7. පඤ්හාවාරො

පච්චයචතුක්කං

39. විපාකො හෙතු ධම්මො විපාකස්ස හෙතුස්ස ධම්මස්ස හෙතුපච්චයෙන පච්චයො. (1)

විපාකධම්මධම්මො හෙතු ධම්මො විපාකධම්මධම්මස්ස හෙතුස්ස ධම්මස්ස හෙතුපච්චයෙන පච්චයො. (1)

නෙවවිපාකනවිපාකධම්මධම්මො හෙතු ධම්මො නෙවවිපාකනවිපාකධම්මධම්මස්ස හෙතුස්ස ධම්මස්ස හෙතුපච්චයෙන පච්චයො. (1)

40. විපාකො හෙතු ධම්මො විපාකස්ස හෙතුස්ස ධම්මස්ස ආරම්මණපච්චයෙන පච්චයො. විපාකො හෙතු ධම්මො විපාකධම්මධම්මස්ස හෙතුස්ස ධම්මස්ස ආරම්මණපච්චයෙන පච්චයො. විපාකො හෙතු ධම්මො නෙවවිපාකනවිපාකධම්මධම්මස්ස හෙතුස්ස ධම්මස්ස ආරම්මණපච්චයෙන පච්චයො. (3)

විපාකධම්මධම්මො හෙතු ධම්මො විපාකධම්මධම්මස්ස හෙතුස්ස ධම්මස්ස ආරම්මණපච්චයෙන පච්චයො. විපාකධම්මධම්මො හෙතු ධම්මො විපාකස්ස හෙතුස්ස ධම්මස්ස ආරම්මණපච්චයෙන පච්චයො. විපාකධම්මධම්මො හෙතු ධම්මො නෙවවිපාකනවිපාකධම්මධම්මස්ස හෙතුස්ස ධම්මස්ස ආරම්මණපච්චයෙන පච්චයො. (3)

නෙවවිපාකනවිපාකධම්මධම්මො හෙතු ධම්මො නෙවවිපාකනවිපාකධම්මධම්මස්ස හෙතුස්ස ධම්මස්ස ආරම්මණපච්චයෙන පච්චයො… තීණි.

41. විපාකො හෙතු ධම්මො විපාකස්ස හෙතුස්ස ධම්මස්ස අධිපතිපච්චයෙන පච්චයො. විපාකො හෙතු ධම්මො විපාකධම්මධම්මස්ස හෙතුස්ස ධම්මස්ස අධිපතිපච්චයෙන පච්චයො. විපාකො හෙතු ධම්මො නෙවවිපාකනවිපාකධම්මධම්මස්ස හෙතුස්ස ධම්මස්ස අධිපතිපච්චයෙන පච්චයො … තීණි.

විපාකධම්මධම්මො හෙතු ධම්මො විපාකධම්මධම්මස්ස හෙතුස්ස ධම්මස්ස අධිපතිපච්චයෙන පච්චයො… ද්වෙ.

නෙවවිපාකනවිපාකධම්මධම්මො හෙතු ධම්මො නෙවවිපාකනවිපාකධම්මධම්මස්ස හෙතුස්ස ධම්මස්ස අධිපතිපච්චයෙන පච්චයො. (1) (සංඛිත්තං.)

42. හෙතුයා තීණි, ආරම්මණෙ නව, අධිපතියා ඡ, අනන්තරෙ පඤ්ච, සමනන්තරෙ පඤ්ච, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, ආසෙවනෙ ද්වෙ, විපාකෙ එකං…පෙ… අවිගතෙ තීණි (සංඛිත්තං).

නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

නහෙතුපදපච්චයචතුක්කං

43. විපාකං නහෙතුං ධම්මං පටිච්ච විපාකො නහෙතු ධම්මො උප්පජ්ජති හෙතුපච්චයා. විපාකං නහෙතුං ධම්මං පටිච්ච නෙවවිපාකනවිපාකධම්මධම්මො නහෙතු ධම්මො උප්පජ්ජති හෙතුපච්චයා. විපාකං නහෙතුං ධම්මං පටිච්ච විපාකො නහෙතු ච නෙවවිපාකනවිපාකධම්මධම්මො නහෙතු ච ධම්මා උප්පජ්ජන්ති හෙතුපච්චයා. (3)

විපාකධම්මධම්මං නහෙතුං ධම්මං පටිච්ච විපාකධම්මධම්මො නහෙතු ධම්මො උප්පජ්ජති හෙතුපච්චයා. විපාකධම්මධම්මං නහෙතුං ධම්මං පටිච්ච නෙවවිපාකනවිපාකධම්මධම්මො නහෙතු ධම්මො උප්පජ්ජති හෙතුපච්චයා. විපාකධම්මධම්මං නහෙතුං ධම්මං පටිච්ච විපාකධම්මධම්මො නහෙතු ච නෙවවිපාකනවිපාකධම්මධම්මො නහෙතු ච ධම්මා උප්පජ්ජන්ති හෙතුපච්චයා. (3)

නෙවවිපාකනවිපාකධම්මධම්මං නහෙතුං ධම්මං පටිච්ච නෙවවිපාකනවිපාකධම්මධම්මො නහෙතු ධම්මො උප්පජ්ජති හෙතුපච්චයා… තීණි.

විපාකං නහෙතුඤ්ච නෙවවිපාකනවිපාකධම්මධම්මං නහෙතුඤ්ච ධම්මං පටිච්ච නෙවවිපාකනවිපාකධම්මධම්මො නහෙතු ධම්මො උප්පජ්ජති හෙතුපච්චයා… තීණි.

විපාකධම්මධම්මං නහෙතුඤ්ච නෙවවිපාකනවිපාකධම්මධම්මං නහෙතුඤ්ච ධම්මං පටිච්ච නෙවවිපාකනවිපාකධම්මධම්මො නහෙතු ධම්මො උප්පජ්ජති හෙතුපච්චයා (සංඛිත්තං).

44. හෙතුයා තෙරස, ආරම්මණෙ පඤ්ච, අධිපතියා නව, අනන්තරෙ පඤ්ච, සමනන්තරෙ පඤ්ච, සහජාතෙ තෙරස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ පඤ්ච, පුරෙජාතෙ තීණි, ආසෙවනෙ ද්වෙ, කම්මෙ තෙරස, විපාකෙ නව, ආහාරෙ තෙරස…පෙ… සම්පයුත්තෙ පඤ්ච…පෙ… අවිගතෙ තෙරස (සංඛිත්තං).

නහෙතු-නආරම්මණපච්චයා

45. විපාකං නහෙතුං ධම්මං පටිච්ච විපාකො නහෙතු ධම්මො උප්පජ්ජති නහෙතුපච්චයා… නව.

විපාකං නහෙතුං ධම්මං පටිච්ච නෙවවිපාකනවිපාකධම්මධම්මො නහෙතු ධම්මො උප්පජ්ජති නආරම්මණපච්චයා (සංඛිත්තං).

46. නහෙතුයා නව, නආරම්මණෙ පඤ්ච, නඅධිපතියා තෙරස, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ ද්වාදස, නපච්ඡාජාතෙ තෙරස, නආසෙවනෙ තෙරස, නකම්මෙ ද්වෙ, නවිපාකෙ පඤ්ච, නවිප්පයුත්තෙ තීණි…පෙ… නොවිගතෙ පඤ්ච (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)