1-7. පටිච්චවාරාදි

පච්චයචතුක්කං

හෙතුපච්චයො

174. හීනං හෙතුං ධම්මං පටිච්ච හීනො හෙතු ධම්මො උප්පජ්ජති හෙතුපච්චයා. මජ්ඣිමං හෙතුං ධම්මං පටිච්ච මජ්ඣිමො හෙතු ධම්මො උප්පජ්ජති හෙතුපච්චයා. පණීතං හෙතුං ධම්මං පටිච්ච පණීතො හෙතු ධම්මො උප්පජ්ජති හෙතුපච්චයා. (3) (සංඛිත්තං.)

175. හෙතුයා තීණි, ආරම්මණෙ තීණි…පෙ… අවිගතෙ තීණි (සංඛිත්තං).

නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නවිපාකෙ තීණි, නවිප්පයුත්තෙ තීණි (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)

හෙතු-ආරම්මණපච්චයා

176. හීනො හෙතු ධම්මො හීනස්ස හෙතුස්ස ධම්මස්ස හෙතුපච්චයෙන පච්චයො. (1)

මජ්ඣිමො හෙතු ධම්මො මජ්ඣිමස්ස හෙතුස්ස ධම්මස්ස හෙතුපච්චයෙන පච්චයො. (1)

පණීතො හෙතු ධම්මො පණීතස්ස හෙතුස්ස ධම්මස්ස හෙතුපච්චයෙන පච්චයො. (1)

හීනො හෙතු ධම්මො හීනස්ස හෙතුස්ස ධම්මස්ස ආරම්මණපච්චයෙන පච්චයො. හීනො හෙතු ධම්මො මජ්ඣිමස්ස හෙතුස්ස ධම්මස්ස ආරම්මණපච්චයෙන පච්චයො. (2)

මජ්ඣිමො හෙතු ධම්මො මජ්ඣිමස්ස හෙතුස්ස ධම්මස්ස ආරම්මණපච්චයෙන පච්චයො. මජ්ඣිමො හෙතු ධම්මො හීනස්ස හෙතුස්ස ධම්මස්ස ආරම්මණපච්චයෙන පච්චයො. (2)

පණීතො හෙතු ධම්මො මජ්ඣිමස්ස හෙතුස්ස ධම්මස්ස ආරම්මණපච්චයෙන පච්චයො. (1)

177. හීනො හෙතු ධම්මො හීනස්ස හෙතුස්ස ධම්මස්ස අධිපතිපච්චයෙන පච්චයො. (1)

මජ්ඣිමො හෙතු ධම්මො මජ්ඣිමස්ස හෙතුස්ස ධම්මස්ස අධිපතිපච්චයෙන පච්චයො. මජ්ඣිමො හෙතු ධම්මො හීනස්ස හෙතුස්ස ධම්මස්ස අධිපතිපච්චයෙන පච්චයො. (2)

පණීතො හෙතු ධම්මො පණීතස්ස හෙතුස්ස ධම්මස්ස අධිපතිපච්චයෙන පච්චයො. පණීතො හෙතු ධම්මො මජ්ඣිමස්ස හෙතුස්ස ධම්මස්ස අධිපතිපච්චයෙන පච්චයො. (2)

හීනො හෙතු ධම්මො හීනස්ස හෙතුස්ස ධම්මස්ස අනන්තරපච්චයෙන පච්චයො… ද්වෙ.

මජ්ඣිමො හෙතු ධම්මො මජ්ඣිමස්ස හෙතුස්ස ධම්මස්ස අනන්තරපච්චයෙන පච්චයො… ද්වෙ.

පණීතො හෙතු ධම්මො පණීතස්ස හෙතුස්ස ධම්මස්ස අනන්තරපච්චයෙන පච්චයො… ද්වෙ (සංඛිත්තං).

178. හෙතුයා තීණි, ආරම්මණෙ පඤ්ච, අධිපතියා පඤ්ච…පෙ. … අවිගතෙ තීණි (සංඛිත්තං).

නහෙතුයා අට්ඨ, නආරම්මණෙ අට්ඨ (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ පඤ්ච (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

නහෙතුපදං

හෙතුපච්චයො

179. හීනං නහෙතුං ධම්මං පටිච්ච හීනො නහෙතු ධම්මො උප්පජ්ජති හෙතුපච්චයා.

(යථා සංකිලිට්ඨත්තිකහෙතුදුකං, එවං විත්ථාරෙතබ්බං.)