1-7. පටිච්චවාරාදි

පච්චයචතුක්කං

28. සරණං දස්සනෙන පහාතබ්බං ධම්මං පටිච්ච සරණො දස්සනෙන පහාතබ්බො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං. සහජාතවාරෙපි …පෙ… පඤ්හාවාරෙපි සබ්බත්ථ එකං).

29. සරණං භාවනාය පහාතබ්බං ධම්මං පටිච්ච සරණො භාවනාය පහාතබ්බො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං).

30. අරණං නෙවදස්සනෙන නභාවනාය පහාතබ්බං ධම්මං පටිච්ච අරණො නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා.

හෙතුයා එකං (සබ්බත්ථ එකං)…පෙ… අවිගතෙ එකං (සංඛිත්තං).