1-7. පටිච්චවාරාදි
පච්චයචතුක්කං
හෙතුපච්චයො
124. දස්සනෙන පහාතබ්බහෙතුකං හෙතුං ධම්මං පටිච්ච දස්සනෙන පහාතබ්බහෙතුකො හෙතු ධම්මො උප්පජ්ජති හෙතුපච්චයා. (1)
භාවනාය පහාතබ්බහෙතුකං හෙතුං ධම්මං පටිච්ච භාවනාය පහාතබ්බහෙතුකො හෙතු ධම්මො උප්පජ්ජති හෙතුපච්චයා. (1)
නෙවදස්සනෙන නභාවනාය පහාතබ්බහෙතුකං හෙතුං ධම්මං පටිච්ච නෙවදස්සනෙන නභාවනාය පහාතබ්බහෙතුකො හෙතු ධම්මො උප්පජ්ජති හෙතුපච්චයා (1) (සංඛිත්තං.)
125. හෙතුයා තීණි, ආරම්මණෙ තීණි…පෙ… අවිගතෙ තීණි (සංඛිත්තං).
නඅධිපතියා තීණි, නපුරෙජාතෙ තීණි…පෙ… නවිප්පයුත්තෙ තීණි (සංඛිත්තං. සහජාතවාරම්පි …පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං).
126. දස්සනෙන පහාතබ්බහෙතුකො හෙතු ධම්මො දස්සනෙන පහාතබ්බහෙතුකස්ස හෙතුස්ස ධම්මස්ස හෙතුපච්චයෙන පච්චයො (සංඛිත්තං).
හෙතුයා තීණි, ආරම්මණෙ අට්ඨ, අධිපතියා ඡ…පෙ… අවිගතෙ තීණි (සංඛිත්තං).
නහෙතුයා අට්ඨ, නආරම්මණෙ අට්ඨ (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ අට්ඨ (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)