7. පඤ්හාවාරො

පච්චයචතුක්කං

80. සවිතක්කසවිචාරො හෙතු ධම්මො සවිතක්කසවිචාරස්ස හෙතුස්ස ධම්මස්ස හෙතුපච්චයෙන පච්චයො. (1)

අවිතක්කවිචාරමත්තො හෙතු ධම්මො අවිතක්කවිචාරමත්තස්ස හෙතුස්ස ධම්මස්ස හෙතුපච්චයෙන පච්චයො. (1)

අවිතක්කඅවිචාරො හෙතු ධම්මො අවිතක්කඅවිචාරස්ස හෙතුස්ස ධම්මස්ස හෙතුපච්චයෙන පච්චයො. (1)

81. සවිතක්කසවිචාරො හෙතු ධම්මො සවිතක්කසවිචාරස්ස හෙතුස්ස ධම්මස්ස ආරම්මණපච්චයෙන පච්චයො. සවිතක්කසවිචාරො හෙතු ධම්මො අවිතක්කඅවිචාරස්ස හෙතුස්ස ධම්මස්ස ආරම්මණපච්චයෙන පච්චයො. (2)

අවිතක්කවිචාරමත්තො හෙතු ධම්මො සවිතක්කසවිචාරස්ස හෙතුස්ස ධම්මස්ස ආරම්මණපච්චයෙන පච්චයො. අවිතක්කවිචාරමත්තො හෙතු ධම්මො අවිතක්කඅවිචාරස්ස හෙතුස්ස ධම්මස්ස ආරම්මණපච්චයෙන පච්චයො. (2)

අවිතක්කඅවිචාරො හෙතු ධම්මො අවිතක්කඅවිචාරස්ස හෙතුස්ස ධම්මස්ස ආරම්මණපච්චයෙන පච්චයො. අවිතක්කඅවිචාරො හෙතු ධම්මො සවිතක්කසවිචාරස්ස හෙතුස්ස ධම්මස්ස ආරම්මණපච්චයෙන පච්චයො. (2)

82. සවිතක්කසවිචාරො හෙතු ධම්මො සවිතක්කසවිචාරස්ස හෙතුස්ස ධම්මස්ස අධිපතිපච්චයෙන පච්චයො. (1)

අවිතක්කවිචාරමත්තො හෙතු ධම්මො අවිතක්කවිචාරමත්තස්ස හෙතුස්ස ධම්මස්ස අධිපතිපච්චයෙන පච්චයො. අවිතක්කවිචාරමත්තො හෙතු ධම්මො සවිතක්කසවිචාරස්ස හෙතුස්ස ධම්මස්ස අධිපතිපච්චයෙන පච්චයො. (2)

අවිතක්කඅවිචාරො හෙතු ධම්මො අවිතක්කඅවිචාරස්ස හෙතුස්ස ධම්මස්ස අධිපතිපච්චයෙන පච්චයො. අවිතක්කඅවිචාරො හෙතු ධම්මො සවිතක්කසවිචාරස්ස හෙතුස්ස ධම්මස්ස අධිපතිපච්චයෙන පච්චයො. (2)

83. සවිතක්කසවිචාරො හෙතු ධම්මො සවිතක්කසවිචාරස්ස හෙතුස්ස ධම්මස්ස අනන්තරපච්චයෙන පච්චයො… තීණි.

අවිතක්කවිචාරමත්තො හෙතු ධම්මො අවිතක්කවිචාරමත්තස්ස හෙතුස්ස ධම්මස්ස අනන්තරපච්චයෙන පච්චයො … තීණි.

අවිතක්කඅවිචාරො හෙතු ධම්මො අවිතක්කඅවිචාරස්ස හෙතුස්ස ධම්මස්ස අනන්තරපච්චයෙන පච්චයො… තීණි…පෙ….

සවිතක්කසවිචාරො හෙතු ධම්මො සවිතක්කසවිචාරස්ස හෙතුස්ස ධම්මස්ස උපනිස්සයපච්චයෙන පච්චයො… නව (සංඛිත්තං).

84. හෙතුයා තීණි, ආරම්මණෙ ඡ, අධිපතියා පඤ්ච, අනන්තරෙ නව, සමනන්තරෙ නව, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, ආසෙවනෙ පඤ්ච, විපාකෙ තීණි…පෙ… අවිගතෙ තීණි.

නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ ඡ (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

නහෙතුපදං.