1-7. පටිච්චවාරාදි

පච්චයචතුක්කං

1. සරණං සුඛාය වෙදනාය සම්පයුත්තං ධම්මං පටිච්ච සරණො සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)

අරණං සුඛාය වෙදනාය සම්පයුත්තං ධම්මං පටිච්ච අරණො සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1) (සංඛිත්තං.)

2. හෙතුයා ද්වෙ, ආරම්මණෙ ද්වෙ…පෙ… කම්මෙ ද්වෙ, විපාකෙ එකං…පෙ… අවිගතෙ ද්වෙ (සංඛිත්තං. සහජාතවාරොපි…පෙ… පඤ්හාවාරොපි සබ්බත්ථ විත්ථාරෙතබ්බා).

3. සරණං දුක්ඛාය වෙදනාය සම්පයුත්තං ධම්මං පටිච්ච සරණො දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)

සරණං දුක්ඛාය වෙදනාය සම්පයුත්තං ධම්මං පටිච්ච සරණො දුක්ඛාය වෙදනාය සම්පයුත්තො ධම්මො උප්පජ්ජති ආරම්මණපච්චයා. (1) (සංඛිත්තං.)

4. හෙතුයා එකං, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. සහජාතවාරම්පි…පෙ… පඤ්හාවාරම්පි විත්ථාරෙතබ්බං).

5. සරණං අදුක්ඛමසුඛාය වෙදනාය සම්පයුත්තං ධම්මං පටිච්ච සරණො අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)

අරණං අදුක්ඛමසුඛාය වෙදනාය සම්පයුත්තං ධම්මං පටිච්ච අරණො අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා (සංඛිත්තං).

6. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. සහජාතවාරම්පි…පෙ… පඤ්හාවාරම්පි සබ්බත්ථ විත්ථාරෙතබ්බං).

සරණදුකවෙදනාත්තිකං නිට්ඨිතං.