්චුප්පන්නාරම්මණං හෙතුං ධම්මං පටිච්ච පච්චුප්පන්නාරම්මණො හෙතු ධම්මො උප්පජ්ජති හෙතුපච්චයා. (1) (සංඛිත්තං.)
215. හෙතුයා තීණි, ආරම්මණෙ තීණි…පෙ… අවිගතෙ තීණි (සංඛිත්තං).
නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නවිපාකෙ තීණි, නවිප්පයුත්තෙ ද්වෙ (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)
හෙතු-ආරම්මණපච්චයා
216. අතීතාරම්මණො හෙතු ධම්මො අතීතාරම්මණස්ස හෙතුස්ස ධම්මස්ස හෙතුපච්චයෙන පච්චයො. (1)
අනාගතාරම්මණො හෙතු ධම්මො අනාගතාරම්මණස්ස හෙතුස්ස ධම්මස්ස හෙතුපච්චයෙන පච්චයො. (1)
පච්චුප්පන්නාරම්මණො හෙතු ධම්මො පච්චුප්පන්නාරම්මණස්ස හෙතුස්ස ධම්මස්ස හෙතුපච්චයෙන පච්චයො. (1)
අතීතාරම්මණො හෙතු ධම්මො අතීතාරම්මණස්ස හෙතුස්ස ධම්මස්ස ආරම්මණපච්චයෙන පච්චයො. අතීතාරම්මණො හෙතු ධම්මො අනාගතාරම්මණස්ස හෙතුස්ස ධම්මස්ස ආරම්මණපච්චයෙන පච්චයො. අතීතාරම්මණො හෙතු ධම්මො පච්චුප්පන්නාරම්මණස්ස හෙතුස්ස ධම්මස්ස ආරම්මණපච්චයෙන පච්චයො. (3)
අනාගතාරම්මණො හෙතු ධම්මො අනාගතාරම්මණස්ස හෙතුස්ස ධම්මස්ස ආරම්මණපච්චයෙන පච්චයො… තීණි.
පච්චුප්පන්නාරම්මණො හෙතු ධම්මො පච්චුප්පන්නාරම්මණස්ස හෙතුස්ස ධම්මස්ස ආරම්මණපච්චයෙන පච්චයො… තීණි (සංඛිත්තං).
217. හෙතුයා තීණි, ආරම්මණෙ නව, අධිපතියා සත්ත, අනන්තරෙ ඡ, සමනන්තරෙ ඡ, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව…පෙ… අවිගතෙ තීණි (සංඛිත්තං).
නහෙතුයා නව, නආරම්මණෙ නව (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)