1-7. පටිච්චවාරාදි

පච්චයචතුක්කං

18. සරණං සවිතක්කසවිචාරං ධම්මං පටිච්ච සරණො සවිතක්කසවිචාරො ධම්මො උප්පජ්ජති හෙතුපච්චයා. (1)

අරණං සවිතක්කසවිචාරං ධම්මං පටිච්ච අරණො සවිතක්කසවිචාරො ධම්මො උප්පජ්ජති හෙතුපච්චයා. (1) (සංඛිත්තං.)

19. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. සහජාතවාරම්පි…පෙ… පඤ්හාවාරම්පි විත්ථාරෙතබ්බං).

20. අරණං අවිතක්කවිචාරමත්තං ධම්මං පටිච්ච අරණො අවිතක්කවිචාරමත්තො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං…පෙ… අවිගතෙ එකං (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං).

21. අරණං අවිතක්කඅවිචාරං ධම්මං පටිච්ච අරණො අවිතක්කඅවිචාරො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං (සබ්බත්ථ එකං)…පෙ… අවිගතෙ එකං (සංඛිත්තං).