1-7. පටිච්චවාරාදි
පච්චයචතුක්කං
69. අරණං අනිදස්සනසප්පටිඝං ධම්මං පටිච්ච අරණො අනිදස්සනසප්පටිඝො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, අධිපතියා එකං…පෙ… අවිගතෙ එකං. (සංඛිත්තං.) (සහජාතවාරෙපි…පෙ… පඤ්හාවාරෙපි සබ්බත්ථ එකං.)
70. සරණං අනිදස්සනඅප්පටිඝං ධම්මං පටිච්ච සරණො අනිදස්සනඅප්පටිඝො ධම්මො උප්පජ්ජති හෙතුපච්චයා… තීණි.
අරණං අනිදස්සනඅප්පටිඝං ධම්මං පටිච්ච අරණො අනිදස්සනඅප්පටිඝො ධම්මො උප්පජ්ජති හෙතුපච්චයා. (1)
සරණං අනිදස්සනඅප්පටිඝඤ්ච අරණං අනිදස්සනඅප්පටිඝඤ්ච ධම්මං පටිච්ච අරණො අනිදස්සනඅප්පටිඝො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච. (සංඛිත්තං.) (සහජාතවාරොපි…පෙ… සම්පයුත්තවාරොපි විත්ථාරෙතබ්බා.)
71. අරණො අනිදස්සනසප්පටිඝො ධම්මො අරණස්ස අනිදස්සනසප්පටිඝස්ස ධම්මස්ස සහජාතපච්චයෙන පච්චයො… එකං (අඤ්ඤමඤ්ඤෙ එකං, නිස්සයෙ එකං, අත්ථියා එකං, අවිගතෙ එකං. සංඛිත්තං).
72. සරණො අනිදස්සනඅප්පටිඝො ධම්මො සරණස්ස අනිදස්සනඅප්පටිඝස්ස ධම්මස්ස හෙතුපච්චයෙන පච්චයො… තීණි. අරණො අනිදස්සනඅප්පටිඝො ධම්මො අරණස්ස අනිදස්සනඅප්පටිඝස්ස ධම්මස්ස හෙතුපච්චයෙන පච්චයො. (1) (සංඛිත්තං.)
73. හෙතුයා චත්තාරි, ආරම්මණෙ චත්තාරි…පෙ… අවිගතෙ සත්ත (සංඛිත්තං).
නහෙතුයා සත්ත, නආරම්මණෙ සත්ත (සංඛිත්තං).
හෙතුපච්චයා නආරම්මණෙ චත්තාරි (සංඛිත්තං).
නහෙතුපච්චයා ආරම්මණෙ චත්තාරි (සංඛිත්තං).
(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)
ධම්මානුලොමෙ දුකතිකපට්ඨානං නිට්ඨිතං.