1-7. පටිච්චවාරාදි

පච්චයචතුක්කං

19. නභාවනාය පහාතබ්බහෙතුකං කුසලං ධම්මං පටිච්ච නභාවනාය පහාතබ්බහෙතුකො කුසලො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං).

20. භාවනාය පහාතබ්බහෙතුකං අකුසලං ධම්මං පටිච්ච භාවනාය පහාතබ්බහෙතුකො අකුසලො ධම්මො උප්පජ්ජති හෙතුපච්චයා. (1)

නභාවනාය පහාතබ්බහෙතුකං අකුසලං ධම්මං පටිච්ච නභාවනාය පහාතබ්බහෙතුකො අකුසලො ධම්මො උප්පජ්ජති හෙතුපච්චයා… තීණි (සංඛිත්තං).

21. හෙතුයා චත්තාරි, ආරම්මණෙ ඡ, අධිපතියා ද්වෙ…පෙ… අවිගතෙ ඡ (සංඛිත්තං. දස්සනෙන පහාතබ්බහෙතුකදුකඅකුසලසදිසං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරෙතබ්බං).

22. නභාවනාය පහාතබ්බහෙතුකං අබ්‍යාකතං ධම්මං පටිච්ච නභාවනාය පහාතබ්බහෙතුකො අබ්‍යාකතො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)